ପ୍ରମୂଖ ଖବର
  • ସିବିଏସ୍‌ଇର ନୂଆ ନିୟମ; ବହି ଦେଖି ପରୀକ୍ଷା ଦେବେ ଶିକ୍ଷାର୍ଥୀ, ନବମ ଶ୍ରେଣୀରେ ଲାଗୁ ହେବ
  • ||
  • ଭୁବନେଶ୍ୱର : ଦୟା ୱେଷ୍ଟ କୋନାଲରୁ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ଅଭିଯୋଗ କଲେ ପରିବାର ଲୋକେ
  • ||
  • ସଂସଦରେ ଉପସ୍ଥାପନ ହେବ ସଂଶୋଧିତ ଆୟକର ବିଲ୍, ଆଜି ଆଗତ କରିବେ ଅର୍ଥମନ୍ତ୍ରୀ ନିର୍ମଳା ସୀତାରମଣ
  • ||
  • ସୋମବାରଠୁ ଭାରତ-ପାକିସ୍ତାନ ସମରାଭ୍ୟାସ, ପହଲଗାମ ହମଲା ଓ ଅପରେସନ ସିନ୍ଦୂର ପରେ ଉଭୟ ଦେଶ ଦେଖାଇବେ ଦମ୍
  • ||
  • ସିବିଏସ୍‌ଇର ନୂଆ ନିୟମ, ବହି ଦେଖି ପରୀକ୍ଷା ଦେବେ ଶିକ୍ଷାର୍ଥୀ, ୨୦୨୬-୨୭ ଶିକ୍ଷାବର୍ଷରୁ ହେବ କାର୍ଯ୍ୟକାରୀ
  • ||
  • ମୋହନା ଥାନା କୁଙ୍କୁଣୀ ଗାଁରେ ଚାଞ୍ଚଲ୍ୟ, ସ୍ତ୍ରୀକୁ କାତିରେ ହାଣି ମାରିଲା ସ୍ୱାମୀ, ଅଭିଯୁକ୍ତ ଥାନାରେ ଅଟକ
  • ||
  • ଆମେରିକା ଉପରେ ପାଲଟା ଟାରିଫ ଲଗାଇପାରେ ଭାରତ, କିଛି ସାମଗ୍ରୀ ଉପରେ ଲାଗୁ ହୋଇପାରେ ୫୦% ଶୁଳ୍କ
  • ||
  • ରାଇଘର ନର୍ସିଂ ଛାତ୍ରୀ ମୃତ୍ୟୁ ଘଟଣା, ନ୍ୟାୟ ଦାବିରେ ବିଜେଡ଼ି ପକ୍ଷରୁ ୧୨ ଘଣ୍ଟିଆ ହରତାଳ
  • ||
  • ଓଟିଇଟି ପ୍ରଶ୍ନପତ୍ର ଲିକ୍‌, ଆଜିଠୁ ୨ ଦିନିଆ ରିମାଣ୍ଡରେ ୨ ଅଭିଯୁକ୍ତ
  • ||
  • ଆଜି ଆରବସାଗରରେ ଭାରତ-ପାକିସ୍ତାନର ସମରାଭ୍ୟାସ, ଦୁଇ ଦେଶର ନୌସେନା ଦେଖାଇବେ ଶକ୍ତି
  • ||
  • ୧୩ରେ ଲଘୁଚାପ, କାଲିଠୁ ବଡ଼ ବର୍ଷା: ତିନି ଦିନ ପ୍ରବଳ ବର୍ଷା ନେଇ ପାଣିପାଗ ବିଭାଗର ଆଲର୍ଟ ଜାରି
  • ||

ଖରିଫ ଫସଲ ଅମଳ ପୂର୍ବରୁ ହେବ ବିଶାଳ ଚାଷୀ ଆନ୍ଦୋଳନ; ଚେତାବନୀ ଦେଲା କଂଗ୍ରେସ

Published By : Harapriya Sethi | July 31, 2025 2:01 PM

ଭୁବନେଶ୍ୱର, ୩୧/୦୭: ଖରିଫ ଫସଲ ଅମଳ ପୂର୍ବରୁ ବିରାଟ ଚାଷୀ ଆନ୍ଦୋଳନ ହେବ। ଏଭଳି ଚେତାବନୀ ଦେଇଛି କଂଗ୍ରେସ। କଂଗ୍ରେସ ଭବନରେ ସାମ୍ବାଦିକ ସମ୍ମିଳନୀରେ କିଷାନ କଂଗ୍ରେସ ଅଧ୍ୟକ୍ଷ ଅଭୟ ସାହୁ କହିଛନ୍ତି, ଚାଷୀ ଏକର ପିଛା ୨୦ କ୍ୱିଣ୍ଟାଲ ଧାନ ଅମଳ କରୁଛି । ହେଲେ ରାଜ୍ୟ ସରକାର ଚାଷୀଙ୍କ ଠାରୁ ମାତ୍ର ୧୩ କ୍ୱିଣ୍ଟାଲ ଧାନ କିଣୁଛନ୍ତି । ଫଳରେ ଚାଷୀର ରୋଜଗାର ବଢୁନାହିଁ । ତେଣୁ ଚାଷୀ ନିଜ ପରିବାର ପାଇଁ ଧାନ ରଖିବା ପରେ ସମସ୍ତ ବଳକା ଧାନକୁ ସରକାର ସିଧା ସଳଖ କିଣନ୍ତୁ ବୋଲି କଂଗ୍ରେସ ଦାବି କରିଛି ।

ସେହିପରି ଫସଲ ବୀମା ଦେବା ବେଳେ ଚାଷୀ ପରିବାରକୁ ମଧ୍ୟ ବୀମାଭୁକ୍ତ କରାଯାଉ। କୃଷି ବୀମା ସହ ସ୍ୱାସ୍ଥ୍ୟବୀମା ଦିଆଯାଉ। ବରଗଡ଼ରେ ଚାଷୀ ଏବେ ରୋଗିଣା । ତେଣୁ ଚାଷୀଙ୍କୁ ୫୫ ବର୍ଷରେ ଦଶ ହଜାର ଟଙ୍କା ସ୍ୱତନ୍ତ୍ର ଭତ୍ତା ଦିଆଯାଉ। କୃଷି ବୀମା ସହ ସ୍ୱାସ୍ଥ୍ୟବୀମା ଦେବା ଓ ଶେଷ ଚାଷୀ ପଞ୍ଜୀକରଣ କରିବା ଯାଏ ପ୍ରକ୍ରିୟା ଜାରି ରଖିବା ପାଇଁ କଂଗ୍ରେସ ଦାବି କରିଛି।  ଅପରପକ୍ଷେ ପଞ୍ଜୀକରଣ ପାଇଁ ଚାଷୀଙ୍କ ପାଖକୁ ଯାଆନ୍ତୁ ସରକାର। ଏବେ ଖରିଫ ଧାନ ଚାଷ ସମୟ।  ଚାଷୀ ଚାଷ କାମ ଛାଡ଼ି ପଞ୍ଜୀକରଣ ପାଇଁ ଆସିବ ନାହିଁ। ତେଣୁ ଚାଷୀ ପାଖକୁ ସରକାରୀ ଦଳ ଯାଆନ୍ତୁ । ଶେଷ ଚାଷୀ ପର୍ଯ୍ୟନ୍ତ ପଞ୍ଜୀକରଣ ଜାରି ରହୁ ବୋଲି କିଷାନ କଂଗ୍ରେସ ଦାବି କରିଛି । ଏହାଛଡ଼ା ଜଟିଳ ପ୍ରକ୍ରିୟା ପଞ୍ଜୀକରଣକୁ ବାଦ ଦିଅନ୍ତୁ। ନହେଲେ ଅକ୍ଟୋବର, ନଭେମ୍ବର ବେଳକୁ ସାରା ରାଜ୍ୟରେ ଲଢେଇ ହେବ। ପ୍ରଦେଶ କିଷାନ କଂଗ୍ରେସ ଏହାର ନେତୃତ୍ୱ ନେବ। ଚାଷୀ ମୁହଁରେ ହସ ଫୁଟାଇବାକୁ ସମସ୍ତ ଉଦ୍ୟମ କରିବ।

ଅପରପକ୍ଷେ ପଶ୍ଚିମ ଓଡିଶାରେ ସାରର ଅଭାବ ଦେଖା ଦେଇଛି। ନିମ୍ନ ମାନର ବିହନ ଦେଉଛନ୍ତି। ତାହା ଗଜା ହେଉନି। ଏଭଳି ବିଭିନ୍ନ ଗମ୍ଭୀର ଅବସ୍ଥା ଦେଇ ଓଡ଼ିଆ ଚାଷୀ କୂଳ ସମୟ ବିତାଉଛି। ସରକାର କ୍ଷମତାକୁ ଆସିଲା। ହେଲେ ଏବେ ଚାଷୀଙ୍କ ସମସ୍ୟାକୁ ଅଣଦେଖା କରୁଛନ୍ତି। ରାଜ୍ୟର ବହୁ ଜିଲ୍ଲା ଗସ୍ତ କରିବା ପରେ ଚାଷୀଙ୍କ ସମସ୍ୟା ଜାଣିଲୁ। ଅଜଣା ଆତଙ୍କରେ ସମୟ କାଟୁଛନ୍ତି। ଚାଷୀ ବଳକା ଧାନ ବିକି ପାରୁନି। ସେମାନେ ଖୋଲା ଆକାଶ ତଳେ ବର୍ଷ ବର୍ଷ କାମ କରୁଥାନ୍ତି। ତେଣୁ ଆସନ୍ତା ବିଧାନସଭା ଅଧିବେଶନ ବେଳେ ସରକାର ସ୍ୱତନ୍ତ୍ର କିଷାନ ଭତ୍ତା ଆଣନ୍ତୁ ବୋଲି କିଷାନ କଂଗ୍ରେସ ଅଧ୍ୟକ୍ଷ ଅଭୟ ସାହୁ କହିଛନ୍ତି। ଏହି ସାମ୍ବାଦିକ ସମ୍ମିଳନୀରେ ପୂର୍ବତନ ମନ୍ତ୍ରୀ ଦେବାଶିଷ ନାୟକ, ଚାଷୀ ନେତା ଅରୁଣ କୁମାର ସ୍ୱାଇଁ ପ୍ରମୁଖ ଉପସ୍ଥିତ ଥିଲେ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.