ବେଲପଡା,୨୧/୦୫(ନିର୍ମଳ ପଟେଲ): ବଲାଙ୍ଗୀର ଜିଲ୍ଲା ବେଲପଡା ତଲିପଡ଼ାର ମୃତକ ପ୍ରଶାନ୍ତଙ୍କ ପରିବାର ଲୋକଙ୍କୁ ବୁଧବାର କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ୍ ଭେଟି ସମବେଦନା ଜଣାଇଛନ୍ତି । ମୃତକଙ୍କ ପରିବାର ସହ ଆଲୋଚନା କରି ଘଟଣା ସମ୍ପର୍କରେ ପଚାରି ବୁଝିଛନ୍ତି ବିଧାୟକ । ପୂର୍ବରୁ ବିଧାୟକ ଜିଆରପି ଓ ରାୟପୁର ପୁଲିସ ସହ ଘଟଣାର ତଦନ୍ତ ବାବଦରେ କଥା ହୋଇଥିଲେ, ହତ୍ୟାକାରୀକୁ ନିଶ୍ଚୟ ଭାବରେ ଦଣ୍ଡ ମିଳିବ । ଅଭିଯୁକ୍ତମାନେ ଆଇନରୁ ଖସି ଯାଇନି ବୋଲି କହିଛନ୍ତି ଲକ୍ଷ୍ମଣ ବାଗ୍ । ଏହାଛଡ଼ା ଶ୍ରୀ ବାଗ୍ ବେଲପଡା ଥାନାକୁ ଆସି ଥାନା ଅଧିକାରୀଙ୍କ ସହ ଘଟଣା ସମ୍ପର୍କରେ ଆଲୋଚନା କରିଥିଲେ । ବିଧାୟକଙ୍କ ସହ ବେଲପଡ଼ା ଭାରତୀୟ ଜନତା ପାର୍ଟିର କର୍ମକର୍ତ୍ତାମାନେ ଉପସ୍ଥିତ ଥିଲେ ।
ସୂଚନାଯୋଗ୍ୟ, ଗତ ୮ ତାରିଖ ମୃତକ ପ୍ରଶାନ୍ତ ଓ ତାଙ୍କ ୩ଜଣ ସାଙ୍ଗ ରାୟପୁରକୁ ମାର୍କେଟିଂ କରିବାକୁ ଯାଇଥିଲେ । ସେଠାରୁ ଟ୍ରେନ୍ରେ ଫେରୁଥିବାବେଳେ ମହାସମୁନ୍ଦ ଷ୍ଟେସନରେ ପ୍ରଶାନ୍ତ କୁଆଡ଼େ ନିଖୋଜ ହୋଇଯାଇଥିଲେ ବୋଲି ସାଙ୍ଗମାନେ କହିଥିଲେ । ହେଲେ ପ୍ରଶାନ୍ତଙ୍କ ମୃତଦେହ ରାୟପୁରର ଆରଙ୍ଗ ଥାନା ଅନ୍ତର୍ଗତ ଏକ ରେଳ ଟ୍ରାକ୍ରୁ ମିଳୁଥିଲା । ପୁଲିସ ପରିଚୟ ନପାଇବାରୁ ସେଠାରେ ପୋତି ଦେଇଥିଲା । ମାତ୍ର ପରିବାର ଲୋକେ ଗତ ୧୫ ତାରିଖ ପ୍ରଶାନ୍ତଙ୍କ ମୃତ୍ୟୁ ଖବର ଜାଣିବା ପରେ ବେଲପଡା ଥାନା ସମ୍ମୁଖରେ ଧାରଣରେ ବସିଥିଲେ । ପରେ ପୁଲିସ୍ ପ୍ରଶାନ୍ତଙ୍କ ମୃତଦେହକୁ ସେଠାରୁ ଉଦ୍ଧାର କରି ପରିବାର ଲୋକଙ୍କୁ ହସ୍ତାନ୍ତର କରିଛି ।
