ନୂଆଦିଲ୍ଲୀ – ଅସମ୍ଭାଳ ସ୍ଥିତିରେ ଦିଲ୍ଲୀର ବାୟୁ ପ୍ରଦୂଷଣ। କେନ୍ଦ୍ର ସରକାର ଦିଲ୍ଲୀରେ ବାୟୁ ପ୍ରଦୂଷଣର ଗମ୍ଭୀର ସ୍ଥିତିକୁ ଦେଖି ଗୁରୁବାର, ନିଜର କର୍ମଚାରୀଙ୍କ ପାଇଁ କାର୍ଯ୍ୟର ଅଲଗା ଅଲଗା ସମୟ ଘୋଷଣା କରିଛନ୍ତି। କେନ୍ଦ୍ରୀୟ କାର୍ମିକ ମନ୍ତ୍ରଣାଳୟ ଦ୍ୱାରା ଜାରି ନିର୍ଦ୍ଦେଶରେ ଗାଡ଼ି ଗୁଡ଼ିକ ଦ୍ୱାରା ହେଉଥିବା ପ୍ରଦୂଷଣକୁ ହ୍ରାସ କରିବା ପାଇଁ ,କର୍ମଚାରୀଙ୍କୁ ଗାଡ଼ି ସହ ଯାତାୟତ ( ଭାଇକଲ ପୁଲିଂ) ସାର୍ବଜନିକ ପରିବହନର ଉପଯୋଗ କରିବାକୁ ମଧ୍ୟ କୁହାଯାଇଛି। ଏହା ପୂର୍ବରୁ ଦିଲ୍ଲୀ ସରକାର ଓ ଏମସିଡି ମଧ୍ୟ ନିଜର ଅଫିସର ଟାଇମିଂ ବଦଳାଇ ସାରିଛି।
ଆଦେଶରେ କୁହାଯାଇଛି କି, ଦିଲ୍ଲୀରେ ବାୟୁ ପ୍ରଦୂଷଣର ଗମ୍ଭୀର ସ୍ତରକୁ ଦେଖି କେନ୍ଦ୍ର ସରକାରଙ୍କ ବିଭିନ୍ନ ମନ୍ତ୍ରଣାଳୟ , ବିଭାଗ ଓ ସଙ୍ଗଠନକୁ ଦିଲ୍ଲୀ –ରାଷ୍ଟ୍ରୀୟ ରାଜଧାନୀ କ୍ଷେତ୍ରରେ ଥିବା କାର୍ଯ୍ୟାଳୟ ସମ୍ୱନ୍ଧରେ ଅଲଗା ଅଲଗା ଆପଣାଇବାର ପରାମର୍ଶ ଦିଆଯାଏ। ନିର୍ଦ୍ଦେଶରେ କୁହାଯାଇଛି କି, କାର୍ଯ୍ୟାଳୟ ସକାଳ ୯ଟାରୁ ସନ୍ଧ୍ୟା ସାଢେ ପାଞ୍ଚଟା ଯାଏ ଓ ସକାଳ ୧୦ ଟାରୁ ସନ୍ଧ୍ୟା ସାଢେ ୬ଟା ଯାଏ ଖୋଲା ରହି ପାରେ।
ଏଥିରେ କୁହାଯାଇଛି କି, ବ୍ୟକ୍ତିଗତ ଗାଡ଼ିର ବ୍ୟବହାର କରୁଥିବା ଅଧିକାରୀ /କର୍ମଚାରୀଙ୍କ ଗାଡ଼ି ପ୍ରଦୂଷଣକୁ କମ୍ କରିବାକୁ ଗାଡ଼ି ପୁଲିଂ କରିବା ଓ ସାର୍ବଜନିକ ପରିବହନର ବ୍ୟବହାର କରିବାକୁ ପ୍ରୋତ୍ସାହିତ କରାଯିବା ଉଚିତ।
କହି ରଖୁଛୁ କି , ଦିଲ୍ଲୀରେ ସପ୍ତାହେରୁ ଜାରି ଗମ୍ଭୀର ପ୍ରଦୂଷଣ ସ୍ତର ପରେ ବାୟୁର ଗୁଣବତ୍ତାରେ କିଛି ସୁଧାର ଆସିଛି, କିନ୍ତୁ ଏହା ଏବେ ବି ବହୁତ ଖରାପ ଶ୍ରେଣୀରେ ହୋଇଛି। କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (ସିପିସିବି) ଅନୁସାରେ , ଗୁରୁବାର ସକାଳ ୯ଟାରେ ରାଷ୍ଟ୍ରୀୟ ରାଜଧାନୀରେ ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ୩୭୬ ରେକର୍ଡ କରାଯାଇଛି।
