ନୂଆଦିଲ୍ଲୀ,୧୮/୧୧: ବିଗୁଡୁଛି ଦିଲ୍ଲୀ ପରିବେଶ । ଦିଲ୍ଲୀବାସୀଙ୍କୁ ଅଣନିଶ୍ବାସୀ କରିଛି ପ୍ରଦୂଷଣ । ରାଜଧାନୀ ଦିଲ୍ଲୀରେ ବାୟୁ ପ୍ରଦୂଷଣ ସାଂଘାତିକ ସ୍ତରରେ ପହଞ୍ଚିଛି । ଚାରିଆଡ ଧୂଆଁମୟ ହୋଇଛି । ରାସ୍ତାରେ ପାଦେ ଚାଲିବା ମୁସ୍କିଲ ହୋଇଛି । ନିଶ୍ବାସ ନେବା କଷ୍ଟକର ହୋଇଛି । ଗତ ୨୪ ଘଣ୍ଟାରେ କିଛି ସ୍ଥାନରେ ଏୟାର କ୍ବାଲିଟି ଇଣ୍ଡେକ୍ସ ୪୮୧ ପାର୍ କରିଛି । ଧୂଆଁମୟ ହୋଇଛି ଏନସିଆର ଆକାଶ । କୁହୁଡି ପାଇଁ ଇନ୍ଦିରା ଗାନ୍ଧୀ ଏୟାରପୋର୍ଟରୁ ବିମାନ ଚଳାଚଳ ବାଧାପ୍ରାପ୍ତ ହୋଇଛି । ସମସ୍ତ ପ୍ରାଥମିକ ସ୍କୁଲ ବନ୍ଦ କରାଯାଇଛି । ଆଜିଠୁ ଗ୍ରାଫ୍-୪ ନିୟମ ଲାଗୁ ହୋଇଛି ।

ଦିଲ୍ଲୀ, ହରିୟାଣା ଓ ଗୁରୁଗ୍ରାମରେ ସାଂଘାତିକ ସ୍ଥିତିରେ ରହିଛି ପ୍ରଦୂଷଣ। ଘନ କୁହୁଡି ନେଇ ଭାରତୀୟ ପାଣିପାଗ ବିଭାଗ ଅରେଞ୍ଜ ଆଲର୍ଡ ଜାରି କରିଛି । ଅଧିକାଂଶ ସ୍ଥାନରେ ବାୟୁ ପ୍ରଦୂଷଣ ମାନ ୪୮୦ ପାର କରିଛି । ନୋଏଡାରେ ଏୟାର କ୍ବାଲିଟି ଇଣ୍ଡେକ୍ସ ୪୮୧ ରେକର୍ଡ ହୋଇଛି । ଏହା ଅତି ସାଂଘାତିକ ବାୟୁ ପ୍ରଦୂଷଣ ବୋଲି କୁହାଯାଉଛି । ସେହିପରି ଗାଜିଆବାଦ ଓ ଗୁରୁଗ୍ରାମରେ ଏକ୍ୟୁଆଇ ଯଥାକ୍ରମେ ୪୦୦ ଏବଂ ୪୪୬ ରହିଛି ।

ଦିଲ୍ଲୀ ପ୍ରଦୂଷଣକୁ ନଜରରେ ରଖି ପ୍ରଥମରୁ ନବମ ପର୍ଯ୍ୟନ୍ତ ସ୍କୁଲ ବନ୍ଦ କରାଯାଇଛି । ଆଜିଠୁ ସବୁ ଶ୍ରେଣୀର ଛାତ୍ରଛାତ୍ରୀଙ୍କୁ ଅନଲାଇନ ଜରିଆରେ ପାଠପଢା ଯିବ । ଏନସିଆରରେ ବାୟୁ ପ୍ରଦୂଷଣକୁ ନିୟନ୍ତ୍ରଣ କରିବା ପାଇଁ ଗ୍ରୁପ-୪ ରେସପନ୍ସ ଆକ୍ସନ ପ୍ଲାନ ଲାଗୁ ହୋଇଛି ।

ଗ୍ରାଫ୍-୪ର ନିୟମ

୧. ଦିଲ୍ଲାରେ ଟ୍ରକ ଏଣ୍ଟ୍ରିକୁ ବନ୍ଦ କରାଯାଇଛି । କେବଳ ଜରୁରୀ ସେବା ପାଇଁ ଅନୁମତି ମିଳିବ ।

୨. ସିଏନଜି, ଇଲେକ୍ଟ୍ରି ଓ ଅତ୍ୟାବଶ୍ୟକ ଜିନିଷ ଆଣି ଆସୁଥିବା ଟ୍ରକକୁ ଅନୁମତି ମିଳିବ। ଦିଲ୍ଲୀ ବାହାରେ ପଞ୍ଚିକୃତ ଯାନକୁ ଏଣ୍ଟ୍ରି ମିଳିବ ନାହିଁ ।

୩. ବିଏସ-୪ କିମ୍ବା ତାଠୁ କମ ମାନକ ଡିଜେଲ ଚାଳିତ ମିଡିୟମ ଗୁଡସ ଭେଇକିଲ ଓ ଭାରୀଯାନ ଉପରେ ପ୍ରତିବନ୍ଧକ ରହିବ । ଏଣ୍ଟ୍ରି ପଏଣ୍ଟରେ ଚେକିଂ କଡ଼ା କଡି ହୋଇଛି।

୪. ସରକାରୀ ଓ ବେସରକାରୀ ଅଫିସ ୫୦ ପ୍ରତିଶତ କର୍ମଚାରୀଙ୍କୁ ନେଇ କାମ କରିବା ସହ ୱାର୍କ ଫ୍ରମ ହୋମ କରିବାକୁ କୁହାଯାଇଛି ।

୫. ଦିଲ୍ଲୀରେ ଅଡ୍ ଇଭିନ ନମ୍ବର ଗାଡି ଚଳାଚଳ ପାଇଁ କୁହାଯାଇଛି ।