PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର: ବିଧାନସଭାର ମୌସୁମୀ ଅଧିବେଶନ ଆରମ୍ଭ: ପ୍ରଥମ ଦିନରେ ଶୋକ ପ୍ରସ୍ତାବ ପାରିତ, ଆସିବ ପୂର୍ଣ୍ଣାଙ୍ଗ ବଜେଟ୍
  • ||
  • ନୂଆଦିଲ୍ଲୀ; ଫୁଟ୍‌ ଉପରେ ବିମାନ କ୍ୟାବିନରେ ଦେଖିବାକୁ ମିଳିଲା ଧୁଆଁ; ଦିଲ୍ଲୀ ବିମାନବନ୍ଦରରେ ଜରୁରୀକାଳୀନ ଅବତରଣ କଲା ସ୍ପାଇସଜେଟ୍‌
  • ||
  • ଭୁବନେଶ୍ୱର: ୪ରେ ଲଘୁଚାପ, ଆଜିଠୁ ବଢ଼ିବ ବର୍ଷା
  • ||
  • ଚୌଦ୍ୱାର : ଜଗା ଦର୍ଶନ ସାରି ଘରକୁ ଫେରୁଥିବା ବେଳେ ବୋଲେରୋକୁ ପିଟିଲା ଟ୍ରକ: ଜଣେ ମୃତ, ୯ ଗୁରୁତର
  • ||
  • ପୁରୀ: ଦାରୁବ୍ରହ୍ମଙ୍କ ପତିତପାବନ ଯାତ୍ରା: ଆଜି ଜନ୍ମବେଦିକୁ ବିଜେ କରିବେ ଚତୁର୍ଦ୍ଧାମୂର୍ତ୍ତି
  • ||
  • ବାରିପଦା: ଆଜି ଗଡ଼ିବ ଦ୍ୱିତୀୟ ଶ୍ରୀକ୍ଷେତ୍ର ରଥ, ସୁଭଦ୍ରାଙ୍କ ରଥକୁ ଟାଣିବେ ମହିଳା ଶ୍ରଦ୍ଧାଳୁ
  • ||
  • କଟକ: ଆଜିଠୁ ମିଳିତ ପୁଲିସ୍‌ ସେବା ପରୀକ୍ଷା, ୩୪ କେନ୍ଦ୍ରରେ ପରୀକ୍ଷା ଦେବେ ୨୯ ହଜାର ୬୪୪ ପରୀକ୍ଷାର୍ଥୀ
  • ||

ବାହାରିନ ପାରା ବ୍ୟାଡମିଣ୍ଟନ : ପ୍ରମୋଦଙ୍କୁ ଡବଲ୍‌ ସ୍ୱର୍ଣ୍ଣ, ଡବଲ୍ସରେ ଦୀପ ରଞ୍ଜନ ହାସଲ କଲେ ବ୍ରୋଞ୍ଜ ପଦକ

ଭୁବନେଶ୍ୱର,୨୨/୦୫: ବାହାରିନର ମାନାମା ସହରରେ ଚାଲିଥିବା ଅନ୍ତର୍ଜାତୀୟ ପାରା ବ୍ୟାଡମିଣ୍ଟନ ଚାମ୍ପିଅନସିପ୍‌ରେ ପାରାଲିମ୍ପିକ୍ସ ଚାମ୍ପିଅନ ପ୍ରମୋଦ ଭଗତ୍‌ ଡବଲ୍‌ ସ୍ୱର୍ଣ୍ଣ ହାସଲ କରିବାରେ ସଫଳ ହୋଇଛନ୍ତି । ସେ ଉଭୟ ସିଙ୍ଗଲ୍ସ ଏବଂ ଡବଲ୍ସରେ ଏହି ସଫଳତା ହାସଲ କରିଛନ୍ତି। ଡବଲ୍ସରେ ଦୀପ୍‌ ରଞ୍ଜନ ବିଷୋୟୀଙ୍କୁ ବ୍ରୋଞ୍ଜ ପଦକରେ ସନ୍ତୁଷ୍ଟ ହେବାକୁ ପଡ଼ିଛି ।

ସିଙ୍ଗଲ୍ସରେ ପ୍ରମୋଦ ଓ ଇଂଲଣ୍ଡର ଡାନିଏଲ୍‌ ବେଥେଲଙ୍କ ମଧ୍ୟରେ ମୁକାବିଲା ହେବାର ଥିଲା । କିନ୍ତୁ ବେଥେଲ ମ୍ୟାଚ୍‌ ପାଇଁ ଫିଟ୍‌ ନଥିବାରୁ ପ୍ରମୋଦଙ୍କୁ ୱାକ୍‌ଓଭର ମିଳିଥିଲା । ତେଣୁ ସେ ବିଜେତା ଘୋଷିତ ହୋଇଥିଲେ । ମିକ୍ସଡ୍‌ ଡବଲ୍ସରେ ସେ ମନୀଷା ରାମଦାସଙ୍କୁ ଯୋଡ଼ି କରି ଫାଇନାଲରେ ଥାଇଲାଣ୍ଡର ସିରିପୋଙ୍ଗ୍‌ ଟିମଆରୋମ ଓ ଏସ୍‌. ନିପଦା ଯୋଡ଼ିଙ୍କୁ ୨୧-୧୪, ୨୧-୧୧ ଗେମ୍‌ରେ ହରାଇଥିଲେ । ଗତକାଲି ସିଙ୍ଗଲ୍ସ ସେମିରେ ପ୍ରମୋଦ ୨୧-୧୬, ୨୧-୧୪ରେ ମନୋଜ ସରକାରଙ୍କୁ ହରାଇଥିଲେ ।

ସେହିପରି ମିକ୍ସଡ ଡବଲ୍ସରେ ପ୍ରମୋଦ-ମନୀଷା ଯୋଡ଼ି ୨୧- ୧୩, ୨୧-୧୫ରେ ଜାପାନର ଡି. ଫୁଜାରା ଓ ଏ.ସୁଗିନା ଯୋଡ଼ିଙ୍କୁ ପରାସ୍ତ କରିଥିଲେ । ଦୀପ ରଞ୍ଜନ ସିଙ୍ଗଲ୍ସରେ ସହଳ ବିଦାୟ ନେଇଥିଲେ । ମାତ୍ର ଡବଲ୍ସରେ ସେ ମହମ୍ମଦ ଅରୱାଜ ଅନଶାରୀଙ୍କୁ ଯୋଡ଼ି କରି ୨୧-୬, ୨୧-୧୫ରେ ତୁର୍କୀ ଯୋଡ଼ିଙ୍କୁ ପରାଜିତ କରିଥିଲେ । କିନ୍ତୁ ସେମିରେ ଏହି ଯୋଡ଼ିଙ୍କୁ ପରାଜିତ ହେବାକୁ ପଡ଼ିଥିଲା । ଦୀପ ରଞ୍ଜନ -ଅନ୍‌ଶାରୀ ଯୋଡ଼ି ଥାଇଲାଣ୍ଡର ଏମ୍‌. ବୁନସୁନ ଓ ସିରିପୋଙ୍ଗ୍‌ ଟିମଆରୋମ ଯୋଡ଼ିଙ୍କ ଠାରୁ ୧୮-୨୧, ୧୬-୨୧ ଗେମ୍‌ରେ ପରାଜିତ ହୋଇଥିଲେ ।

ସମ୍ବନ୍ଧିତ ଖବର