ନୂଆଦିଲ୍ଲୀ,୦୧/୧୨: ଶପଥ ଗ୍ରହଣ ପୂର୍ବରୁ ଭାରତକୁ ଖୋଲା ଧମକ ଦେଇଛନ୍ତି ଡୋନାଲ୍ଡ ଟ୍ରମ୍ପ । ହ୍ବାଇଟ ହାଉସରେ ଏଣ୍ଟ୍ରୀ ପୂର୍ବରୁ ଭାରତ ସମେତ ବ୍ରିକ୍ସ ଦେଶକୁ ନାଲି ଆଖି ଦେଖାଇଛନ୍ତି ଆମେରିକା ନବନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଆମେରିକା ଡଲାର ରିପ୍ଲେସ ନେଇ ନୂଆ କରେନ୍ସି ଆଣିଲେ ୧୦୦% ଶୁକ୍ଳ ଲାଗୁ କରିବେ ବୋଲି କହିଛନ୍ତି । କାନାଡା ଓ ଆମେରିକା ପରେ ଏବେ ବ୍ରିକ୍ସ ଦେଶକୁ ଖୋଲା ଧମକ ଦେଇଛନ୍ତି ।
ବ୍ରିକ୍ସ ଦେଶରେ ଭାରତ ରହିଛି । ବ୍ରିକ୍ସ ସମ୍ମିଳନୀରେ ସାମିଲ ହୋଇଥିବା ଦେଶକୁ ଧମକ ଦେଇ ଟ୍ରମ୍ପ କହିଛନ୍ତି, ଯଦି ଆମେରିକୀୟ ଡଲାରକୁ ରିପ୍ଲେସ ଅର୍ଥାତ ବଦଳାଇବାକୁ କୌଣସି ପ୍ରୟାସ କରାଯାଏ ତେବେ ସେ ଏହି ଦେଶଗୁଡିକ ଉପରେ ୧୦୦% ଟିକସ ଲାଗୁ କରିବେ । ବ୍ରିକ୍ସ ଦେଶଗୁଡିକ ଡଲାର ବଦଳରେ ଅନ୍ୟ ମୁଦ୍ରା ପ୍ରଚଳନ କରିବାକୁ ଚେଷ୍ଟା କରୁଛନ୍ତି । ସୋସିଆଲ ମିଡିଆ ହ୍ୟାଣ୍ଡେଲରେ ଏକ ପୋଷ୍ଟ କରି ଟ୍ରମ୍ପ ଖୋଲାଖୋଲି ଭାବେ ଏହି ଧମକ ଦେଇଛନ୍ତି ।
ଟ୍ରମ୍ପ ଆହୁରି କହିଛନ୍ତି, ବ୍ରିକ୍ସ ଦେଶଗୁଡିକ ଡଲାର ବଦଳରେ ଅନ୍ୟ ମୁଦ୍ରା ପ୍ରଚଳନ କରିବାକୁ ଚେଷ୍ଟା କରୁଛନ୍ତି । ଯଦି ବ୍ରିକ୍ସ ଦେଶଗୁଡିକ ଏଭଳି କରନ୍ତି ତେବେ ଆମେରିକା ଚୁପ ବ ବସିବ ନାହିଁ ଆକ୍ସନ ନେବ । ଆମେ ଚାହୁଁଛୁ ସେହି ଦେଶଗୁଡିକ ପ୍ରତିଜ୍ଞା କରନ୍ତୁ ଯେ ସେମାନେ ନୂତନ ମୁଦ୍ରା ତିଆରି କରିବେ ନାହିଁ । ଆମେରିକୀୟ ଡଲାର ବଦଳରେ ଅନ୍ୟ କୌଣସି ମୁଦ୍ରାକୁ ସମର୍ଥନ କରିବେ ନାହିଁ । ନଚେତ୍ ସେମାନଙ୍କୁ ୧୦୦ ପ୍ରତିଶତ ଶୁକ୍ଳ ଲାଗୁ କରାଯିବ ଓ ଆମେରିକା ବଜାରରେ ସେମାନଙ୍କ ଜିନିଷ ବିକ୍ରିକୁ ବ୍ୟାନ କରାଯିବ ।
କହିରଖୁଛୁ କି, ବ୍ରିକ୍ସ ଅର୍ଥ ୫ଟି ଦେଶ । ବ୍ରାଜିଲ, ଋଷିଆ, ଭାରତ, ଚୀନ ଓ ଦକ୍ଷିଣ ଆଫ୍ରିକା । ଏହି ଦେଶ ମଧ୍ୟରେ ବ୍ରିକ୍ସ ସମ୍ମିଳନୀ ହୋଇଥାଏ । ୨୦୦୯ରେ ବ୍ରିକ୍ସ ଗଠନ ହୋଇଥିଲା ।
