ଭୁବନେଶ୍ୱର,୧୩/୦୩: ନୃଶଂସ ବାପାର ବର୍ବର କାଣ୍ଡ । ପାରିବାରିକ କଳହରେ ଗଡ଼ିଲା ମୁଣ୍ଡ । ବାପା ମାଆଙ୍କ ଝଗଡାରେ ବଳି ପଡ଼ିଲା ପୁଅ । ନିଶାସକ୍ତ ଅବସ୍ଥାରେ ନାବାଳକ ପୁଅକୁ ଛୁରୀ ଭୁସି ହତ୍ୟା କଲା ନୃଶଂସ ବାପା । ପୋଲିସ ହତ୍ୟାକାରୀ ବାପା ଯୋଗେନ୍ଦ୍ର ସିଂକୁ ଅଟକ ରଖିଛି । ବାଲେଶ୍ୱର ଜିଲ୍ଲା ଓୌପଦା ଥାନା ଅନ୍ତର୍ଗତ ନରମା ଗାଁରେ ଏଭଳି ଘଟଣା ଘଟିଛି ।
ପାଣ୍ଡେରାରେ ହେବ ଆଧୁନିକ ମାଛ ବଜାର, ଡବଲ ଇଞ୍ଜିନ ସରକାରଙ୍କୁ ଧନ୍ୟବାଦ ଦେଲେ ଅପରାଜିତା
ସୂଚନା ମୁତାବକ, ଯୋଗେନ୍ଦ୍ର ସିଂ ବୁଧବାର ବିଳମ୍ୱିତ ରାତିର ନିଶାସକ୍ତ ଅବସ୍ଥାରେ ଘରେ ପହଞ୍ଚିଥିଲା । ଘରେ ପହଞ୍ଚି ପତ୍ନୀ ମୁନି ସିଂଙ୍କ ସହ ଝଗଡ଼ା କରିଥିଲା । ପାଟି ଶୁଣି ପୁଅ ରାଜେଶ ଆସି ବାପା ମାଆଙ୍କ ଭିତରେ ଝଗଡ଼ା ହେଉଥିବା ଦେଖିଥିଲା । ଏହା ଦେଖି ପୁଅଟି ବାପାଙ୍କୁ ବିରୋଧ କରିଥିଲା । ଏଥିରେ ରାଗି ଯାଇ ବାପା ଯୋଗେନ୍ଦ୍ର ସିଂ ଏକ ଛୁରୀ ଆଣି ପୁଅ ଛାତିରେ ଭୁସି ଦେଇଥିଲା । ଫଳରେ ରାଜେଶ ଗୁରୁତର ହୋଇପଡ଼ିଥିଲା । ଏହା ଦେଖି ପଡୋଶୀ ଏବଂ ତାଙ୍କ ଭଉଣୀ ମାମିନା ସିଂ ତାକୁ ପ୍ରଥମେ ଓୌପଦା ଡାକ୍ତରଖାନା ନେଇ ଯାଇଥିଲେ । ସେଠାରେ ଡାକ୍ତର କିମ୍ବା ଆମ୍ବୁଲାନ୍ସ ପାଇ ନଥିଲେ । ଶେଷରେ ଏକ ବାହାଘରିଆ ବରଯାତ୍ରୀ ଗାଡ଼ିରେ ରାଜେଶକୁ ସୋର ଡାକ୍ତରଖାନା ଆଣିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏନେଇ ଖବର ପାଇବା ପରେ ଓୌପଦା ପୋଲିସ ଘଟଣା ସ୍ଥଳରେ ପହଞ୍ଚିଛି । ସେଠାରେ ପହଞ୍ଚି ହତ୍ୟାକାରୀ ବାପା ଯୋଗେନ୍ଦ୍ର ସିଂକୁ ଅଟକ ରଖି ତଦନ୍ତ କରୁଛି ପୋଲସ ।
