ପୁଣେ – ପୁଣେ ସିଟି ପୁଲିସ ରବିବାର ଏକ ଲଗଜୁରୀ କାରର ଡ୍ରାଇଭର ଗୌରବ ଆହୁଜାଙ୍କୁ କରିଛି ଗିରଫ। ଅଭିଯୋଗ ଆଧାରରେ, ସେ ୟେରୱଡା ଜଙ୍କସନରେ ସର୍ବସାଧାରଣ ସ୍ଥାନରେ ଦୁର୍ବ୍ୟବହାର କାମରେ ସାମିଲ ଥିଲେ। ଅଧିକାରୀଙ୍କ କହିବାନୁସାରେ, ଆହୁଜା , ଯିଏକି ଫେରାର ଥିଲେ ,ତାଙ୍କୁ ସତାରା ଜିଲ୍ଲାର କରାଡରୁ ଗିରଫ କରାଯାଇଛି।
ପୁଲିସ ଅନୁସାରେ , ଆହୁଜା ମଦ୍ୟ ପାନ ନିଶାରେ ଶନିବାର ସକାଳେ ୟେରୱଦା ଜକ୍ସନରେ ନିଜର ବିଏମଡବ୍ଲ୍ୟୁ ରୋକି ଥିଲେ ଏବଂ ସମସ୍ତଙ୍କ ସାମନାରେ ପରିସ୍ରା କରି ଥିଲେ। ଜଣେ ପଥଚାରୀ ଏହି ହରକତକୁ ମୋବାଇଲ ଫୋନରେ ରେକର୍ଡ କରି ନେଇଥିଲେ ଏବଂ ଖୁବ୍ ଶୀଘ୍ର ଏହି ଭିଡ଼ିଓ ଭାଇରାଲ ହୋଇ ଯାଇଥିଲା। ଏହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ବିରକ୍ତି ଭାବ ବ୍ୟାପି ଯାଇଥିଲା। ପୁଲିସ ଡେପୁଟୀ କମିଶନର (ଡିସିପି) ହିମ୍ମକ ଯାଦବ କହିଛନ୍ତି , ଅଭିଯୁକ୍ତ କେବଳ ପବ୍ଲିକ୍ ପ୍ଲେସରେ ପରିସ୍ରା କରି ନାହିଁ , ସେ ଜଣେ ପଥଚାରୀଙ୍କ ଦ୍ୱାରା ବିରୋଧ କରାଯିବା ନେଇ ଅନୁଚିତ ବ୍ୟବହାର ମଧ୍ୟ କରିଛି।
ଭିଡ଼ିଓକୁ ଧ୍ୟାନକୁ ନେଇ , ୟେରୱଡା ପୁଲିସ ମହାରାଷ୍ଟ୍ର ପୁଲିସ ଆକ୍ଟ ଓ ମୋଟର ଭାଇକଲ ଆକ୍ଟର ପ୍ରାସଙ୍ଗିତ ପ୍ରାବଧାନ ସହ ବିଏନଏସ ଧାରା ୨୭୦,୨୮୧ ଓ ୨୮୫ ଅନୁସାରେ ମାମାଲା ରୁଜୁ କରିଛି।
ଡିସିପି ଯାଦବ କହିଛନ୍ତି , ଆମେ ଜଣେ ଅଭିଯୁକ୍ତକୁ ଗିରଫ କରି ସାରିଛୁ ଏବଂ ଦ୍ୱିତୀୟ ଜଣକୁ ତଲାସ କରୁଛୁ ,ଯିଏକି ବର୍ତ୍ତମାନ ଫେରାର ଅଛି । ଆଗାମୀ ଯାଞ୍ଚ ଜାରି ରହିଛି। ଏହି ମଧ୍ୟରେ , ବରିଷ୍ଠ ନିରୀକ୍ଷକ ରବିନ୍ଦ୍ର ଶେଲକେ ସ୍ପଷ୍ଟ କରିଛନ୍ତି କି ଆହୁଜାକୁ ଆଜି ପରେ କୋର୍ଟରେ ହାଜର କରାଯିବ।
