ଖୋର୍ଦ୍ଧା,୨୦।୧ : ଦନ୍ତା ଆକ୍ରମଣରେ ପୁଅ ମୃତ ମା' ଗୁରୁତର। ଖୋର୍ଦ୍ଧା ବନାଞ୍ଚଳ ନନ୍ଦପୁର ପଞ୍ଚାୟତ ମହତପଲାରେ ଏଭଳି ଅଭାବନୀୟ ଘଟଣା ଘଟିଛି। ଗୁରୁତର ମହିଳାଙ୍କୁ ଭୁବନେଶ୍ଵର ସ୍ଥାନାନ୍ତର କରାଯାଇଛି। ମୃତକଙ୍କ ପରିବାରକୁ କ୍ଷତିପୂରଣ ଦେବାକୁ ସ୍ଥାନୀୟ ଲୋକେ ଦାବି କରିଛନ୍ତି।
ସୂଚନାନୁଯାୟୀ, ସୋମବାର ଭୋର୍ ସମୟରେ ନନ୍ଦପୁର ପଞ୍ଚାୟତ ମହତପଲାର ସୁଲୋଚନା ମାର୍ଥା ଏବଂ ତାଙ୍କ ଦିବ୍ୟାଙ୍ଗ ପୁଅ ସତ୍ୟରଞ୍ଜନ ମାର୍ଥା ଶୌଚ ପାଇଁ ବାରିପଟକୁ ଯାଇଥିଲେ। ଏହି ସମୟରେ ତାଙ୍କୁ ହାତୀପଲ ଆକ୍ରମଣ କରିଥିଲେ। ଦନ୍ତା ଆକ୍ରମଣରେ ପୁଅ ସତ୍ୟରଞ୍ଜନଙ୍କ ମୃତ୍ୟୁ ହୋଇଥିବା ବେଳେ ସୁଲୋଚନା ଗୁରୁତର ହୋଇଥିଲେ। ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଭୁବନେଶ୍ଵର ସ୍ଥାନାନ୍ତର କରାଯାଇଛି।
ଏହି ଖବରଟିକୁ ପଢନ୍ତୁ-ଏସସିବିରେ ଡାକ୍ତରଙ୍କୁ ଆକ୍ରମଣ, ଅଭିଯୁକ୍ତ ଅଟକ
ସ୍ଥାନୀୟ ଲୋକେ ହାତୀପଲଙ୍କୁ ଘଉଡ଼ାଇବା ସହ ମୃତକଙ୍କ ପରିବାରକୁ କ୍ଷତିପୂରଣ ଦାବି କରିଛନ୍ତି। ସେପଟେ ୨୧ଟି ହାତୀପଲ ଅଣ୍ଡା, ବାଜପୁର,ଏବଂ ନନ୍ଦପୁର ଅଞ୍ଚଳରେ ଡେରା ପକାଇଛନ୍ତି। ଏମାନଙ୍କୁ ଜଙ୍ଗଲ ମୁହାଁ କରିବାରେ ଖୋର୍ଦ୍ଧା ବନବିଭାଗ ଫେଲ୍ ମାରିଛି।
