ଢେଙ୍କାନାଳ, ୧୬।୫: ସରକାରୀ ଜାଗାରେ ଗଢ଼ି ଉଠିଥିବା ବେଆଇନ ସତସଙ୍ଗ କେନ୍ଦ୍ରରେ ବୁଲିଲା ବୁଲଡୋଜର । ଢେଙ୍କାନାଳ ସଦର ଥାନା ଅନ୍ତର୍ଗତ ତାଳବରକୋଟ ପାହାଡ଼ ଉପରେ ଗଢ଼ି ଉଠିଥିଲା ବେଆଇନ ସତସଙ୍ଗ କେନ୍ଦ୍ର । ଦୀର୍ଘ ବର୍ଷ ଧରି ଏଠାରେ ତାଳବରକୋଟ ସମେତ ଆଖପାଖ ଅଞ୍ଚଳର ଠାକୁର ଅନୁକୁଳ ଚନ୍ଦ୍ରଙ୍କ ଉପାସନା ଉଦ୍ଦେଶ୍ୟରେ ଏଠାରେ ଏକ କୋଠା ସମେତ କିଛି ଓପନ ପେଣ୍ଡାଲ ନିର୍ମାଣ କରିଥିଲେ ।
ପୂର୍ବରୁ ଏହି ବେଆଇନ ସତସଙ୍ଗ କେନ୍ଦ୍ରକୁ ଉଚ୍ଛେଦ ପାଇଁ ପ୍ରଶାସନ ପକ୍ଷରୁ ଉଦ୍ୟମ ହୋଇଥିଲା । କିନ୍ତୁ, ହାଇକୋର୍ଟରେ ସ୍ଥଗିତାଦେଶ ଆଣିଥିବାରୁ ଏହା ସମ୍ଭବ ହୋଇ ପାରିନଥିଲା । ଗତ ୯ ତାରିଖରେ ସ୍ଥଗିତାଦେଶ ଉଠିବା ପରେ ପୋଲିସ ଓ ପ୍ରଶାସନ ଉପସ୍ଥିତିରେ ଶୁକ୍ରବାର ଏହାକୁ ଉଚ୍ଛେଦ କରାଯାଉଛି । ଗୋଟିଏ ବଡ଼ କୋଠା ସମେତ କିଛି ଓପନ୍ ପେଣ୍ଡାଲକୁ ଭଙ୍ଗାଯାଇଛି । ବିନା କୌଣସି ପ୍ରତିବାଦରେ ଶାନ୍ତି ଶୃଙ୍ଖଳାର ସହ ଉଚ୍ଛେଦ ହୋଇଥିବା ସଦର ତହସିଲଦାର ସ୍ଵାଧୀନ ବେହେରା କହିଛନ୍ତି ।
