ଜଗତସିଂହପୁର,୩।୧୧ : କଟକ-ମାଛଗାଁ ମୁଖ୍ୟ ରାସ୍ତାର ଗୋପାଳପୁର ଛକ ନିକଟରେ ମର୍ମନ୍ତୁଦ ଦୁର୍ଘଟଣା ଘଟିଛି। ବାଇକ-କାର ମଧ୍ୟରେ ମୁହାଁମୁହିଁ ଧକ୍କା ହୋଇ ବାପାର ମୃତ୍ୟୁ ହୋଇଥିବା ବେଳେ ପୁଅ ଗୁରୁତର ହୋଇଛି। ମୃତକ ଜଣକ ହେଲେ କାଲିଓ ଗାଁର ଦିଲୀପ ମଲିକ। ପୁଅ ସୁବ୍ରତ ମଲ୍ଲିକଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି।
କାଲିଓ ଗାଁର ଦିଲୀପ ମଲିକ, ତାଙ୍କ ପୁଅ ସୁବ୍ରତ ମଲ୍ଲିକ ଓ ଅନ୍ୟ ଜଣେ ଗୋଟିଏ ବାଇକରେ ଯାଉଥିଲେ। କଟକ-ମାଛଗାଁ ମୁଖ୍ୟ ରାସ୍ତାର ଗୋପାଳପୁର ଛକ ନିକଟରେ ବାଇକ-କାର ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ଘଟଣାସ୍ଥଳରେ ଦିଲୀପଙ୍କ ମୃତ୍ୟୁ ଘଟିଥିବା ବେଳେ ପୁଅ ସୁବତ୍ର ଓ ଅନ୍ୟ ଜଣେ ଗୁରୁତର ହୋଇଥିଲେ। ଗୁରୁତରଙ୍କୁ ଜଗତସିଂହପୁର ଓ ପରେ କଟକ ସ୍ଥାନାନ୍ତର କରାଯାଇଛି।
