ମାଲକାନଗିରି ୨୪/୧ : କବାଡ଼ିଆ ଗୋଦାମରେ ନିଆଁ ଲାଗି ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ପାଉଁଶ ହୋଇଯାଇଛି। ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବଜାର ନିକଟ ମସଜିଦ କଲୋନୀରେ ଥିବା ସାହିଦ ଶବ୍ଦର ସାହାଙ୍କ କବାଡ଼ିଆ ଗୋଦାମ ଗୃହରେ ଗୁରୁବାର ରାତିରେ ହଠାତ ଲାଗିଲା ନିଆଁ ଲାଗିଯାଇ ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ପାଉଁଶ ହୋଇଯାଇଛି ।
ନିଆଁର ପ୍ରଭାବ ଏତେଥିଲା ଯେ, ଗୋଦାମ ଗୃହ ଭିତରେ ଥିବା କାର୍ଟୁନ ବକ୍ସ ଓ ପ୍ଲାଷ୍ଟିକ ସାମଗ୍ରୀ ସବୁ ପୋଡ଼ି ପାଉଁଶ ହୋଇଯାଇଥିଲା। କେହି ଜଣେ ଦୁର୍ବୃତ୍ତ ଜାଣି ଶୁଣି ନିଆଁ ଲଗାଇଥିବା ଆଶଙ୍କା କରୁଛନ୍ତି ଗୋଦାମ ମାଲିକ । ଘଟଣା ସ୍ଥଳରେ ଦମକଳବାହିନୀ ପହଞ୍ଚି ନିଆଁକୁ ଆୟତ୍ତ କରିଛି । ପ୍ରାୟ୨ରୁ ୩ଲକ୍ଷ ଟଙ୍କାର ସାମଗ୍ରୀ ନଷ୍ଟ ହୋଇଥିବା ଆକଳନ କରାଯାଉଛି।
