ଶଗଡ଼ଘାଟ, ୩୧/୫ : ବଲାଙ୍ଗୀର ଜିଲ୍ଲା ସିକେର ଫରେଷ୍ଟ ସଂରକ୍ଷିତ ବର୍ଣ୍ଣେଇ ଜଙ୍ଗଲ ଅଞ୍ଚଳରୁ କାଠ ଚୋରା ଚାଲାଣ ବେଳେ ମାଡ଼ି ବସିଲା ବନ ବିଭାଗ। ଗୁଡୁଗୁଦା ଓ ଡୁମରବାହାଲ ଜଙ୍ଗଲରୁ ଏକ ଟ୍ରାକ୍ଟର ଜବତ କରିବା ସହ ଦୁଇ ଜଣଙ୍କୁ ଗିରଫ କରାଯାଇଛି। ଗିରଫ ହୋଇଥିବା ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି।
ସୂଚନାନୁଯାୟୀ, ସିକେର ଫରେଷ୍ଟ ସଂରକ୍ଷିତ ବର୍ଣ୍ଣେଇ ଜଙ୍ଗଲ ଅଞ୍ଚଳରୁ ଟ୍ରାକ୍ଟର ଯୋଗେ ସାହଜ କାଠ ଓ କେନ୍ଦୁ କାଠ ଚୋରା ଚାଲାଣ ହେଉଥିବା ନେଇ ବନ ବିଭାଗ ଖବର ପାଇଥିଲା। ବନ ବିଭାଗର କର୍ମଚାରୀମାନେ ଗୁଡୁଗୁଦା ଓ ଡୁମରବାହାଲ ଜଙ୍ଗଲରେ ଏକ ଟ୍ରାକ୍ଟର ସହ ଦୁଇଜଣ ବ୍ୟକ୍ତିଙ୍କୁ ଗିରଫ କରିବାରେ ସଫଳ ହୋଇଥିଲେ। ଗିରଫ ଅଭିଯୁକ୍ତମାନେ ହେଲେ ବିକାଶ ମାଝୀ ଓ ସୁନିଲ ପୋଢ। ଦୁହେଁ ଗୁଦଗୁଦା ଗ୍ରାମର ବାସିନ୍ଦା। ଏନେଇ ଟିଟିଲାଗଡ଼ ରେଞ୍ଜରେ କେସ୍ ପଞ୍ଜିକୃତ ହୋଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ଟିଟିଲାଗଡ଼ ରେଞ୍ଜ ଅଧିକାରୀ ସଚ୍ଚିଦାନନ୍ଦ ସୁବୁଦ୍ଧି ସୂଚନା ଦେଇଛନ୍ତି।
