ସୋର, ୧୨/୦୫ : ବାଲେଶ୍ଵର ବଳରାମଗଡି ମେରାଇନ ଥାନା ନାଉପାଳଗଡିରେ ବେଆଇନ ଗ୍ୟାସ ଗୋଦାମରେ ଅଗ୍ନିକାଣ୍ଡ। ଗୋଟିଏ ପରେ ଗୋଟିଏ କରି ଫାଟିଲା ୮ରୁ ଅଧିକ ଗ୍ୟାସ ଟାଙ୍କି। ଭୟଙ୍କର ବିସ୍ଫୋରଣରେ ଥରିଲା ସମଗ୍ର ଅଞ୍ଚଳ। ଯିଏ ଯେଉଁଠି ପାରିଲେ ସୁରକ୍ଷିତ ସ୍ଥାନକୁ ଦୌଡିଲେ। ଖବର ପାଇ ଦୁଇଟି ଅଗ୍ନିଶମ ଟିମ୍ ପହଞ୍ଚି ନିଆଁକୁ ଆୟତ୍ତ କଲେ। ବର୍ତ୍ତମାନ ନିଆଁକୁ ସମ୍ପୂର୍ଣ୍ଣ ଆୟତ୍ତ କରାଯାଇଛି।ଇଲେକ୍ଟ୍ରି ସଟ୍ ସର୍କିଟ୍ ଯୋଗୁଁ ଏଭଳି ଘଟଣା ଘଟିଥିବା ଅନୁମାନ କରାଯାଉଛି।
ଗ୍ୟାସ୍ ସିଲିଣ୍ଡର ବିସ୍ଫୋରଣ ଏତେ ଭୟଙ୍କର ଥିଲା ପ୍ରାୟ ୫ଶହ ମିଟର ପର୍ଯ୍ୟନ୍ତ ସିଲିଣ୍ଡର ଟୁକୁଡା ଫାଟି ଅନେକଙ୍କ ଘରଦ୍ବାର ଭାଙ୍ଗିଯାଇଥିବା ଦେଖାଯାଇଛି। ଏହି ବିସ୍ଫୋରଣରେ କେହି ଆହତ ହୋଇନାହାନ୍ତି। ତେବେ ବେଆଇନ ଗ୍ୟାସ୍ ସିଲିଣ୍ଡର ଗୋଦାମ କାହା ନିର୍ଦେଶରେ ଚାଲିଥିଲା ବୋଲି ପ୍ରଶ୍ନ ଉଠିଛି।
