ନୂଆଦିଲ୍ଲୀ: ପାର୍ବଣ ଋତୁରେ ସୁନା ଦାମ ଆକାଶଛୁଆଁ ହୋଇଛି । ସୁନା କିଣିବା ଏବେ ହୁଏତ ଅସମ୍ଭବ କହିଲେ ଭୁଲ ହେବ ନାହିଁ । ସୁନା ଦାମ ସର୍ବାକାଳୀନ ରେକର୍ଡ ସ୍ତରରେ ପହଞ୍ଚି ଯାଇଛି ।ଦିଲ୍ଲୀରେ ସୋମବାର ସୁନା ମୂଲ୍ୟ ୧୦ ଗ୍ରାମ ପ୍ରତି ୨୨୦୦ ଟଙ୍କା ମହଙ୍ଗା ହୋଇଛି । ୧୦ ଗ୍ରାମ ସୁନାର ମୂଲ୍ୟ ୧,୧୬,୨୦୦ ଟଙ୍କାରେ ପହଞ୍ଚିଛି । ଅଲ୍ ଇଣ୍ଡିଆ ସରଫା ଆସୋସିଏସନ୍ ଅନୁଯାୟୀ , ଶୁକ୍ରବାର ୯୯.୯ ପ୍ରତିଶତ ଶୁଦ୍ଧତା ସହିତ ସୁନାର ମୂଲ୍ୟ ପ୍ରତି ୧୦ ଗ୍ରାମ ୧,୧୪,୦୦୦ ଟଙ୍କାରେ ବନ୍ଦ ହୋଇଥିଲା । ସ୍ଥାନୀୟ ବୁଲିଅନ୍ ବଜାରରେ ୯୯.୫ ପ୍ରତିଶତ ଶୁଦ୍ଧତା ସହିତ ସୁନା ୨,୧୫୦ ଟଙ୍କା ବୃଦ୍ଧି ପାଇ ପ୍ରତି ୧୦ ଗ୍ରାମ ୧,୧୫,୬୫୦ ଟଙ୍କା (ସମସ୍ତ ଟିକସ ସମେତ ) ରେକର୍ଡ ସ୍ତରରେ ପହଞ୍ଚିଛି ।
ପୂର୍ବ ବଜାର ଅଧିବେଶନରେ ଏହା ପ୍ରତି ୧୦ ଗ୍ରାମ ୧,୧୩,୫୦୦ ଟଙ୍କାରେ ବନ୍ଦ ହୋଇଥିଲା। ଅନ୍ତର୍ଜାତୀୟ ବଜାରରେ ବୃଦ୍ଧି ଧାରା ସହିତ ଘରୋଇ ବଜାରରେ ସୁନା ଏବଂ ରୂପା ଉଭୟ ରେକର୍ଡ ସ୍ତରରେ କାରବାର କରୁଛି । ଆମେରିକା ଫେଡେରାଲ୍ ରିଜର୍ଭର ଏହି ଦୁର୍ବଳ ମନୋଭାବ ସୂଚାଇ ଦେଉଛି ଯେ, ଏହି ବର୍ଷ ଶେଷ ସୁଦ୍ଧା ଆଉ ଦୁଇଟି ସୁଧ ହାର ହ୍ରାସ ହେବାର ସମ୍ଭାବନା ଅଛି । ଫଳରେ ମୂଲ୍ୟବାନ ଧାତୁର ମୂଲ୍ୟ ବୃଦ୍ଧି ହେବା ସହିତ ଆମେରିକୀୟ ଡଲାର ଏବଂ ବଣ୍ଡରେ ବୃଦ୍ଧିକୁ ସୀମିତ କରିପାରେ। ଚଳିତ କ୍ୟାଲେଣ୍ଡର ବର୍ଷରେ ମୂଲ୍ୟବାନ ଧାତୁର ମୂଲ୍ୟ ପ୍ରତି ୧୦ ଗ୍ରାମକୁ ୩୭,୨୫୦ ଟଙ୍କା କିମ୍ବା ୪୭.୧୮ ପ୍ରତିଶତ ବୃଦ୍ଧି ପାଇଛି । ଡିସେମ୍ବର ୩୧, ୨୦୨୪ରେ ପ୍ରତି ୧୦ ଗ୍ରାମ ପାଇଁ ୭୮,୯୫୦ ଟଙ୍କା ଥିଲା ।
ସେପଟେ ସୋମବାର ଦିନ ରୁପା ମୂଲ୍ୟ ୪,୩୮୦ ଟଙ୍କା ବୃଦ୍ଧି ପାଇ ସର୍ବକାଳୀନ ସ୍ତର ୧,୩୬,୩୮୦ ଟଙ୍କା ପ୍ରତି କିଲୋଗ୍ରାମରେ ପହଞ୍ଚିଛି। ଶୁକ୍ରବାର ଦିନ ରୂପା ମୂଲ୍ୟ ୧,୩୨,୦୦୦ ଟଙ୍କା ପ୍ରତି କିଲୋଗ୍ରାମରେ ବନ୍ଦ ହୋଇଥିଲା। ଚଳିତ ବର୍ଷ ଏପର୍ଯ୍ୟନ୍ତ , ରୂପା ମୂଲ୍ୟ କିଲୋଗ୍ରାମ ପ୍ରତି ୪୬,୬୮୦ ଟଙ୍କା ମହଙ୍ଗା ହୋଇଛି । ରୁପା ମୂଲ୍ୟରେ ୫୨.୦୪ ପ୍ରତିଶତ ବୃଦ୍ଧି ଘଟିଛି । ଡିସେମ୍ବର ୩୧, ୨୦୨୪ ରେ ରୁପା ପ୍ରତି କିଲୋଗ୍ରାମ ୮୯,୭୦୦ ଟଙ୍କା ଥିଲା। ବିଶ୍ୱ ସ୍ତରରେ, ସ୍ପଟ୍ ସୁନା ୧ ପ୍ରତିଶତରୁ ଅଧିକ ବୃଦ୍ଧି ପାଇ ପ୍ରତି ଆଉନ୍ସ ୩,୭୨୮.୪୩ ଡଲାରରେ ପହଞ୍ଚିଛି ।
