ମୁମ୍ବାଇ,୨୨/୦୮: ପୁଣି ବଡ଼ ପରଦାରେ ନଜର ଆସିବେ ଅଭିନେତା ହର୍ଷବର୍ଦ୍ଧନ ରାଣେ । ବହୁପ୍ରତୀକ୍ଷିତ ଫିଲ୍ମ 'ଏକ ଦିୱାନେ କି ଦିୱାନିୟତ'ରେ ଅଭିନେତ୍ରୀ ସୋନମ ବାଜୱାଙ୍କ ସହ ଆସିବେ ନଜର । ପ୍ରଥମ ଥର ଏହି ଯୋଡ଼ି ପରଦାରେ ଅନସ୍କ୍ରିନ ରୋମାନ୍ସ ଦେଖିବାକୁ ମିଳିବ । ବର୍ତ୍ତମାନ ଫିଲ୍ମର ଟିଜର ରିଲିଜ ହୋଇଯାଇଥିବା ବେଳେ ଖୁବଶୀଘ୍ର ଫିଲ୍ମ ରିଲିଜ ହେବ ।
ତେବେ ୧ ମିନିଟ୍ ୪୦ ସେକେଣ୍ଡର ଏହି ଟିଜରରେ ପ୍ରବଳ ବର୍ଷାରୁ ଏକ ସିନ୍ ଆରମ୍ଭ ହୋଇଛି। ଯେଉଁଥିରେ ହର୍ଷବର୍ଦ୍ଧନ ରାଣେ ଏବଂ ସୋନମ ବାଜୱାଙ୍କ ଏକ ଝଲକ ଦେଖିବାକୁ ମିଳେ । ଏହି ସମୟରେ, ହର୍ଷବର୍ଦ୍ଧନ ରାଣେଙ୍କ କଣ୍ଠରେ ଏକ ଭଏସ୍ ଓଭର ଆସେ, ଯେଉଁଥିରେ ସେ କୁହନ୍ତି, 'ତୁମର ପ୍ରତି ମୋର ପ୍ରେମ ତୁମ ଉପରେ ନିର୍ଭରଶୀଳ ନୁହେଁ । ଏହା କେବଳ ଆଜି ନୁହେଁ, ମୃତ୍ୟୁ ପର୍ଯ୍ୟନ୍ତ ରହିବ ।' ଏହା ପରେ, ହର୍ଷବର୍ଦ୍ଧନ ରାଣେ ଏବଂ ସୋନମ ବାଜୱାଙ୍କ ବିଚ୍ଛେଦ ପର୍ଯ୍ୟନ୍ତ ପ୍ରେମ କାହାଣୀର କାହାଣୀ ଦେଖିବାକୁ ମିଳେ । ତେବେ ଏହି ଫିଲ୍ମଟି ୨ ଅକ୍ଟୋବର ୨୦୨୫ରେ ସିନେମା ହଲରେ ମୁକ୍ତିଲାଭ କରିବ । ପ୍ରକାଶ ଥାଉକି, ହାଇ ଭୋଲଟେଜ ଷ୍ଟୋରୀ ଟେଲିଂ( ମାଷ୍ଟର ମିଲାପ ମିଲନ ଜାୱେରୀଙ୍କ ଦ୍ବାରା ନିର୍ଦ୍ଦେଶିତ ଓ ମୁସ୍ତାକ ଶେଖଙ୍କ ଦ୍ବାରା ଲିଖିତ । 'ଦ ସାବରମତି ରିପୋର୍ଟ'ର ନିର୍ମାତାଙ୍କ ଦ୍ବାରା ନିର୍ମିତ ଏହି ଫିଲ୍ମ ଦର୍ଶକଙ୍କୁ ମନକୁ ଛୁଇଁବ ବୋଲି ଆଶା ରଖିଛନ୍ତି ନିର୍ମାତା । ଏହି ଫିଲ୍ମଟି ଦୀପାବଳିରେ ମୁକ୍ତିଲାଭ କରୁଥିବା ଦିନେଶ ବିଜାନଙ୍କ ହରର-କମେଡି ୟୁନିଭର୍ସ ଫିଲ୍ମ 'ଥାମା' ସହିତ ବକ୍ସ ଅଫିସରେ ଟକ୍କର ଦେବ ।
