ଭୁବନେଶ୍ୱର,୨୪/୦୬: ଚେନ୍ନାଇରେ ଚାଲିଥିବା ହକି ଇଣ୍ଡିଆ ମାଷ୍ଟର୍ସ କପ୍ରେ ଓଡ଼ିଶା ପୁରୁଷ ଦଳ ସେମି ଫାଇନାଲରେ ପ୍ରବେଶ କରିଛି । ସେମିତି ଓଡ଼ିଶା ମହିଳା ଦଳ ହରିଆନାକୁ ହରାଇଛି ।
ଓଡ଼ିଶା ପୁରୁଷ ଦଳ କ୍ୱାର୍ଟର ଫାଇନାଲରେ ୬-୨ ଗୋଲରେ ଆନ୍ଧ୍ର ପ୍ରଦେଶକୁ ପରାଜିତ କରିଥିଲା । ଲାଜରୁସ ବାର୍ଲା (୫, ୩୬ ମିନିଟ) ଏବଂ ଅନୀଲ କୁଲୁ (୫୧, ୫୯ ମିନିଟ) ୨ଟି ଲେଖାଏଁ ଗୋଲ୍ ଦେଇ ଦଳକୁ ଜିତାଇବାରେ ମୁଖ୍ୟ ଭୂମିକା ଗ୍ରହଣ କରିଥିଲେ । ୧୦ ମିନିଟରେ ସାଣ୍ଟିଏଲ ମୁଣ୍ଡା ଏବଂ ୨୧ ମିନିଟରେ ସାଇପ୍ରିୟାନ କେର୍କେଟା ଗୋଲ ଦେଇଥିଲେ ।
ମହିଳାରେ ଓଡ଼ିଶା ୩-୨ ଗୋଲରେ ହରିଆନାକୁ ପରାସ୍ତ କରିଥିଲା । ରଞ୍ଜିତା ବେକ୍ (୫, ୩୭) ଡବଲ ଏବଂ ସରିତା ରୋଶନ ମିଞ୍ଜ (୧୧) ଗୋଟିଏ ଗୋଲ୍ ଦେଇ ଦଳକୁ ଜିତାଇଥିଲେ ।
