ଭୁବନେଶ୍ୱର,୦୩/୧୨: ହୋଣ୍ଡା ମୋଟର୍ସାଇକେଲ ଆଣ୍ଡ୍ ସ୍କୁଟର ଇଣ୍ଡିଆ ପ୍ରାଇଭେଟ ଲିମିଟେଡ (ଏଚ୍ଏମ୍ଏସ୍ଆଇ) ପକ୍ଷରୁ ଇ-ଯାନ କ୍ଷେତ୍ରରେ ପ୍ରବେଶ ସମ୍ପର୍କରେ ଘୋଷଣା କରାଯାଇଛି । କମ୍ପାନି ଆକ୍ଟିଭା ଇ ଏବଂ କ୍ୟୁସି୧ ଉନ୍ମୋଚନ କରିଛି ।
ଏବେ ଇଲେକ୍ଟ୍ରିକ ଅବତାରରେ ଆସିଛି ଆଇକନିକ ଆକ୍ଟିଭା । ସେହିଭଳି ଇ-ଯାନ କ୍ଷେତ୍ରରେ ପ୍ରତିବଦ୍ଧତାକୁ କ୍ୟୁସି୧ ଦୋହରାଇଛି । ବେଙ୍ଗାଲୁରୁରେ କମ୍ପାନି ଏହି ମଡେଲଗୁଡିକୁ ଉନ୍ମୋଚନ କରିଛି । ଜାନୁଆରୀ ପହିଲାରେ ଏହାର ବୁକିଂ ଆରମ୍ଭ ହେବ । ୨୦୨୫ ଫେବ୍ରୁଆରୀ ପରଠୁ ଗ୍ରାହକ ଏହି ଯାନଗୁଡିକର ଡେଲିଭରି ପାଇବେ ।
ଏ ଅବସରରେ କମ୍ପାନିର ସିଇଓ ସୁତସୁମୁ ଓଟାନି କହିଛନ୍ତି, ଇଲେକ୍ଟ୍ରିକ ମୋବିଲିଟି କ୍ଷେତ୍ରରେ କମ୍ପାନି ପାଇଁ ଆଜି ଏକ ସ୍ମରଣୀୟ ଦିନ । ପରିବେଶ ଉପଯୋଗୀ ଯାନ ଗ୍ରହଣୀୟତା କ୍ଷେତ୍ରରେ ଏହା ଆମର ପ୍ରତିବଦ୍ଧତାକୁ ଦୋହରାଉଛି । ୨୦୫୦ ସୁଦ୍ଧା କାର୍ବନ ନ୍ୟୁଟ୍ରାଲିଟି ଉପରେ ଏବେ ଫୋକସ କରାଯାଇଛି । ଆମେ ଦେଶର ସର୍ବୋତ୍ତମ ଇଭି ଇକୋସିଷ୍ଟମ ଗଠନ ଦିଗରେ ଉଦ୍ୟମ ଜାରି ରଖିଛୁ ।
କମ୍ପାନିର ସେଲ୍ସ ଆଣ୍ଡ୍ ମାର୍କେଟିଂ ନିର୍ଦ୍ଦେଶକ ଯୋଗେଶ ମାଥୁର କହିଛନ୍ତି, ଆକ୍ଟିଭା-ଇରେ ଗ୍ରାହକ ସ୍ୱାପ ହୋଇ ପାରୁଥିବା ବ୍ୟାଟେରୀ ଟେକ୍ନୋଲୋଜି ପାଇବେ । କ୍ୟୁସି ୧ ଫିକ୍ସ ବ୍ୟାଟେରି ସହ ଆସୁଛି । ଏହି ଇ-ସ୍କୁଟର ଗୁଡିକରେ ଗ୍ରାହକ ଅତୁଳନୀୟ ମାଲିକାନା ଅଭିଜ୍ଞତା ଲାଭ କରିପାରିବେ ।ଗ୍ରାହକଙ୍କ ବହୁବିଧ ଆବଶ୍ୟକତା ପୂରଣ ଦିଗରେ ଉଦ୍ୟମ ଜାରି ରହିଛି ।
