ନୂଆଦିଲ୍ଲୀ, ୩୦/୪ : ଜମ୍ମୁ- କଶ୍ମୀରର ପହଲଗାମରେ ହୋଇଥିବା ଆତଙ୍କୀ ଆକ୍ରମଣକୁ ନେଇ ଭାରତ କିଛି ଶକ୍ତ ପଦକ୍ଷେପ ଉଠାଇଛି । ପାକିସ୍ତାନ ବି ଏହା ଉପରେ ତା’ର କାର୍ଯ୍ୟାନୁଷ୍ଠାନ ନେଇଛି । ଏଥିରୁ ଗୋଟିଏ ପାକିସ୍ତାନର ଭାରତୀୟ ବିମାନ କମ୍ପାନୀ ଲାଗି ନିଜ ଏୟାରସ୍ପେଶ ବନ୍ଦ କରିବା । ତଥା ଭାରତୀୟ ବିମାନ ପାକିସ୍ତାନ ଉପରେ ଉଡ଼ି ଅନ୍ୟ ଦେଶକୁ ଯାଇପାରିବ ନାହିଁ ।
ପ୍ରକାଶ ଯେ, ପାକିସ୍ତାନର ଏହି ନିଷ୍ପତ୍ତି ଉପରେ ଭାରତୀୟ ଏୟାରଲାଇନକୁ ନିଜ ଉଡ଼ାଣର ସଞ୍ଚାଳନ କରିବା ଲାଗି ପ୍ରତି ସପ୍ତାହରେ ପ୍ରାୟ ୭୭କୋଟି ଟଙ୍କାର ଅତିରିକ୍ତ ଖର୍ଚ୍ଚ ଉଠାଇବାକୁ ପଡ଼ୁଛି । ପାକିସ୍ତାନର ଏୟାର ସ୍ପେଶ ବନ୍ଦ ହେବା କାରଣରୁ କେତେକ ଦେଶର ଯାତ୍ରା ଲାଗି ବିମାନକୁ ବୈକଳ୍ପିକ ଋଟର ସାହାରା ନେବାକୁ ପଡ଼ୁଛି । ଏହାଦ୍ବାରା ଇନ୍ଧନ ଉପରେ ଅଧିକ ଖର୍ଚ୍ଚ ଲାଗୁଛି ଏବଂ ସମୟ ବି ଲାଗୁଛି । ଉତ୍ତର ଭାରତରୁ ଅନ୍ତରାଷ୍ଟ୍ରୀୟ ଉଡ଼ାଣର ସଂଖ୍ୟା ଏବଂ ବଢୁଥିବା ସମୟ ସୀମା ଆଧାରରେ ନ୍ୟୁଜ୍ ଏଜେନ୍ସି ପିଟିଆଇ କହିଛି କି ଅପରେଶ୍ନାଲ କଷ୍ଟ ମାସକୁ ପ୍ରାୟ ୩୦୭କୋଟି ଟଙ୍କାରୁ ଅଧିକ ହୋଇପାରେ ।
