ନୂଆଦିଲ୍ଲୀ,୧୯।୧: ବିଶ୍ୱ ବଜାରରେ ଅସ୍ଥିରତା ସତ୍ତ୍ୱେ, ଭାରତୀୟ ଅର୍ଥନୀତି ପାଇଁ ଭଲ ଖବର। ଆନ୍ତର୍ଜାତୀୟ ମୁଦ୍ରା ପାଣ୍ଠି (IMF) ର ବିଶ୍ୱ ଅର୍ଥନୀତି ଆଉଟଲୁକ୍ ଅପଡେଟ୍ ଅନୁଯାୟୀ, ଭାରତର ଅର୍ଥନୀତି ୨୦୨୫ରେ ୭.୩% ଅଭିବୃଦ୍ଧି ଘଟିଛି। ସେଭଳି ୨୦୨୬ ଏବଂ ୨୦୨୭ ରେ ୬.୪% ହେବ। ଅନେକ ପ୍ରମୁଖ ଦେଶ ଅର୍ଥନୈତିକ ମାନ୍ଦାବସ୍ଥା ଏବଂ ମୁଦ୍ରାସ୍ଫୀତି ସହିତ ସଂଘର୍ଷ କରୁଥିବା ବେଳେ, ଭାରତର ଅଭିବୃଦ୍ଧି ସମସ୍ତ ଦେଶ ପାଇଁ ଏକ ଉଦାହରଣ ସୃଷ୍ଟି କରୁଛି। ଗତକାଲି, ରେଟିଂ ଏଜେନ୍ସି କେୟାରଏଜ୍ ର ଏକ ରିପୋର୍ଟରେ କୁହାଯାଇଛି ଯେ ୨୦୨୬-୨୭ ଆର୍ଥିକ ବର୍ଷରେ ଭାରତର GDP ପ୍ରଭାବଶାଳୀ ୭% ହାରରେ ଅଭିବୃଦ୍ଧି ପାଇପାରେ। ଏହାର ଅର୍ଥ ହେଉଛି ଦେଶକୁ ଦୁଇ ଦିନରେ ଦୁଇଟି ଭଲ ଖବର ମିଳିଛି।
ଭାରତର ଅଭିବୃଦ୍ଧି ବିଶ୍ୱ ତୁଳନାରେ ଦ୍ରୁତ
ବିପରୀତରେ, ବିଶ୍ୱ ଅର୍ଥନୀତି ୨୦୨୫ ଏବଂ ୨୦୨୬ ରେ ୩.୩% ଏବଂ ୨୦୨୭ ରେ ୩.୨% ହାରରେ ଅଭିବୃଦ୍ଧି ପାଇବାର ଆଶା କରାଯାଉଛି। ଏହାର ଅର୍ଥ ହେଉଛି କେହି ଭାରତର ଅଭିବୃଦ୍ଧି ହାରର ନିକଟତର ମଧ୍ୟ ନୁହଁନ୍ତି। IMFର ସକାରାତ୍ମକ ଦୃଷ୍ଟିକୋଣକୁ ଦୃଢ଼ ଘରୋଇ ଚାହିଦା, ନିରନ୍ତର ବୃଦ୍ଧି ପାଉଥିବା ସରକାରୀ କ୍ଷେତ୍ର ନିବେଶ ଏବଂ ଘରୋଇ ପୁଞ୍ଜି ଖର୍ଚ୍ଚରେ କ୍ରମାଗତ ଉନ୍ନତି ପାଇଁହୋଇଛି ବୋଲି କହିଛି।'
IMF ରିପୋର୍ଟର ଖାସ୍ କଥା
-ଦେଶରେ ସ୍ଥାନୀୟ ଚାହିଦା ବୃଦ୍ଧି ପାଉଛି
- ସରକାରୀ ନିବେଶ ବୃଦ୍ଧି ପାଇଛି
-ଘରୋଇ କମ୍ପାନୀଗୁଡ଼ିକ ପୁଞ୍ଜି ଖର୍ଚ୍ଚ ବୃଦ୍ଧି କରୁଛନ୍ତି
-୨୦୨୫ ରେ ଖାଦ୍ୟପେୟ ଜିନିଷର ମୂଲ୍ୟ ହ୍ରାସ ପାଇଛି
- ବାଣିଜ୍ୟ ନୀତି ପରିବର୍ତ୍ତନ ହେବା ଦ୍ୱାରା ନିବେଶ ସୁଦୃଢ଼ ହୋଇଛି
- ବଡ଼ ପରିମାଣରେ ସହଜରରେ ଲୋନ୍ ପାଇବାର ସୁବିଧା ବଢିଛି।
ଭାରତଠାରୁ ପଛରେ ବହୁ ଦେଶ
ଅନ୍ୟ ଦେଶମାନଙ୍କ ବିଷୟରେ ଯଦି କଥା ହେବା ତେବେ, ୨୦୨୬ ରେ ଆମେରିକା ୨.୪% ହାରରେ ଅଭିବୃଦ୍ଧି ହାସଲ କରିବ ବୋଲି ଆକଳନ କରାଯାଇଛି। ଚୀନ ୪.୫% ହାରରେ ଏବଂ ୟୁରୋପୀୟ ଦେଶ ୧.୩% ହାରରେ ବୃଦ୍ଧି ପାଇବ। ରିପୋର୍ଟରେ କୁହାଯାଇଛି ଯେ ଅନ୍ୟ ବିକାଶଶୀଳ ଦେଶଗୁଡ଼ିକ ୪.୨% ହାରରେ ଅଭିବୃଦ୍ଧି ହାସଲ କରୁଥିବା ବେଳେ, ଭାରତର ଗତି ଉଲ୍ଲେଖନୀୟ।
ଆଶାଠାରୁ ଭଲ ତ୍ରୈମାସିକ ଅଭିବୃଦ୍ଧି
IMF କହିଛି, ୨୦୨୫ ପାଇଁ ଭାରତର ଅଭିବୃଦ୍ଧି ଆକଳନ ୦.୭ ପ୍ରତିଶତ ପଏଣ୍ଟ ବୃଦ୍ଧି କରି ୭.୩% କରାଯାଇଛି, ଯାହା ବର୍ଷର ତୃତୀୟ ଏବଂ ଚତୁର୍ଥ ତ୍ରୈମାସିକରେ ଆଶାଠାରୁ ଭଲ ପ୍ରଦର୍ଶନକୁ ପ୍ରତିଫଳିତ କରେ।’
