ଦୁବାଇ,୦୪/୦୩: ଆଇସିସି ଚାମ୍ପିଅନ୍ସ ଟ୍ରଫି ୨୦୨୫ର ପ୍ରଥମ ସେମିଫାଇନାଲ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଛି। ପ୍ରଥମେ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଥିଲା ଅଷ୍ଟ୍ରେଲିଆ। ତେବେ ଦଳ ୪୯.୩ ଓଭରରେ ସମସ୍ତ ଓ୍ବିକେଟ ହରାଇ ୨୬୪ ରନ୍ କରିଛି। ଦଳ ପକ୍ଷାରୁ ଷ୍ଟିଭ୍ ସ୍ମିଥ୍ ଏବଂ ଆଲେକ୍ସ କେରି ଚମତ୍କାର ପ୍ରଦର୍ଶନ କରିଥିଲେ। ଦୁହେଁ ଅର୍ଦ୍ଧଶତକ ହାସଲ କରିଥିଲେ। ଭାରତ ପକ୍ଷରୁ ବୋଲିଂରେ, ମହମ୍ମଦ ଶାମି ୩ଟି ୱିକେଟ ନେଇଥିଲେ।
ଅଷ୍ଟ୍ରେଲିଆ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ଇନିଂସ ଆରମ୍ଭ କରିଥିଲେ ଟ୍ରେଭିସ୍ ହେଡ୍ ଏବଂ କପୁର କନୋଲି। କୋନୋଲି ପ୍ରଥମରୁ ମହମ୍ମଦ ଶାମିଙ୍କ ଦ୍ୱାରା କ୍ୟାଚ୍ ଆଉଟ୍ ହେଲେ। ସେ କୌଣସି ରନ୍ ନ କରି ପାଭିଲିୟନ ଫେରିଥିଲେ। ଏହା ପରେ ଟ୍ରାଭିସ୍ ହେଡ୍ ଏବଂ ଷ୍ଟିଭ୍ ସ୍ମିଥ୍ ଇନିଂସର ଭାର ଉଠାଇଥିଲେ। କ୍ରିଜରେ ସ୍ଥିର ହେବା ପରେ, ଟ୍ରାଭିସ୍ ହେଡ୍ ବିସ୍ଫୋରକ ବ୍ୟାଟିଂ ଆରମ୍ଭ କରିଥିଲେ, କିନ୍ତୁ ବରୁଣ ଚକ୍ରବର୍ତ୍ତୀ ତାଙ୍କ ଇନିଂସକୁ ଆଗକୁ ବଢ଼ିବାକୁ ଦେଇ ନଥିଲେ। ଟ୍ରାଭିସ୍ ହେଡ୍ ୩୩ ବଲ୍ରେ ୩୯ ରନ୍ କରି ପାଭିଲିୟନ ଫେରିଥିଲେ।
ଷ୍ଟିଭ୍ ସ୍ମିଥ୍ ଏବଂ ଆଲେକ୍ସ କ୍ୟାରୀ ଖେଳିଥିଲେ ଅର୍ଦ୍ଧଶତକୀୟ ଇନିଂସ:
ପ୍ରଥମରୁ ୱିକେଟ୍ ହରାଇବା ପରେ, ଅଧିନାୟକ ଷ୍ଟିଭ୍ ସ୍ମିଥ୍ ଦଳର ପାଳି ସମ୍ଭାଳିଥିଲେ ଏବଂ ସେ ୭୩ ରନର ଏକ ଗୁରୁତ୍ୱପୂର୍ଣ୍ଣ ଇନିଂସ ଖେଳିଲେ। ୯୬ ବଲ୍ ର ଏହି ଇନିଂସରେ ଷ୍ଟିଭ୍ ସ୍ମିଥ୍ ଗୋଟିଏ ଛକା ଏବଂ ୪ ଚୌକା ମାରିଥିଲେ। ୩୭ତମ ଓଭରରେ ସ୍ମିଥଙ୍କୁ ମହମ୍ମଦ ଶାମି ବୋଲ୍ଡ ଆଉଟ୍ କରିଥିଲେ। ସେତିକିବେଳେ ଅଷ୍ଟ୍ରେଲିଆର ସ୍କୋର ଥିଲା ୫ ଓ୍ବିକେଟ ବିନିମୟରେ ୧୯୮ ରନ୍। ଏହା ପରେ ବିସ୍ଫୋରକ ବ୍ୟାଟ୍ସର ଗ୍ଲେନ୍ ମ୍ୟାକ୍ସୱେଲ୍ ୭ ରନ କରି ବୋଲ୍ଡ ହୋଇଥିଲେ। ଏହା ପରେ ଆଲେକ୍ସ କ୍ୟାରି ମଧ୍ୟ ତାଙ୍କର ଅର୍ଦ୍ଧଶତକ ପୂରଣ କରିଥିଲେ। କ୍ୟାରି ଡେଥ୍ ଓଭରଗୁଡ଼ିକରେ ଭଲ ବ୍ୟାଟିଂ କରିଥିଲେ। ସେ ୫୭ ବଲ୍ରେ ୬୧ ରନ୍ କରିଥିଲେ। ଏହି ଇନିଂସରେ ସେ ୮ଟି ଚୌକା ଏବଂ ଗୋଟିଏ ଛକା ମାରିଥିଲେ।
ଭାରତର ବୋଲିଂ:
ଭାରତ ପକ୍ଷରୁ ଦ୍ରୁତ ବୋଲର ମହମ୍ମଦ ଶାମି ଇନିଂସରେ ଷ୍ଟିଭ୍ ସ୍ମିଥଙ୍କ ସମେତ ୩ଟି ୱିକେଟ ନେଇଥିଲେ। ସେ ସେ ତାଙ୍କର ୧୦ ଓଭର ସ୍ପେଲ୍ରେ ୪.୮୦ ଇକନୋମି ହାରରେ ୪୮ ରନ୍ ଦେଇଥିଲେ। ବରୁଣ ଚକ୍ରବର୍ତ୍ତୀ ଏବଂ ରବିନ୍ଦ୍ର ଜାଡେଜା ୨ଟି ଲେଖାଏଁ ୱିକେଟ ନେଇଥିଲେ। ଏବେ ଭାରତୀୟ ଦଳ ୨୬୫ ରନ୍ର ବିଜୟଲକ୍ଷ୍ୟକୁ ଟାର୍ଗେଟ ରଖି ମଇଦାନକୁ ଓହ୍ଲାଇବ।
