ନୂଆଦିଲ୍ଲୀ,୩୦/୧୧: ବର୍ଡର-ଗାଭାସ୍କର ଟ୍ରଫିର ଦ୍ବିତୀୟ ଟେଷ୍ଟ ଡିସେମ୍ବର ୬ରୁ ଆଡିଲେଡରେ ଖେଳାଯିବ । ଏହା ପୂର୍ବରୁ ଘରୋଇ ଦଳକୁ ଜୋରଦାର ଝଟକା ଲାଗିଛି । ଆଡିଲେଡ ଟେଷ୍ଟ ପୂର୍ବରୁ ଅଷ୍ଟ୍ରେଲିଆର ଖତରନାକ ବୋଲର ଜୋସ୍ ହେଜେଲଉଡ ବାଦ ପଡିଛନ୍ତି । ଆହସ ସମସ୍ୟା ନେଇ ବାଦ ପଡିଥିବା ଜଣାପଡିଛି । ତାଙ୍କ ସ୍ଥାନରେ ଜଣେ ନବାଗତ ଖେଳାଳିଙ୍କୁ ସାମିଲ କରାଯାଇଥିବା ଅଷ୍ଟ୍ରେଲିଆ କ୍ରିକେଟ ବୋର୍ଡ ପକ୍ଷରୁ ସୂଚନା ମିଳିଛି ।

ନଭେମ୍ବର ୨୨ରୁ ସମ୍ମାନଜନକ ବର୍ଡର-ଗାଭାସ୍କର ଟ୍ରଫି ଆରମ୍ଭ ହୋଇଛି । ପ୍ରଥମ ଟେଷ୍ଟ ପର୍ଥରେ ଖେଳାଯାଇଥିଲା । ଏଥିରେ ଭାରତ ବୃହତ ବିଜୟ ହାସଲ କରିଥିଲା । ୨୯୫ରନରେ ବିରାଟ ବିଜୟ ହାସଲ କରିଥିବା ଭାରତୀୟ କ୍ରିକେଟ ଦଳ । ଆସନ୍ତା ଡିସେମ୍ବର ୬ରୁ ଆଡିଲେ଼ଡରେ ଦ୍ବିତୀୟ ଟେଷ୍ଟ ଖେଳାଯିବ । ଏହା ପୂର୍ବରୁ ଘରୋଇ ଦଳକୁ ଝଟକା ଲାଗିଛି । ଖତରନାକ ବୋଲର ଜୋସ୍ ହେଜେଲଉଡ ଦ୍ବିତୀୟ ଟେଷ୍ଟରୁ ବାଦ ପଡିଛନ୍ତି । ଆହତ ସମସ୍ୟା ପାଇଁ ସେ ଦ୍ବିତୀୟ ଟେଷ୍ଟ ଖେଳିବେ ନାହିଁ । ପ୍ରଥମ ଟେଷ୍ଟରେ ଜୋସ୍ ହେଜେଲଉଡଙ୍କୁ ଛାଡି ଅନ୍ୟ କେହି ବୋଲର ନିଜର ଦକ୍ଷତା ଅନୁସାରେ ପ୍ରଦର୍ଶନ କରିନଥିଲେ । ହେଜେଲଉଡ ହିଁ ଏକମାତ୍ର ବୋଲର ଯିଏ ଭାରତୀୟ ବ୍ୟାଟ୍ସମ୍ୟାନଙ୍କ ଉପରେ ଚାପ ପକାଉଥିଲେ ।

ପର୍ଥ ଟେଷ୍ଟରେ ଅଷ୍ଟ୍ରେଲିଆ ପାଇଁ ଦମଦାର ପ୍ରଦର୍ଶନ କରିଥିଲେ ହେଜେଲଉଡ । ପ୍ରଥମ ପାଳିରେ ୨୯ରନ ଦେଇ ୪ଟି ୱିକେଟ ନେଇଥିଲେ  । ଫଳରେ ଭାରତ ୧୫୦ ରନ କରି ଅଲଆଉଟ ହୋଇଥିଲା । ଦ୍ବିତୀୟ ଇନିଂସରେ ମାତ୍ର ଗୋଟିଏ ସଫଳତା ପାଇଥିଲେ ସେ । ପୂର୍ବ ଥର ଭାରତ ଏଡିଲେଡରେ ଏକ ମ୍ୟାଚ ଖେଳିଥିଲା । ଯେଉଁଥରେ ହେଜଲଉଡ ୮ରନ ଦେଇ ୫ଟି ୱିକେଟ ଅକ୍ତିଆର କରିଥିଲେ । ଆଡିଲେଡ ଟେଷ୍ଟ ପୂର୍ବରୁ ଜୋସ ହେଜେଲଉଡ ବାଦ ପଡିବା ଅଷ୍ଟ୍ରେଲିଆ ପାଇଁ ମହଙ୍ଗା ପଡିପାରେ ।  ହେଜେଲଉଡଙ୍କ  ସ୍ଥାନରେ ସନ୍ ଆବୋଟ୍ ଓ ବ୍ରାଣ୍ଡନ ଡୋଗେଟଙ୍କୁ ସାମିଲ କରାଯାଇଛି ।