ନୂଆଦିଲ୍ଲୀ,୧୧/୩ : ଭାରତୀୟ ରେଲଓ୍ବେରେ ପ୍ରତ୍ୟେକ ଦିନ କୋଟି କୋଟି ଲୋକ ଯାତ୍ରା କରିଥାନ୍ତି । ଯାତ୍ରୀଙ୍କ ସୁବିଧା ଲାଗି ଭାରତୀୟ ରେଲଓ୍ବେ କିଛି ନିୟମ କରିଛି । ଯାହାଦ୍ବାରା ଟ୍ରେନରେ ଛୋଟ ପିଲା, ମହିଳା, ବୃଦ୍ଧବୃଦ୍ଧା ଏବଂ ଦିବ୍ୟାଙ୍ଗଙ୍କ ଲାଗି ଟିକେଟ ବୁକିଂ ସମୟରେ ଖାସ୍ ରିହାତି ରହିଛି । ବୟସ ହିସାବରେ କିଛି ଛୋଟ ପିଲାଙ୍କ ଟ୍ରେନରେ ଟିକେଟ ଲାଗିନଥାଏ ଏବଂ କିଛି ଜଣଙ୍କ ହାଫ୍ ଟିକେଟ୍ ଲାଗିଥାଏ ।
ଆସନ୍ତୁ ଜାଣିବା ରେଲଓ୍ବେର ନିୟମ ଅନୁସାରେ କେଉଁ ବୟସ ପର୍ଯ୍ୟନ୍ତ ପିଲା ଟ୍ରେନରେ ମାଗଣାରେ ଯାତ୍ରା କରିପାରିବେ ଏବଂ କେଉଁ ବୟସର ପିଲାଙ୍କ ଲାଗି ଆପଣଙ୍କୁ ନେବାକୁ ହେବ ହାଫ୍ ଟିକେଟ୍ । ଭାରତୀୟ ରେଲଓ୍ବେର ନିୟମ ଅନୁସାରେ ଯଦି ଆପଣଙ୍କ ପିଲାର ବୟସ ୧ରୁ ୪ବର୍ଷ ପର୍ଯ୍ୟନ୍ତ ଅଛି ତେବେ ଏଥିଲାଗି ଆପଣଙ୍କୁ କୌଣସି ଟିକେଟ ଲାଗିବ ନାହିଁ । ଯଥା ଆପଣଙ୍କ ପିଲା ଆପଣଙ୍କ ସହ ଟ୍ରେନରେ ମାଗଣାରେ ଯାତ୍ରା କରିପାରିବ । ରେଲଓ୍ବେର ଏହି ନିୟମରେ ସେହି ଲୋକଙ୍କୁ ବହୁ ଫାଇଦା ହୋଇଥାଏ ଯାହାଙ୍କ ଛୋଟ ପିଲା ଅଛି ।
ଭାରତୀୟ ରେଲଓ୍ବେର ନିୟମ ଅନୁସାରେ ଯଦି ଆପଣଙ୍କ ପିଲାର ବୟସ ୫ରୁ ୧୨ ବର୍ଷ ପର୍ଯ୍ୟନ୍ତ ଅଛି ତେବେ ଆପଣଙ୍କ ସହ ଟ୍ରେନରେ ଯାତ୍ରା କରୁଛନ୍ତି ତ ଆପଣଙ୍କୁ ତା’ର ହାଫ୍ ଟିକେଟ ନେବାକୁ ହେବ । କିନ୍ତୁ ମନେ ରଖନ୍ତୁ ହାଫ୍ ଟିକେଟରେ ପିଲାକୁ ବର୍ଥ ଦିଆଯିବ ନାହିଁ, ତାଙ୍କୁ ଆପଣଙ୍କ ସହ ଆଡଜଷ୍ଟ କରିବାକୁ ହେବ । ଯଦି ଆପଣ ଚାହୁଁଛନ୍ତି କି ପିଲାକୁ ଏକ ଅଲଗା ସିଟ୍ ମିଳୁ ତ ଆପଣ ତା’ଲାଗି ଫୁଲ୍ ଟିକେଟ୍ ବାହାର କରିବାକୁ ହେବ ।
ଯଦି ଆପଣଙ୍କ ପିଲାର ବୟସ ୧୩ବର୍ଷ ତଥା ତା’ଠାରୁ ଉପରେ ଅଛି ତେବେ ଏଥିଲାଗି ଆପଣଙ୍କୁ ଫୁଲ୍ ଟିକେଟ ନେବାକୁ ହେବ । ଅଧା ଟିକେଟ ତଥା ହାଫ୍ ଟିକେଟର ନିୟମ କେବଳ ୫ରୁ ୧୨ବର୍ଷ ପର୍ଯ୍ୟନ୍ତ ପିଲାର ରହିବ । ଯଦି ରେଲଓ୍ବେର ଏହି ନିୟମର ଫାଇଦା ଉଠାଇବାକୁ ଚାହୁଁଛନ୍ତି ତ ପିଲା ଲାଗି ଟିକେଟ୍ ବୁକ୍ କରିବା ସମୟରେ ଆପଣଙ୍କୁ ତା’ର ବାର୍ଥ ସାର୍ଟିଫିକେଟ ଏବଂ ଦ୍ବିତୀୟ ଆଇଡେଣ୍ଟିଟି ଡକ୍ୟୁମେଣ୍ଟ ଦେବାକୁ ହେବ । ଏହି ଡକ୍ୟୁମେଣ୍ଟ ଏଥିଲାଗି ମଗାଯାଇଥାଏ ଫଳରେ ପିଲାର ବୟସ ଜଣାପଡ଼ିବ । ଯଦି ଆପଣଙ୍କ ପିଲାର ବୟସ ୫ବର୍ଷରୁ ଅଧିକ ଅଟେ ଏବଂ ତା’ର ଟିକେଟ ନ କରି ଆପଣ ତାକୁ ସାଙ୍ଗରେ ନେଉଛନ୍ତି ତ ଧରା ପଡ଼ିବା ପରେ ଆପଣଙ୍କୁ ଜରିମାନା ଦେବାକୁ ହେବ । ସେହିପରି ଯଦି ଆପଣଙ୍କ ପିଲାର ବୟସ ୪ବର୍ଷରୁ କମ୍ ଅଟେ କିନ୍ତୁ ଏହାକୁ ପ୍ରମାଣିତ କରିବାରେ ଅଛି ତେବେ ନିଶ୍ଚିତ ଭାବେ ଆପଣ ଆପଣଙ୍କ ସହ ପିଲାର ବାର୍ଥ ସାର୍ଟିଫିକେଟ ରଖନ୍ତୁ ।
