ନୂଆଦିଲ୍ଲୀ, ୮/୦୪: ଇଣ୍ଡିଆନ୍ ପ୍ରିମିୟର ଲିଗ୍ର ସିଜିନ ୧୮ ଜାରି ରହିଛି । ଇତି ମଧ୍ୟରେ ୨୦ଟି ଲିଗ୍ ମ୍ୟାଚ ସରିଛି । ଟେବୁଲ ଟପ୍ରେ ରହିଛି ଦିଲ୍ଲୀ କ୍ୟାପିଟାଲ୍ସ । ସବୁଠୁ ବଡ଼ କଥା ହେଉଛି ୫-୫ ଥର ଚାମ୍ପିଅନ ହୋଇଥିବା ଦଳର ଅବସ୍ଥା ଶୋଚନୀୟ । ଆଇପିଏଲ ଇତିହାସର ସବୁଠୁ ସଫଳ ଦଳ ମୁମ୍ବାଇ ଇଣ୍ଡିଆନ୍ସ ଓ ଚେନ୍ନାଇ ସୁପରକିଙ୍ଗସ ପଏଣ୍ଟ ଟେବୁଲ ପଛରେ ପଡ଼ି ଯାଇଛନ୍ତି ।
ମାର୍ଚ୍ଚ ୨୨ରୁ ୧୦ ଟି ଦଳ ମଧ୍ୟରେ ଆରମ୍ଭ ହୋଇଛି ଆଇପିଏଲ । କଡ୍ଡା ଟକ୍କର ହେଉଛି । ମୋଟ୍ ୨୦ଟି ଲିଗ୍ ମ୍ୟାଚ ସରିଛି । ପଏଣ୍ଟ ଟେବୁଲ ଟପରେ ରହିଛି ଦିଲ୍ଲୀ କ୍ୟାପିଟାଲ୍ସ । ସେ ୩ଟି ମ୍ୟାଚ ଖେଳିଛି । ଗୋଟିଏ ବି ହାରି ନାହିଁ । ସେହିପରି ଦ୍ବିତୀୟ ସ୍ଥାନରେ ଗୁଜରାଟ ଟାଇଟନ୍ସ ଓ ତୃତୀୟ ସ୍ଥାନରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ରହିଛି । ଶୁଭମନ ଗିଲଙ୍କ ନେତୃତ୍ୱାଧୀନ ଗୁଜରାଟ ଦ୍ୱିତୀୟ ସ୍ଥାନରେ ରହିଛି । ୪ଟି ମ୍ୟାଚ ଖେଳି ୩ଟି ଜିତିଛି ଗୁଜରାଟ । ସେହିପରି ତୃତୀୟ ସ୍ଥାନରେ ରହିଛି ରାୟଲ ଚ୍ୟାଲେଞ୍ଜର୍ସ ବାଙ୍ଗାଲୋର । ପଏଣ୍ଟ ଟେବୁଲ ଶେଷରେ ରହିଛି ସନରାଇଜର୍ସ ହାଇଦ୍ରାବାଦ ।
ଚାମ୍ପିଅନ୍ସଙ୍କ ଅବସ୍ଥା ଶୋଚନୀୟ- ସବୁଠୁ ବଡ କଥା ହେଉଛି ଆଇପିଏଲର ଦୁଇ ସଫଳ ଦଳ । ଯାହାଙ୍କୁ ମୁକାବିଲା କରିବା ପ୍ରତିପକ୍ଷ ପାଇଁ ମୁସକିଲ ହୋଇପଡ଼େ । ୫-୫ ଥର ଟ୍ରଫି ନିଜ ନାମରେ କରିଛନ୍ତି । ଚାମ୍ପିଅନ ହୋଇଛନ୍ତି । କିନ୍ତୁ ପୂର୍ବ ସିଜନ୍ ପରି ଏଥର ବି ଅବସ୍ଥା ଶୋଚନୀୟ ହୋଇଛି । ସଫଳ ଦଳ ଉପରେ ଭାରି ପଡୁଛନ୍ତି ଅନ୍ୟ ଟିମ୍ । ଗୋଟିଏ ପରେ ଗୋଟିଏ ମ୍ୟାଚ ହାରୁଛନ୍ତି । ଦୁଇଦଳର ଫ୍ଲପ ଶୋ ଦେଖିବାକୁ ମିଳିଛି । ପଏଣ୍ଟ ଟେବୁଲ ପଛରେ ପଡିଛନ୍ତି ଚେନ୍ନାଇ-ମୁମ୍ବାଇ । ଗତକାଲି ଘରୋଇ ମାଟିରେ ମାଟି କାମୁଡିଥିଲା ମୁମ୍ବାଇ । ୧୨ରନରେ ବେଙ୍ଗାଲୁରୁଠୁ ପରାସ୍ତ ହୋଇଥିଲା ଦଳ । ସେହିପରି ଚେନ୍ନାଇ ୪ଟି ମ୍ୟାଚ ଖେଳି ମାତ୍ର ଗୋଟିଏ ମ୍ୟାଚ ଜିତିଛି । ଚଳିତ ସିଜନରେ ମୁମ୍ବାଇ ବିପକ୍ଷରେ ପ୍ରଥମ ମ୍ୟାଚ ଜିତିଥିଲା ଚେନ୍ନାଇ । ଏହାପରେ ବାକି ସବୁ ମ୍ୟାଚ ହାରିଛି ଦଳ । ଧିରେ ଧିରେ ଚେନ୍ନାଇ ତାର ଚମକ ହରାଉଛି । ଅଭିଜ୍ଞ ଏମଏସ ଧୋନୀ ଦଳରେ ଥାଇ ବି କୌଣସି ଚମତ୍କାର କରିପାରୁନି ଚେନ୍ନାଇ । ଆଜି ପଞ୍ଜାବ ବିପକ୍ଷରେ ଚେନ୍ନାଇ ତାର ପଞ୍ଚମ ମ୍ୟାଚ ଖେଳିବ । ସେହିପରି ଆସନ୍ତା ୧୩ରେ ମୁମ୍ବାଇ ଆସନ୍ତା ଦିଲ୍ଲୀ ବିପକ୍ଷରେ ଖେଳିବ । ଦୁଇଦଳକୁ ଟେବୁଲ ଉପରକୁ ଉଠିବାକୁ ହେଲେ ଜବରଦସ୍ତ କମବ୍ୟାକ କରିବାକୁ ପଡ଼ିବ ।
