ନୂଆଦିଲ୍ଲୀ,୨୩/୦୩; ମଧ୍ୟପ୍ରାଚ୍ୟ ବିବାଦ ଆହୁରି ଭୟଙ୍କର ହେଉଛି । ୨୪ତମ ଦିନରେ ବି ଥମିବାର ନାମ ନେଉନାହିଁ ଯୁଦ୍ଧ ନିଆଁ । ଭୟଙ୍କର ହେଉଛି ଇରାନ-ଇସ୍ରାଏଲ୍ ଯୁଦ୍ଧ । ମଧ୍ୟପ୍ରାଚ୍ୟରେ ସ୍ଥିତି ଏବେ ଅତି ସଙ୍ଗୀନ। ଭୟଙ୍କର କ୍ଲଷ୍ଟର ଆଟାକରେ ଇସ୍ରାଏଲ୍ ଥରହର । ଗତକାଲି ରାତିରେ ଇରାନର ମିସାଇଲ୍ ମାଡ଼ରେ ଥରିଉଠିଛି ସମ୍ପୂର୍ଣ୍ଣ ଇସ୍ରାଏଲ୍ । ଜେରୁଜେଲେମ-ୱେଷ୍ଟ ବ୍ୟାଙ୍କରେ ବୋମା ବର୍ଷା ହୋଇଛି ।
ରବିବାର ବିଳମ୍ବିତ ରାତିରେ, କ୍ଲଷ୍ଟର ଯୁଦ୍ଧାସ୍ତ୍ର ଖଞ୍ଜା ଇରାନୀ କ୍ଷେପଣାସ୍ତ୍ର ଇସ୍ରାଏଲ, ଜେରୁଜେଲେମ ଏବଂ ପଶ୍ଚିମ ବ୍ୟାଙ୍କରେ ବିନାଶ ଘଟାଇଛି । ଏହି ଆକ୍ରମଣ ପରେ, ଅନେକ ଅଞ୍ଚଳରେ ଏୟାର ଷ୍ଟ୍ରାଇକର ସାଇରନ ବାଜିଥିଲା । ଲୋକଙ୍କୁ ସ୍ଥାନାନ୍ତର ପାଇଁ ସତର୍କ ସୂଚନା ଜାରି କରାଯାଇଥିଲା । ରିପୋର୍ଟ ଅନୁଯାୟୀ, ଇରାନ ଏଥର "କ୍ଲଷ୍ଟର ୱାରହେଡ୍" ମିସାଇଲ ସହିତ ଇସ୍ରାଏଲକୁ ଟାର୍ଗେଟ କରିଥିଲା, ଯାହା ମଝି ଆକାଶକୁ ବିସ୍ଫୋରଣ କରି ଅନେକ ଛୋଟ ବୋମାରେ ପରିଣତ କରିଥିଲା । ଏକ ବିଶାଳ ଅଞ୍ଚଳରେ ଧ୍ୱଂସଲୀଳା କରିଥିଲା। ସମଗ୍ର ଇସ୍ରାଏଲରେ ବିମାନ ଆକ୍ରମଣ ସାଇରନ୍ ବାଜିଛି । ଏହି ଆକ୍ରମଣକୁ ଇସ୍ରାଏଲର ତେହେରାନ ଉପରେ ବୋମା ମାଡ଼ର ପ୍ରତିଶୋଧ ବୋଲି କୁହାଯାଇଛି । କ୍ଲଷ୍ଟର ମିସାଇଲର ବ୍ୟବହାର ଆବାସିକ ଅଞ୍ଚଳ ପାଇଁ ଅତ୍ୟନ୍ତ ବିପଜ୍ଜନକ । ଆକ୍ରମଣ ପରେ, ଜେରୁଜେଲେମ ଏବଂ ପଶ୍ଚିମ ବ୍ୟାଙ୍କରେ ଲକ୍ଷ ଲକ୍ଷ ସାଧାରଣ ନାଗରିକ ବର୍ତ୍ତମାନ ବଙ୍କରରେ ଆଶ୍ରୟ ନେଇଛନ୍ତି ।
ଏହା ବି ପଢନ୍ତୁ...ଷ୍ଟ୍ରିଟ୍ ଅଫ୍ ହୋର୍ମୁଜ ବନ୍ଦ ନା ଖୋଲା ? ଟ୍ରମ୍ପଙ୍କ ଧମକ ପରେ ଇରାନର ପାଲଟା ଆକ୍ରମଣ, କହିଲା ଯଦି ଆମେରିକା...
ଇସ୍ରାଏଲକୁ ଇରାନର ଧମକ- ଯଦି ଆମେରିକା ରାଷ୍ଟ୍ରପତି ଟ୍ରମ୍ପ ଇରାନର ବିଦ୍ୟୁତ୍ ବ୍ୟବସ୍ଥାକୁ ଟାର୍ଗେଟ କରନ୍ତି, ତେବେ ଇରାନ ପୂର୍ବରୁ ଉପସାଗରୀୟ ଦେଶଗୁଡ଼ିକର ବିଦ୍ୟୁତ୍ ଏବଂ ଜଳ ପ୍ଲାଣ୍ଟଗୁଡ଼ିକୁ ଟାର୍ଗେଟ କରିବ ବୋଲି ଧମକ ଦେଇଥିଲା । ଫଳରେ ସଂଘର୍ଷ ଏବେ ସାମରିକ ଲକ୍ଷ୍ୟ ପାର କରି ବେସାମରିକ ଭିତ୍ତିଭୂମି ପର୍ଯ୍ୟନ୍ତ ବିସ୍ତାର ହେବା ଆଶଙ୍କା କରାଯାଉଛି । ଶନିବାର ରାତିରେ ଇସ୍ରାଏଲର ଆରାଦ ଏବଂ ଡିମୋନାରେ ହୋଇଥିବା କ୍ଷେପଣାସ୍ତ୍ର ଆକ୍ରମଣରେ ଅନେକ ଲୋକ ଆହତ ହୋଇଥିଲେ । ଇସ୍ରାଏଲର ସେନା ତେହେରାନରେ ଟାର୍ଗେଟ ଉପରେ ଆକ୍ରମଣ କରି ପ୍ରତିଶୋଧ ନେଇଥିଲା । ଉଭୟ ପକ୍ଷରୁ ଜାରି ରହିଥିବା ପ୍ରତିଶୋଧମୂଳକ ଆକ୍ରମଣ ମଧ୍ୟପ୍ରାଚ୍ୟରେ ପରିସ୍ଥିତିକୁ ଆହୁରି ତୀବ୍ର କରିଛି ।
