ମାଲକାନଗିରି,୧୫।୧(ଆପ୍ର): ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ ବସ୍ତର ଜିଲ୍ଲା ସୁରକ୍ଷା କର୍ମୀ ମାଓ ଡମ୍ପ ଉପରେ ଚଢାଉ କରି ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରିଛନ୍ତି । ତଥ୍ୟ ଅନୁଯାୟୀ ଜିଲ୍ଲାରେ ମାଓ ଦମନ ଅଭିଯାନରେ ପୁଙ୍ଗାରପାଲ ଅଂଚଳରେ ମାଓବାଦୀଙ୍କ ଉପସ୍ଥିତି ଥିବା ଖବର ପାଇ ତୁମଡିବାଲ ଗ୍ରାମ ନିକଟସ୍ଥ ଜଙ୍ଗଲ ଓ ପାହାଡ ଅଂଚଳରେ କୁମ୍ବିଂ ଅପରେସନ କରିଥିଲେ। ଏହି କୁମ୍ବିଂ ଅପରେସନ ସମୟରେ ତୁମଡିବାଲ ଜଙ୍ଗଲ ପାହାଡ ଅଂଚଳରେ ଘେରାବନ୍ଧି କରି ସର୍ଚ୍ଚ ଅପରେସନ କରୁଥିବା ସମୟରେ ବଡ ଧରଣର ହତିଆର, ବିସ୍ପୋରଣ ସାମଗ୍ରୀ ଓ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ଜବତ କରିଛନ୍ତିା
ବିଶେଷ ସୁତ୍ରରୁ ଖବର ପାଇ ସୁରକ୍ଷା କର୍ମୀ ଉକ୍ତ ଅଂଚଳରେ ଚଢାଉ କରିଥିଲ । ଏହି ଚଢାଉରେ ମାଓବାଦୀଙ୍କ ଦ୍ୱାରା ଲୁଚାଇ ରଖିଥିବା ଡମ୍ପରୁ ୧୪ଟି ବନ୍ଧୁକ, ୧୪ଟି ଟିଫିନ ବୋମା, ମାଓ ପୁସ୍ତକ ଓ ଅନ୍ୟ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ଜବତ କରିଛନ୍ତି।
