ହରଭଙ୍ଗା, ୧୭।୩  ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ବାଣୀଭୂଷଣପୁର ଗ୍ରାମ ପଞ୍ଚାୟତ କୀଟଙ୍ଗପଡା ଦାବବଣିଆ ସାହିକୁ ଯାତାୟାତ କରିବା ପାଇଁ ଭଲ ରାସ୍ତା ଖଣ୍ଡେ ନାହିଁ। ରାସ୍ତା ନ ଥିବାରୁ ଗ୍ରାମର ବିକାଶ ମଧ୍ୟ ହୋଇପାରୁ ନାହିଁ। ଗାଁକୁ ରାସ୍ତା ନିର୍ମାଣରେ ବାଧକ ସାଜିଛି  ଲକ୍ଷ୍ମୀ ନାଳ। 

 ଗ୍ରାମବାସୀଙ୍କ କହିବା ଅନୁଯାୟୀ ଆଜକୁ ତିନି ପୁରୁଷ ହୋଇଗଲା ଏଠାରେ  ରହି ଆସିଛୁ l କିନ୍ତୁ ଆମ ପାଇଁ ଆଜି ପର୍ଯ୍ୟନ୍ତ ସ୍ଥାୟୀ ବାସିନ୍ଦା ହିସାବରେ ଜମି ପଟ୍ଟା ଖଣ୍ଡିଏ ମିଳିପାରିଲା ନାଇଁ l ଗାଁ କୁ ଭଲ ରାସ୍ତା ଖଣ୍ଡିଏ ନାହିଁ, ବାଧକ ସାଜିଛି ଲକ୍ଷ୍ମୀ ନାଳ।  ବର୍ଷା ଦିନେ ନାହିଁ ନଥିବା ଅସୁବିଧା ପାଉଛୁ ବୋଲି ଗ୍ରାମବାସୀ କହିଥିଲେ।

ଏପଟେ ଆଜି ପର୍ଯ୍ୟନ୍ତ ଗ୍ରାମରେ ମିନି ଅଙ୍ଗନବାଡି କେନ୍ଦ୍ର ଟିଏ ମଧ୍ୟ ନାହିଁ l ଏପଟେ ଜମି ପଟ୍ଟା ଖଣ୍ଡିଏ ନଥିବାରୁ କୌଣସି ସରକାରୀ ସହାୟତା ରୁ ବାଦ ପଡୁଥିବା ବେଳେ ଶିକ୍ଷା କ୍ଷେତ୍ର ରେ ପିଲା ମାନଙ୍କ ଭବିଷ୍ୟତ ଅନ୍ଧାର ବୋଲି ଗ୍ରାମର ପୁରୁଷ ମହିଳା ମତ ରଖିଥିଲେ l ଅନ୍ୟପଟେ ଉକ୍ତ ପଞ୍ଚାୟତ ର କେବଳ ଦାବବଣିଆ ନାହିଁ ପର୍ବତ ଆର ପଟରେ ଥିବା ଡିଗୀପଦର ଗ୍ରାମବାସୀ ଙ୍କ ଦୁଃଖ ନକହିବା ଆହୁରି ଭଲ l ସେଠାକୁ ବର୍ତ୍ତମାନ ଆଜି ପର୍ଯ୍ୟନ୍ତ ପାଦ ଚଲା ରାସ୍ତା ଖଣ୍ଡିଏ ମଧ୍ୟ ନାହିଁ। 

ଆହୁରି ପଢନ୍ତୁ : ଖେଳୁଥିବା ବେଳେ ଝରକା ବନ୍ଧ ପଡ଼ି ଶିଶୁ ପୁତ୍ର ମୃତ