ପ୍ରମୂଖ ଖବର
  • ସାରା ରାଜ୍ୟରେ ଲାଗୁ ହେବ ସୁଭଦ୍ରା ଯୋଜନା, ୧୦୦ ଦିନ ଭିତରେ ହେବ କାର୍ଯ୍ୟକାରୀ
  • ||
  • ଜନ୍ମମାଟିରେ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ମା' ତାରିଣୀ ପୀଠ ପାଇଁ ୫୦ କୋଟିର ଅନୁଦାନ
  • ||
  • T-20 ବିଶ୍ୱକପ୍ ସୁପର ୮ ରାଉଣ୍ଡ, ୨୧ ରନ୍‌ରେ କଙ୍ଗାରୁ ବାହିନୀ ଚିତ୍ ପଟାଙ୍ଗ, ଆଫଗାନିସ୍ତାନ ପ୍ରଥମ ବିଜୟ
  • ||
  • ଯୌନ ନିର୍ଯାତନା ମାମଲା, ପ୍ରଜ୍ବଳଙ୍କ ଭାଇ ସୂରଜ ରେଭାନ୍ନାକୁ ବାନ୍ଧିଲା ପୋଲିସ
  • ||
  • ମାଲକାନଗିରି ସହରର ଡିଏନ୍‌କେ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଜଣେ ମହିଳା ମୃତ
  • ||
  • ସାଲେପୁର: ବାଇକ୍‌ ସହ ପୋଲରୁ ଖସି ପଡ଼ିଲେ ୨ ଆରେହୀ, ଜଣେ ମୃତ ,ଜଣେ ଗୁରୁତର
  • ||
  • ରବିବାରଠୁ ୨ ଦିନିଆ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ, ମା’ ତାରିଣୀଙ୍କୁ ଦର୍ଶନ ପରେ ଜନସମାବେଶରେ ହେବେ ସାମିଲ
  • ||
  • ଶ୍ରୀମନ୍ଦିରରେ ପଟିଦିଅଁ ବିଜେ, ଜ୍ୱରରୁ ମୁକ୍ତି ପାଇଁ ମହାପ୍ରଭୁଙ୍କ ଗୁପ୍ତ ଅନବସର ସେବା ଆରମ୍ଭ
  • ||
  • ଆସନ୍ତା ଦୁଇ ଦିନ ବିକ୍ଷିପ୍ତ ସ୍ଥାନରେ ବର୍ଷା ସମ୍ଭାବନା, ୨୫ରୁ ରାଜ୍ୟରେ ପ୍ରବଳ ଛେଚିବ
  • ||

ବୌଦ୍ଧ ଜିଲ୍ଲାରେ ତାପମାତ୍ରା ବଢ଼ାଉଛି ମହାନଦୀର ବାଲୁକା ଶଯ୍ୟା

ହରଭଙ୍ଗା( ଚିତ୍ତରଞ୍ଜନ ସିଂହ )୩୧/୫ : ବୌଦ୍ଧ ଜିଲ୍ଲାରେ ଗ୍ରୀଷ୍ମ ପ୍ରଭାବ ଅସ୍ତବ୍ୟସ୍ତ କରୁଛି ଜିଲ୍ଲାବାସୀଙ୍କୁ l ବର୍ତ୍ତମାନ ଜିଲ୍ଲାରେ ୪୨ଡିଗ୍ରୀରୁ ଅଧିକ ତାପମାତ୍ରା ରେକର୍ଡ଼ ହେଉଥିବାବେଳେ ନଦୀ ନାଳ, ଗାଡ଼ିଆ, ପୋଖରୀ ପାଣି ଶୁଖିବାରେ ବସିଛି l ଗୋଟିଏ ପଟେ ପାଣି ପାଇଁ ଜିଲ୍ଲାବlସୀ ଓ ଜୀବ ଜଗତ ହାହା କlର ହେଉଥିବାବେଳେ ଅନ୍ୟପଟେ ତାପମାତ୍ରା ପ୍ରଭାବରେ ଜିଲ୍ଲାବlସୀ ଡହକ ବିକଳ ହେଉଛନ୍ତି l ପରିବେଶବିତଙ୍କ ମତରେ ଜିଲ୍ଲାରେ ପ୍ରବାହିତ ହେଉଥିବା ମହାନଦୀ ତାପମାତ୍ରା ବୃଦ୍ଧିରେ ସହାୟତା କରୁଛି l 

ଜିଲ୍ଲାର ଉତ୍ତର ଦିଗରେ ପଶ୍ଚିମରୁ ପୂର୍ବକୁ ୧୧୦କିଲୋମିଟର ମହାନଦୀ ଲମ୍ବି ରହିଛି  l ମହାନଦୀର ବାଲୁକା ଶଯ୍ୟା ଓ ପଥର ଅଧିକମାତ୍ରାରେ ତାପ ସୃଷ୍ଟି କରି ବାୟୁମଣ୍ଡଳର ଉଷ୍ଣତା ବୃଦ୍ଧି କରୁଛି  l ପୂର୍ବରୁ ମହାନଦୀରେ ବର୍ଷ ସାରା ପାଣି ଭରପୁର ରହୁଥିବାରୁ ବାଲି ଓ ପଥର ନଦୀର ଜଳ ଶଯ୍ୟାରେ ବୁଡି ରହୁଥିଲା । ଫଳରେ ତାପମାତ୍ରା ହ୍ରାସ ପାଉଥିଲା l ପରବର୍ତ୍ତି ସମୟରେ ମହାନଦୀର ଉପର ମୁଣ୍ଡରେ ଛତିଶଗଡ଼, ହୀରାକୁଦ ନଦୀ ବନ୍ଧ ଯୋଜନା ହେତୁ ଜଳସ୍ତର ମହାନଦୀରେ ହ୍ରାସ ପାଇଲା ଏବଂ ହଜାରହଜାର ହେକ୍ଟରର ବାଲୁକା ଶଯ୍ୟା ସୃଷ୍ଟି ସହ ପଥର ଗୁଡ଼ିକ ପ୍ରାୟ ୬ମାସ ଧରି ସୂର୍ଯ୍ୟ ଉତ୍ତାପରେ ଉତ୍ତପ୍ତ ହୋଇ ତାପମାତ୍ରା ବୃଦ୍ଧି କରୁଛି l 

ଅନ୍ୟ ଦିଗରେ ଜଙ୍ଗଲ ନଷ୍ଟ, ପକ୍କା ଘର, କଂକ୍ରିଟ ରାସ୍ତା ସହିତ ଜଙ୍ଗଲ ପୋଡି ଓ ବିଲ ଗୁଡିକରେ ଧାନ ଚାଷ ପରେ ନିଆଁ ଲଗାଯାଉ ଥିବାରୁ ତାପମାତ୍ରା ବୃଦ୍ଧି ପାଉଛି l ଯଦି ଆଗାମୀ ଦିନରେ ନୂତନ ଜଙ୍ଗଲ ସୃଷ୍ଟି ସହିତ ମାନବ ସମାଜ ସଚେତନତା ନ ହୁଏ ତା ହେଲା ଜିଲ୍ଲାରେ ତାପମାତ୍ରା ବୃଦ୍ଧି ହେବା ସହ ଜୀବ ଜଗତ ଓ ପରିବେଶ ଉପରେ ଗ୍ରୀଷ୍ମ ପ୍ରଭାବ ପଡ଼ିବ l

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.