PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟାଙ୍ଗୀ: ବଢ଼ୁଛି ବିଦେଶୀ ପକ୍ଷୀ ଶିକାର, ୭ ମୃତ ବିଦେଶୀ ପକ୍ଷୀ ଜବତ, ଶିକାରୀକୁ ଗିରଫ
  • ||
  • ସୋର: ନବଜାତ ଶିଶୁପୁତ୍ର ବିକ୍ରି ଅଭିଯୋଗ, ୧୫ ଦିନର ନବଜାତକୁ ଉଦ୍ଧାର କଲେ ଚାଇଲଡ ଲାଇନ ସଦସ୍ୟ
  • ||
  • ସମ୍ବଲପୁର: ଡେବ୍ରିଗଡରେ ବୁଲିଲା ମହାବଳ ବାଘ, ଫଟୋ ଜାରି କଲା ହୀରାକୁଦ ବନ୍ୟପ୍ରାଣୀ ବିଭାଗ
  • ||

ଭାରତୀୟ ସେନାକୁ ୧ କୋଟି ଟଙ୍କା ପୁରଷ୍କାର ରାଶି ଘୋଷଣା କଲେ ଲତା ମଙ୍ଗେସକର୍

ମୁମ୍ବାଇ,୨୭।୨: ଜମ୍ମୁ-କଶ୍ମୀରର ପୁଲଓ୍ଵାମାଠାରେ ଆତଙ୍କବାଦୀ ଆକ୍ରମଣର ୧୨ ଦିନ ପରେ ଫେବ୍ରୁଆରି ୨୬ ତାରିଖରେ ଜବାବ ଦେଇଛି ଭାରତୀୟ ବାୟୁ ସେନା। ସେନାର ଏପରି ସାହସିକ ଆଚରଣ ପରେ ସାରା ଦେଶ ଏବେ ପ୍ରଶଂସା କରିବାରେ ଲାଗିଛି। ପୂର୍ବରୁ ଅନେକ ସହିଦ ଯବାନ ପରିବାରକୁ ବଲିଉଡ୍‌ ଷ୍ଟାର୍‌ମାନେ ଆର୍ଥିକ ଭାବେ ସହାୟତାର ହାତ ବଢ଼ାଇ ସାରିଛନ୍ତି। କେବଳ ସହିଦ ଯବାନ ନୁହଁନ୍ତି, ଭାରତୀୟ ସେନାକୁ ବି ମିଳିଛି ସାହସିକ ପୁରସ୍କାର। ପୁରସ୍କାର ବାବଦରେ ଭାରତର ଲୋକପ୍ରିୟ କଣ୍ଠଶିଳ୍ପୀ ଲତା ମଙ୍ଗେସ୍‌କର ଭାରତୀୟ ସେନାକୁ ୧ କୋଟି ଟଙ୍କା ପ୍ରଦାନ କରିବା ଘୋଷଣା କରିଛନ୍ତି।

ଲତା ତାଙ୍କ ବାପା ମାଷ୍ଟର୍‌ ଦିନନାଥ ମଙ୍ଗେସ୍‌କରଙ୍କ ମୃତ୍ୟୁ ବାର୍ଷିକୀରେ ଏହି ଘୋଷଣା କରିଛନ୍ତି। ଉଲ୍ଳେଖଯୋଗ୍ୟ, ପୂର୍ବରୁ ଆକ୍ରମଣରେ ସହିଦ ହୋଇଥିବା ଯବାନଙ୍କ ପରିବାରକୁ ବଲିଉଡ୍‌ ବାଦ୍‌ଶାହା ଅମିତାଭ ବଚ୍ଚନ ୨.୫ କୋଟି, ଖିଲାଡି ବୟ ଅକ୍ଷୟ କୁମାର ୫ କୋଟି ଅର୍ଥ ସହାୟତା ଘୋଷଣା କରିଥିଲେ। ଗତକାଲି ହୋଇଥିବା ଏହି ଏୟାର୍‌ ଷ୍ଟ୍ରାଇକ୍‌କୁ ଅକ୍ଷୟ କୁମାର, ଅଭିଷେକ ବଚ୍ଚନ, ଅନୁପମ୍‌ ଖେର୍‌, ଇମ୍ରାନ ହାସ୍ମି, ସଲମାନ ଖାନ, ଅଜୟ ଦେବଗନ ଆଦି ବଲିଉଡ୍‌ ଷ୍ଟାର୍‌ ଖୁବ୍‌ ପ୍ରଶଂସା କରିଛନ୍ତି।

ସମ୍ବନ୍ଧିତ ଖବର