କୋଲାକାତା ,୧୩/୧୨; ୧୪ ବର୍ଷ ପରେ ଭାରତରେ ଆର୍ଜେଣ୍ଟିନା ଷ୍ଟାର ଫୁଟବଲ୍ ପ୍ଲେୟାର ଲିଓନେଲ ମେସି । ତାଙ୍କୁ ଦେଖିବାକୁ ଫ୍ୟାନ୍ସଙ୍କ ମଧ୍ୟରେ ନାହିଁ ନଥିବା ଉତ୍ସାହ ରହିଛି । ପ୍ରଥମ ଦିନ କୋଲାକାତା ଗସ୍ତ କରିଛନ୍ତି ମେସି । କୋଲକାତାର ଲେକ୍ ଟାଉନରେ ମେସିଙ୍କର ୭୦ ଫୁଟର ଷ୍ଟାଚ୍ୟୁ ଉନ୍ମୋଚିତ ହୋଇଛି । ସଲ୍ଟ ଲେକ୍ ଷ୍ଟାଡିୟମରେ ମେସି ୧୦ ମିନିଟ୍ ପାଇଁ ଆସିବାକୁ ଉତ୍ତେଜନା ସୃଷ୍ଟି ହୋଇଛି । ମେସିଙ୍କୁ ନ ଦେଖିବାକୁ ହଙ୍ଗମା କରିଛନ୍ତି ସମର୍ଥକ । ଷ୍ଟାଡିୟମରେ ଭଙ୍ଗାରୁଜା କରିବା ସହିତ ବୋତ ମାଡ଼ କରିଛନ୍ତି । ୧୨ ହଜାର ଟିକେଟ୍ କରି ଘଣ୍ଟା ଘଣ୍ଟା ଅପେକ୍ଷା କରିବାକୁ ନେଇ ହଙ୍ଗାମା କରିଛନ୍ତି ଫ୍ୟାନ୍ସ । ତ୍ରୁଟିପୂର୍ଣ୍ଣ କାର୍ଯ୍ୟକ୍ରମ ପରିଚାଳନା ହୋଇଥିବା ଅଭିଯୋଗ ଆଣିଛନ୍ତି । ଲିଓନେଲ ମେସିଙ୍କ ଗୋଟ୍. ଟୁର୍ ଇଭେଣ୍ଟ ଅଧିକାଂଶ ପ୍ରଶଂସକଙ୍କୁ କ୍ରୋଧିତ କରିଛି ।  ଆର୍ଜେଣ୍ଟିନାର ଏହି ମହାନ ଫୁଟବଲ୍ ଖେଳାଳିଙ୍କ ଝଲକ ଟିକେ ଦେଖିପାରିନଥିବାରୁ ଅସନ୍ତୋଷ ପ୍ରକାଶ କରିଛନ୍ତି ।

ଷ୍ଟାର ଫୁଟବଲ୍ ଖେଳାଳି ଲିଓନେଲ୍ ମେସିଙ୍କ ଜଣେ ପ୍ରଶଂସକ କହିଛନ୍ତି, "ଏକଦମ ଭୟଙ୍କର ଘଟଣା । ସେ ମାତ୍ର ୧୦ ମିନିଟ୍ ପାଇଁ ଆସିଥିଲେ । ସମସ୍ତ ନେତା ଏବଂ ମନ୍ତ୍ରୀ ତାଙ୍କୁ ଘେରି ରହିଥିଲେ । ଆମେ କିଛି ଦେଖିପାରିଲୁ ନାହିଁ। ସେ ଗୋଟିଏ କିକ୍ କିମ୍ବା ଗୋଟିଏ ପେନାଲ୍ଟି ମଧ୍ୟ ନେଇ ନଥିଲେ । ସେ ୧୦ ମିନିଟ୍ ପାଇଁ ଆସିଥିଲେ ଏବଂ ଚାଲିଗଲେ। ଏତେ ଟଙ୍କା, ଉତ୍ସାହ ଏବଂ ସମୟ ନଷ୍ଟ ହୋଇଗଲା । ଆମେ କିଛି ଦେଖିପାରିଲୁ ନାହିଁ । "​​​​​​​