ବୀରମିତ୍ରପୁର,୧୫/୧୦: ମଙ୍ଗଳବାର ବିଳମ୍ବିତ ରାତିରେ ଦନ୍ତା ଆକ୍ରମଣରେ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତକ ବଡ଼ ଦଳକି ଗ୍ରାମର ଯୁବକ ଚାହୋ ଏକ୍କା (୪୨ ବର୍ଷ) ବୋଲି ଜଣାପଡ଼ିଛି । ସୁନ୍ଦରଗଡ଼ ଜିଲ୍ଲା କୁଆଁରମୁଣ୍ଡା ବନ ବିଭାଗ ରେଞ୍ଜ ଅନ୍ତର୍ଗତ ବିରଡ଼ା ବଡ଼ ଦଳକି ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ରାଜଗାଙ୍ଗପୁର ପଟୁ ଏକ ଦନ୍ତା ଉକ୍ତ ଅଞ୍ଚଳକୁ ମଙ୍ଗଳବାର ରାତିରେ ପ୍ରବେଶ କରିଥିଲା । ଜମିରେ ହୋଇଥିବା ଫସଲକୁ ହାତୀ ନଷ୍ଟ କରିଦେବ ବୋଲି ଘଉଡାଇବାକୁ ଚେଷ୍ଟା କରିଥିଲେ ଗ୍ରାମବାସୀ। ଏହି ସମୟରେ ଦନ୍ତା ହାତୀର ଶିକାର ହୋଇଥିଲେ ବଡ ଦଲକି ଗ୍ରାମର ଯୁବକ ଚାହୋ ଏକ୍କା । ହାତୀ ଆକ୍ରମଣରେ ସେ ଗୁରୁତର ହୋଇଥିବା ବେଳେ ତାଙ୍କୁ ଚିକିତ୍ସା ପାଇଁ ଗ୍ରାମବାସୀମାନେ ରାଉରକେଲା ସରକାରୀ ଡାକ୍ତରଖାନାକୁ ଆଣିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି।
