ରାଉରକେଲା, ୩।୮: ସୁନ୍ଦରଗଡ଼ କୋଇଡ଼ାରେ ମାଓବାଦୀମାନେ ସ୍ଥିତି ଜାହିର କରିଛନ୍ତି । କୋଇଡାର ରକ୍ସି-ଟୋପାଡିହି ମଝିରେ ରେଳ ଧାରଣାକୁ ବିସ୍ଫୋରଣ କରି ଉଡ଼ାଇ ଦେଇଛନ୍ତି । ଫଳରେ ରାଉରକେଲାରୁ ବିମଳାଗଡ଼ ପର୍ଯ୍ୟନ୍ତ ମାଲବାହୀ ଟ୍ରେନ୍ ଚଳାଚଳ ବନ୍ଦ ରହିଛି । ଏପରିକି ମାଓବାଦୀମାନେ ରେଳ ଧାରଣାର ବିଭିନ୍ନ ସ୍ଥାନରେ ପଥର ରଖି ଦେଇଥିବାର ଦେକଖିବାକୁ ମିଳିଛି । ସୂଚନାନୁସାରେ, ଆରପିଏଫ୍, ସିଆରପିଏଫ୍ ଯବାନମାନେ ସେଠାରେ ପହଞ୍ଚି ସର୍ଚ୍ଚ ଅପରେସନ ଜାରି ରଖିଛନ୍ତି । ଏହାଛଡ଼ା ରେଳ ବିଭାଗ ଘଟଣାସ୍ଥଳରେ ପହଞ୍ଚି ରେଳ ଧାରଣାର ମରାମତି କାର୍ଯ୍ୟ ଆରମ୍ଭ କରିଛନ୍ତି । ରକ୍ସି, ଟୋପାଡିହି, ବିମଳାଗଡ଼ ଓ କିରିବୁରୁ ଅଞ୍ଚଳରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । କହିରଖୁ କି, ଜୁଲାଇ ୨୮ ତାରିଖରୁ ଅଗଷ୍ଟ ୩ ତାରିଖ ପର୍ଯ୍ୟନ୍ତ ମାଓବାଦୀମାନେ ସହିଦ ସପ୍ତାହ ପାଳନ କରୁଛନ୍ତି ।