PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁନ୍ଦରଗଡ଼ : ସୁନ୍ଦରଗଡ଼ ଟାଉନ ଥାନା ଅନ୍ତର୍ଗତ ରିଜେଣ୍ଟ ମାର୍କେଟ୍‌ ଅଞ୍ଚଳରେ ଏକ ସମ୍ପ୍ରଦାୟର ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ, ଫାଙ୍କା ଗୁଳି ଚାଳନା କରି ୧୦ ଅଟକ
  • ||
  • ସୁନ୍ଦରଗଡ଼ : ସୁନ୍ଦରଗଡ଼ ଟେନ୍ସା ଗୀତାରାଣୀ ମାଇନ୍ସ ସମ୍ମୁଖରେ ଅଘଟଣ, ହାଇଓ୍ୱା ସହ ଜିଅନ୍ତା ଜଳିଗଲେ ଡ୍ରାଇଭର
  • ||
  • ବଡ଼ବିଲ : କେନ୍ଦୁଝର ଜିଲ୍ଲା ବାମେବାରୀ ଥାନା ବସନ୍ତପୁର ମାଝୀ ସାହିରେ ପୂର୍ବ ଶତ୍ରୁତାକୁ କେନ୍ଦ୍ର କରି ବିଭତ୍ସ ହତ୍ୟାକାଣ୍ଡ, କଟୁରୀରେ ହାଣି ମୁଣ୍ଡଗଣ୍ଡି ଅଲଗା କରିଦେଲା ଦୁର୍ବୃତ୍ତ
  • ||
  • ବାରିପଦା : ବାରିପଦା ଷ୍ଟେସନ ଠାରେ ଗଛ ପଡ଼ି ଇଲେକ୍ଟ୍ରିକ ତାର ଛିଡି ଅଟକିଲା ଟ୍ରେନ, ବିଳମ୍ବରେ ଚାଲିବ ଟ୍ରେନ
  • ||
  • ଭଦ୍ରକ : ସମ୍ଭାବ୍ୟ ବନ୍ୟା ଲାଗି ଛୁଟି ବାତିଲ, ମୁକାବିଲା ପାଇଁ ଓଡ୍ରାଫ-ଏନ୍‌ଡିଆରଏଫ୍‌-ଅଗ୍ନିଶମ ବାହିନୀ ପ୍ରସ୍ତୁତ
  • ||
  • ବାରିପଦା : ବିଶୋଇ ଥାନା ଲୋହାକାନି ଭୋଳ ବେଡା ଗ୍ରାମରେ ବିଳମ୍ୱିତ ରାତିରେ ଭୁଷୁଡିଲା ଘରର କାନ୍ଥ, ଚାଲିଗଲା ଦୁଇ ଭଉଣୀଙ୍କ ଜୀବନ
  • ||
  • ଲକ୍ଷ୍ନୌ : ଭୂକମ୍ପରେ ଥରିଲା ଲକ୍ଷ୍ନୌ ସମେତ ୟୁପିର କେତେକ ଜିଲ୍ଲା , କୌଣସି କ୍ଷୟକ୍ଷତି ହୋଇନଥିବା ସୂଚନା
  • ||
  • ପୁରୀ : ଶ୍ରଦ୍ଧାଳୁଙ୍କ ବେକରେ ବ୍ଲେଡ୍‌ ମାରି ସୁନା ଚେନ୍‌ ଲୁଟ ଉଦ୍ୟମ ଫେଲ୍, ଧରାପଡି ଛେଚା ଖାଇଲେ ୩ ଲୁଟେରା
  • ||
  • ସମ୍ବଲପୁର : ୬୨୧.୦୨ ଫୁଟ୍‌କୁ ଖସିଲା ହୀରାକୁଦ ଜଳଭଣ୍ଡାର ଜଳସ୍ତର, ୨୦ ଗେଟ ଦେଇ ଚାଲିଛି ବନ୍ୟାଜଳ ନିଷ୍କାସନ
  • ||
  • ଭୁବନେଶ୍ୱର : ୨୧ରୁ ବନ୍ୟାଞ୍ଚଳ ଗସ୍ତ କରିବ ପିସିସି ଟିମ୍‌, ୨୩ ସୁଦ୍ଧା ଦେବେ ରିପୋର୍ଟ
  • ||
  • ବାଲିଗୁଡ଼ା : ଦାରିଙ୍ଗବାଡ଼ି ବ୍ଲକ ତିଲୋରୀ ପଞ୍ଚାୟତର ସିମନବାଡ଼ି ଗ୍ରାମ ନିକଟରେ ଥିବା ପୋଲର ପାର୍ଶ୍ଵ ରାସ୍ତା ଧସି ଯାଇଛି, ବସ୍ ଚଳାଚଳ ସମ୍ପୂର୍ଣ୍ଣ ଠପ୍
  • ||
  • କେନ୍ଦୁଝର : କେନ୍ଦୁଝର ଜିଲ୍ଲା ସଦର ବ୍ଲକ ମହାଦେଇଯୋଡ଼ା ପଞ୍ଚାୟତ ଟିକରପଡ଼ାରେ ଲଗାଣ ବର୍ଷାରେ କାନ୍ଥ ଭୁଷୁଡ଼ି ସ୍ତ୍ରୀ ମୃତ, ସ୍ୱାମୀ ଗୁରୁତର
  • ||
  • ଜୟପୁର/ଦିଲ୍ଲୀ : ମର୍ମନ୍ତୁଦ ସଡ଼କ ଦୁର୍ଘଟଣାରେ ଚାଲିଗଲା ୬ଶ୍ରଦ୍ଧାଳୁଙ୍କ ଜୀବନ : ୨୦ରୁ ଅଧିକ ଆହତ, ପ୍ରଧାନମନ୍ତ୍ରୀଙ୍କ ଶୋକପ୍ରକାଶ
  • ||
  • ନୂଆଦିଲ୍ଲୀ : ବାଙ୍କ ବିହାରୀ ମନ୍ଦିରରେ ବଡ଼ ଧରଣ ଅଘଟଣ, ମଙ୍ଗଳା ଆରତୀ ସମୟରେ ଦଳା ଚକଟାରେ ଦୁଇ ମୃତ
  • ||

କେନ୍ଦ୍ର ପାଞ୍ଚୁଛି ମେଗା ଯୋଜନା,ଚାଷୀଙ୍କୁ ନଗଦ ୭୦ ହଜାର କୋଟି

farming

source :www.businesstoday.in

ନୂଆଦିଲ୍ଲୀ,୨୧ା୧(ଏଜେନ୍ସି): ଚାଷୀମାନଙ୍କ ପାଇଁ ଏକ ମେଗା ଯୋଜନା ଆସିବ । ଏଥିରେ ସେମାନଙ୍କ ଆର୍ଥିକ ବୋଝ ହାଲୁକା କରିବା ଲାଗି ବ୍ୟାଙ୍କ ଖାତାରେ ସିଧାସଳଖ ଟଙ୍କା ଯୋଗାଇ ଦିଆଯିବ । ସବ୍‌ସିଡି ଆଉ ଦିଆଯିବ ନାହିଁ । ଏଥିପାଇଁ କେନ୍ଦ୍ର ସରକାର ୭୦,୦୦୦ କୋଟି ଟଙ୍କାର ସ୍କିମ୍‌ ଆଣିବେ । ଅନ୍ତରୀଣ ବଜେଟ୍‌ ୨୦୧୯-୨୦ରେ ଏହି ଘୋଷଣା କରିବେ ମୋଦି ସରକାର । ସୋମବାର ଜଣେ ବରିଷ୍ଠ ଅଧିକାରୀ ଏହି ସୂଚନା ଦେଇଛନ୍ତି ।
ଚାଷୀମାନଙ୍କୁ ଏବେ ସାର, କୃଷି ଯନ୍ତ୍ରପାତି ଓ ଅନ୍ୟାନ୍ୟ ଉପକରଣ ପାଇଁ ସବ୍‌ସିଡି ଯୋଗାଇ ଦିଆଯାଉଛି । ଏହିସବୁ ସବ୍‌ସିଡି ପରିବର୍ତ୍ତେ ସେମାନଙ୍କ ଆକାଉଣ୍ଟକୁ ସିଧାସଳଖ ଟଙ୍କା ପ୍ରଦାନ କରାଯିବ । ଏହି ସ୍କିମ୍‌କୁ କାର୍ଯ୍ୟକାରୀ କରିବା ପାଇଁ ସରକାରଙ୍କ ଉପରେ ବାର୍ଷିକ ଅତିରିକ୍ତ ୯୮୦ କୋଟି ଡଲାର ବା ପାଖାପାଖି ୭୦,୦୦୦ କୋଟି ଟଙ୍କାର ବୋଝ ପଡ଼ିବ । ମାର୍ଚ୍ଚ ୩୧ରେ ଶେଷ ହୋଇଥିବା ଆର୍ଥିକବର୍ଷରେ କୃଷି ସବ୍‌ସିଡି ବାବଦରେ ୭୦,୧୦୦ କୋଟି ଟଙ୍କା ଖର୍ଚ୍ଚ ହେବ ବୋଲି ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ବଜେଟ୍‌ରେ ଘୋଷଣା କରିଥିଲେ ।
ଅନ୍ୟପକ୍ଷରେ ଚାଷୀମାନଙ୍କ ପାଇଁ ଏହି ନୂଆ ସ୍କିମ୍‌ କାର୍ଯ୍ୟକାରୀ କରାଯିବା ଦ୍ୱାରା ଦେଶର ବିତ୍ତୀୟ ନିଅଣ୍ଟ ଉପରେ କୌଣସି ପ୍ରଭାବ ପଡ଼ିବ ନାହିଁ ବୋଲି କୁହାଯାଉଛି । ଆସନ୍ତା ମାର୍ଚ୍ଚ ୩୧ରେ ଶେଷ ହେବାକୁ ଥିବା ଆର୍ଥିକବର୍ଷରେ ବିତ୍ତୀୟ ନିଅଣ୍ଟ ପରିମାଣ ୩.୩ଧ ହେବ ବୋଲି ଧାର୍ଯ୍ୟ କରାଯାଇଥିବା ବେଳେ ନଭେମ୍ବରରେ ଶେଷ ହୋଇଥିବା ୮ ବର୍ଷରେ ଏହି ଏହି ସ୍ତର ପାର୍‌ କରିସାରିଲାଣି । ତେଣୁ ଏହା ୩.୫ଧଠାରୁ ଅତିକ୍ରମ କରିଯିବ ବୋଲି ଆଶଙ୍କା କରାଯାଉଛି । ଉଲ୍ଲେଖଯୋଗ୍ୟ, କିଛି ମାସ ହେଲା କୃଷିଋଣକୁ ନେଇ ବେଶ୍‌ ରାଜନୀତି ହେଉଛି । ବିଶେଷକରି ୫ଟି ରାଜ୍ୟରେ ବିଧାନସଭା ନିର୍ବାଚନ ବେଳେ କୃଷିଋଣକୁ ନେଇ ଅତ୍ୟଧିକ ଚର୍ଚ୍ଚା ହୋଇଛି । ଚାଷୀଙ୍କ ଉପରେ ଥିବା ଋଣ ଛାଡ଼ କରିବା ଲାଗି କଂଗ୍ରେସ ଏହାର ନିର୍ବାଚନୀ ଇସ୍ତାହାରରେ ଘୋଷଣା କରିଥିଲା । ଏହା ଦଳ ସପକ୍ଷରେ ଯାଇଥିଲା । ମଧ୍ୟ ପ୍ରଦେଶ, ରାଜସ୍ଥାନ ଓ ଛତିଶଗଡ଼ରେ କଂଗ୍ରେସ ବିଜୟୀ ହୋଇଥିଲା । ଫଳରେ ଏହି ୩ ରାଜ୍ୟରୁ ବିଜେପି ସରକାର ହଟିଥିଲା । ତେଣୁ ଏଥର କେନ୍ଦ୍ର ସରକାର ସେହି ଭୁଲକୁ ଦୋହରାଇବାକୁ ଚାହୁନଥିବା ଜଣାପଡ଼ିଛି । ସମ୍ପ୍ରତି ଚାଷୀମାନେ ନାନା ପ୍ରକାର ସମସ୍ୟା ଦେଇ ଗତି କରୁଛନ୍ତି । ବିଶେଷକରି ନିଜ ଉôପାଦର ଉଚିତ ମୂଲ୍ୟ ପାଉନଥିବାରୁ ସେମାନେ ନାହିଁ ନଥିବା କ୍ଷତିର ସମ୍ମୁଖୀନ ହେଉଛନ୍ତି । ଏହି କାରଣରୁ ସେମାନଙ୍କ ଋଣ ବୋଝ ମଧ୍ୟ ବଢ଼ି ଯାଉଛି । ଶେଷରେ ଘୋର ଆର୍ଥିକ ସଂକଟରେ ପଡ଼ି ସେମାନେ ଆତ୍ମହତ୍ୟା ଭଳି ବାଟ ବାଛୁଛନ୍ତି । ନିକଟରେ ମହାରାଷ୍ଟ୍ର, ଆନ୍ଧ୍ର ପ୍ରଦେଶ ଭଳି ରାଜ୍ୟର ଚାଷୀମାନେ ସେମାନଙ୍କ ଉôପାଦିତ ଦ୍ରବ୍ୟର ଉଚିତ ମୂଲ୍ୟ ନପାଇ ରାଜରାସ୍ତାକୁ ଓହ୍ଲାଇଥିଲେ । ତେଣୁ ଅସନ୍ତୁଷ୍ଟ ଚାଷୀମାନଙ୍କ ହୃଦୟ ଜିଣିବା ଲାଗି ବଡ଼ ଯୋଜନା ଆଣିବା ଜରୁରୀ ହୋଇପଡ଼ିଛି । ଦ୍ୱିତୀୟ ଥର କେନ୍ଦ୍ରରେ କ୍ଷମତା ହାସଲ ପାଇଁ ଅନ୍ତତଃ ଏହି ପଦକ୍ଷେପ ନେବା ଅପରିହାର୍ଯ୍ୟ ହୋଇପଡ଼ିଛି ।
ଅନ୍ୟପକ୍ଷରେ ୩ଟି ରାଜ୍ୟ ଯଥା ମଧ୍ୟ ପ୍ରଦେଶ, ରାଜସ୍ଥାନ ଓ ଛତିଶଗଡ଼ରେ କୃଷି ଋଣ ଛାଡ଼ କରିବା ପରେ କଂଗ୍ରେସ ବାରମ୍ବାର କେନ୍ଦ୍ର ସରକାରଙ୍କ ଉପରେ ଚାପ ପକାଇ ଆସୁଛି । ମୋଦି ସରକାରଙ୍କୁ ଦଳ ଏକପ୍ରକାର ଚାଲେଞ୍ଜ୍‌ ଦେଇଛି । ମୋଦି ସରକାର ଚାଷୀମାନଙ୍କ ପାଇଁ ମେଗା ଯୋଜନା ଆଣିବାକୁ ଏବେ ବିଭିନ୍ନ ଦିଗ ଉପରେ ବିଚାର କରୁଛନ୍ତି । ବିଭିନ୍ନ ରାଜ୍ୟ ପକ୍ଷରୁ କାର୍ଯ୍ୟକାରୀ ହେଉଥିବା ଯୋଜନାକୁ ମଧ୍ୟ ତର୍ଜମା କରାଯାଉଛି । ନିକଟରେ ଓଡ଼ିଶା ସରକାରଙ୍କ ପକ୍ଷରୁ କାର୍ଯ୍ୟକାରୀ ହୋଇଥିବା ‘କାଳିଆ’ (କୃଷକଙ୍କ ଜୀବିକା ଓ ଆୟ ବୃଦ୍ଧି ପାଇଁ ସହାୟତା) ସ୍କିମ୍‌କୁ ମଧ୍ୟ ଅବଲୋକନ କରାଯାଉଛି । ‘କାଳିଆ’କୁ ସମୀକ୍ଷା କରି ନିର୍ବାଚନ ପ୍ରକ୍ରିୟା ଆରମ୍ଭ ହେବା ପୂର୍ବରୁ ନୂଆ ଅବତାରରେ ଏକ କେନ୍ଦ୍ରୀୟ ସ୍କିମ୍‌ ଆଣିବାକୁ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି । ପ୍ରସ୍ତାବିତ ସ୍କିମ୍‌ରେ ମଧ୍ୟ କାଳିଆ ଭଳିି କ୍ଷୁଦ୍ର, ନାମମାତ୍ର ଚାଷୀ ଓ ଭୂମିହୀନ ଚାଷୀ ହିତାଧିକାରୀଙ୍କ ବ୍ୟାଙ୍କ ଖାତାକୁ ସିଧାସଳଖ ଅର୍ଥ ହସ୍ତାନ୍ତର ବ୍ୟବସ୍ଥା ରଖିବାକୁ କୁହାଯାଇଛି ।
ଉଲ୍ଲେଖଯୋଗ୍ୟ, ଡିସେମ୍ବର ୩୧ରେ ଓଡ଼ିଶାରେ କାଳିଆ ସ୍କିମ୍‌ ଆରମ୍ଭ ହୋଇଛି । ଏହି ସ୍କିମ୍‌ ଦ୍ୱାରା ରାଜ୍ୟର ୯୨ଧ ଚାଷୀ ଉପକୃତ ହେବେ । ଆସନ୍ତା ୩ ବର୍ଷ ମଧ୍ୟରେ କାଳିଆ ସ୍କିମ୍‌ରେ ୧୦,୧୮୦ କୋଟି ଟଙ୍କା ଖର୍ଚ୍ଚ କରିବାକୁ ଓଡ଼ିଶା ସରକାର ବ୍ୟୟବରାଦ କରିଛନ୍ତି । ଏହି ସ୍କିମ୍‌ କ୍ଷୁଦ୍ର, ନାମମାତ୍ର ଓ ଭୂମିହୀନ ଚାଷୀଙ୍କୁ ଆର୍ଥିକ, ଜୀବିକା ଓ କୃଷିକାର୍ଯ୍ୟ ପାଇଁ ସହାୟତା ଯୋଗାଇବା ସହ ବୀମା ସୁବିଧା ପ୍ରଦାନ କରିବ ।