ମାଲିକଙ୍କୁ ମାରି ଖାଇଦେଲେ ୧୮ ପୋଷା କୁକୁର
ଡଲାସ,୧୧ ।୭(ଏଜେନ୍ସି): ଆମେରିକାର ଟେକ୍ସାସ ଅଞ୍ଚଳରେ ଜଣେ ବ୍ୟକ୍ତିଙ୍କୁ ତାଙ୍କ ପୋଷା କୁକୁର ମାରି ଖାଇଦେଇଛନ୍ତି । ଡଲାସ ଠାରୁ ୩୦ ମାଇଲ ଦୂର ଭେନସ ଅଞ୍ଚଳରେ ଏହି ଘଟଣା ଘଟିଛି । ମୃତ ବ୍ୟକ୍ତିଙ୍କ ନାମ ଫ୍ରେଡିକ ମାକ୍ (୫୭) ।
ପୁଲିସ ସୂଚନା ଅନୁସାରେ ଘରଠାରୁ କିଛି ଦୂରରେ ଫ୍ରେଡିକଙ୍କର ଏକ ଫାର୍ମ ରହିଥିଲା । ସେଠାରେ ସେ ନିଜର ୧୮ଟି ପୋଷା କୁକୁରଙ୍କ ସହ ରହୁଥିଲେ । ହେଲେ ଗତ ମେ’ ମଧ୍ୟଭାଗରୁ ତାଙ୍କର କୌଣସି ଖୋଜ୍ଖବର ନମିଳିବାରୁ ପରିବାର ଲୋକେ ଥାନାରେ ଅଭିଯୋଗ କରିଥିଲେ ।
ପୁଲିସ ଉକ୍ତ ଫାର୍ମ ହାଉସକୁ ଯାଇଥିଲା । କିନ୍ତୁ ଫ୍ରେଡିକଙ୍କୁ ପାଇନଥିଲା । ସେଠାରେ ଥିବା କୁକୁରଙ୍କ ମଳରେ ଛୋଟ ଛୋଟ ହାଡ, କପଡା, କେଶ ଆଦି ରହିଥିବା ଦେଖିବାକୁ ପାଇବା ପରେ ପୁଲିସ ତାକୁ ପରୀକ୍ଷା ଲାଗି ପଠାଇଥିଲା । ଡିଏନ୍ଏ ପରୀକ୍ଷାରୁ ମିଳିଥିବା ହାଡ଼ ଫ୍ରେଡିକଙ୍କର ବୋଲି ଜଣାପଡିଥିଲା ।
