ଚିତ୍ରକୋଣ୍ଡା,୧୪।୧(ଆପ୍ର ): କୋରାପୁଟ ଜିଲ୍ଲା ଜୟପୁରର ଦେଶିଆ ଗୀତ ସମ୍ରାଟ ବରିଷ୍ଠ ଓକିଲ ତଥା କଣ୍ଠଶିଳ୍ପୀ ସ୍ୱର୍ଗତ ସତ୍ୟ ଅଧିକାରୀ ଗତ ୨୯ ବର୍ଷ ତଳେ ଦେଶିଆ ଗୀତ ଛି ଛିରେ ନନୀ ଗାଇଥିଲେ। ଗତ କିଛି ଦିନ ହେଲା ଟପ ଟ୍ରେଣ୍ଡରେ ଅଛି ଏହି ଗୀତ। ଚାରିଆଡେ ଲୋକପ୍ରିୟ ହେଉଥିବା କୋରାପୁଟିଆ ପୁରୁଣା ଛି ଛିରେ ନନୀ ଛି ଗୀତକୁ ଗାଇ ନିଜେ ଭାଇରାଲ ହୋଇଛନ୍ତି ଏବେ ଚିତ୍ରକୋଣ୍ଡା ବିଧାୟକ ମଙ୍ଗୁ ଖିଲ।
ମାଲକାନଗିରି ଜିଲ୍ଲା ଚିତ୍ରକୋଣ୍ଡା ନିର୍ବାଚନ ମଣ୍ଡଳୀର ବିଧାୟକ ମଙ୍ଗୁ ଖିଲ ଏହି ଗୀତକୁ ବେସ ପ୍ରଶଂସା କରିଥିବା ବେଳେ ଗୀତର କିଛି ପଦ ଗାଇ ଏହାକୁ ବେଶ ଉପଭୋଗ କରିଛନ୍ତି। ତେବେ ତାଙ୍କର ଏହି ଗୀତ ଗାଇବା ଭିଡିଓକୁ ମଧ୍ୟ ଲୋକେ ବେଶ ପସନ୍ଦ କରୁଥିବା ବେଳେ ଏହି ଭିଡିଓ ବେଶ ଭାଇରାଲ ହୋଇଛି। ପ୍ରାୟ ୨୯ବର୍ଷ ପୁରୁଣା ଏହି ଗୀତ ବର୍ତ୍ତମାନ ଲୋକଙ୍କୁ ପୁଣିଥରେ ଆକୃଷ୍ଟ କରିଥିବା ବେଳେ ମାଲକାନଗିରି ଜିଲ୍ଲାର ଯୁବ ପିଢୀ ଓ ଅବାଳ ବୃଦ୍ଧ ବନୀତା ଏହି ଗୀତକୁ ନେଇ ସାମାଜିକ ଗଣମାଧ୍ୟମରେ ବିଭିନ୍ନ ପ୍ରକାରର ରିଲ୍ସ କରୁଥିବା ମଧ୍ୟ ଦେଖିବାକୁ ମିଳିଛି। ଏହା କୋରାପୁଟିଆ ଭାଷାର ବହୁଳ ପ୍ରଚାର ପ୍ରସାର କରୁଥିବା ମଧ୍ୟ ବିଧାୟକ ଶ୍ରୀ ଖିଲ ପ୍ରକାଶ କରିଛନ୍ତି।
