ମୁମ୍ବାଇ,୨୧/୫ : ଚେନ୍ନାଇ ସୁପର କିଙ୍ଗ୍ସ IPL ୨୦୨୬ରେ ଲିଗ୍ ଷ୍ଟେଜର ଶେଷ ମ୍ୟାଚ୍ ଆଜି ଗୁଜୁରାଟ ଟାଇଟନ୍ସ ବିପକ୍ଷରେ ଖେଳିବ । କିନ୍ତୁ ମ୍ୟାଚ୍ ପୂର୍ବରୁ ସାମ୍ନାକୁ ଆସିଥିବା ଅପଡେଟରେ କୁହାଯାଇଛି କି ଏମଏସ ଧୋନି ଏହା ପୂର୍ବରୁ ସିଜନ ମଧ୍ୟରେ ନିଜ ଘର ରାଞ୍ଚି ଫେରି ଯାଇଛନ୍ତି । ଏହାପରେ ଚର୍ଚ୍ଚା ଜାରି ରହିଛି କି ସିଜନ ମଧ୍ୟରେ ସିଏସକେର ହାତ ଛାଡ଼ି ଚୁପଚାପ ଆଇପିଏଲରୁ ସନ୍ନ୍ୟାସ ନେଇ ଯାଇଛନ୍ତି ? ଆସନ୍ତୁ ଜାଣିବା ମାହି ଘରକୁ ଫେରିବାର ପୂରା ଘଟଣା ।
ପ୍ରକାଶ ଯେ, ଚେନ୍ନାଇ ୧୩ତମ ମ୍ୟାଚ୍ ୧୮ମଇରେ ସନରାଇଜର୍ସ ହାଇଦ୍ରାବାଦ ବିପକ୍ଷ ଚେପକରେ ଖେଳିଥିଲେ । ମ୍ୟାଚରେ ଏମଏସ ଧୋନୀ ଟିମ୍ ସହ ଷ୍ଟାଡିୟମରେ ଆସିଥିଲେ, କିନ୍ତୁ ସେ ମ୍ୟାଚ୍ ଖେଳି ନଥିଲେ । ସୂଚନା ଅନୁସାରେ, ଏବେ ଶେଷ ଲିଗ୍ ମ୍ୟାଚ୍ ପୂର୍ବରୁ ଧୋନି ଅଙ୍ଗୁଠିରେ ଆଘାତ ଲାଗିବାରୁ ନିଜ ଘର ରାଞ୍ଚି ଫେରି ଆସିଛନ୍ତି । କୁହାଯାଇଛି କି ଯଦି ଚେନ୍ନାଇ ପ୍ଲେଅଫରେ ପହଞ୍ଚେ ତେବେ ପୁଣି ଥରେ ସେ ଟିମରେ ଜଏନ କରିବେ । ଏଥିରୁ ଗୋଟିଏ କଥା ସ୍ପଷ୍ଟ କି ସେ ସନ୍ନ୍ୟାସ ନେଇ ନାହାନ୍ତି ।
ସିଜିନ ଆରମ୍ଭରେ ଧୋନିଙ୍କୁ ଆଘାତ ଲାଗିଥିଲା । ଫଳରେ ସେ ଗୋଟିଏ ବି ମ୍ୟାଚ୍ ଖେଳି ନ ଥିଲେ । ୨୮ମାର୍ଚ୍ଚରେ ଚେନ୍ନାଇ ଏକ ଅପଡେଟରେ କହିଥିଲା କି ଆଘାତ କାରଣରୁ ମାହି ୨ ସପ୍ତାହ ପର୍ଯ୍ୟନ୍ତ ବାହାରେ ରହିପାରନ୍ତି । ଆଘାତ ମାହିଙ୍କୁ ଏଭଳି ବାହାର କଲା କି ସେ ପୂରା ସିଜିନରେ ଲିଗ୍ ମ୍ୟାଚ ଖେଳିପାରିଲେ ନାହିଁ। ଦ୍ବିତୀୟ ଅଙ୍ଗୁଠିର ଆଘାତ ସିଜନର ଶେଷରେ ହୋଇଯାଇଛି । ଏବେ ଦେଖିବାକୁ ରହିଲା କି ଯଦି ଚେନ୍ନାଇ ପ୍ଲେଅଫରେ ପହଞ୍ଚେ ତେବେ ମାହି ଫେରିବେ କି ନାହିଁ ।
