PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ରର ମୁଖ୍ୟମନ୍ତ୍ରୀ ଭାବେ ଶପଥ ନେଲେ ଏକନାଥ ସିନ୍ଦେ, ଶପଥ ପାଠ କରାଇଲେ ରାଜ୍ୟପାଳ
  • ||
  • ଦେବେନ୍ଦ୍ର ଫଡନବିସ୍ ହେବେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ , ଟ୍ୱିଟ୍‌ କରି ସୂଚନା ଦେଲେ ଜେପି ନଡ୍ଡା
  • ||
  • ପୁଣି ଭୁବନେଶ୍ୱରରେ ମାସ୍କ ପିନ୍ଧିବା ବାଧ୍ୟତାମୂଳକ, କୋଭିଡ୍ ସଂକ୍ରମଣ ବଢ଼ିବାରୁ କଟକଣା ଜାରି । ମଲ୍ , ଦୋକାନ, ସରକାରୀ ଓ ଘରୋଇ ଅଫିସରେ କଟକଣା ପାଳନ ନିର୍ଦ୍ଦେଶ। ସର୍ବସାଧାରଣ ସ୍ଥାନରେ ୨ ମିଟର ସାମାଜିକ ଦୂରତା ନିର୍ଦ୍ଦେଶ
  • ||
  • ଏକନାଥ ସିନ୍ଦେ ହେବେ ମହାରାଷ୍ଟ୍ର ମୁଖ୍ୟମନ୍ତ୍ରୀ , ପ୍ରେସ୍‌ମିଟ୍‌ରେ ଦେବେନ୍ଦ୍ର ଫଡନବିସ୍‌ଙ୍କ ଘୋଷଣା
  • ||
  • ପୁରୀ : ଅଟକିଛି ପେଟା ନାଳର ପୁନରୁଦ୍ଧାର ଓ ସୌନ୍ଦର୍ଯ୍ୟକରଣ କାର୍ଯ୍ୟ, ନାଳ ଭିତରେ ପଶି ପ୍ରତିବାଦ କଲେ ମହମ୍ମଦ ମୋକିମ୍
  • ||
  • ପୁରୀ : ରଥଯାତ୍ରା ପାଇଁ ସ୍ଵାସ୍ଥ୍ୟ ବିଭାଗର ସ୍ଵତନ୍ତ୍ର ବ୍ୟବସ୍ଥା, କୋଭିଡ୍ ପାଇଁ ପ୍ରସ୍ତୁତ ଅଛି ସ୍ଵତନ୍ତ୍ର ବେଡ୍
  • ||
  • ମୋରଡ଼ା : ମୋରଡ଼ାରେ ଥମୁନି ହାତୀ ଉପଦ୍ରବ, ଦନ୍ତା ଆକ୍ରମଣରେ ୨ ମୃତ
  • ||
  • ପୁରୀ : ରଥଖଳାକୁ ବିଜେ ହେଲା ଆଜ୍ଞାମାଳ, ସିଂହଦ୍ଵାର ସମ୍ମୁଖକୁ ଆସିବେ ୩ ରଥ
  • ||
  • ପୁରୀ : ରଥଯାତ୍ରା ପାଇଁ ଟ୍ରାଫିକ୍ ଓ ପାର୍କିଂ ବ୍ୟବସ୍ଥା, ମାଳତିପାଟପୁର ବସଷ୍ଟାଣ୍ଡରେ ରହିବେ ରାଜ୍ୟ ବାହାରୁ ଆସୁଥିବା ଯାତ୍ରୀବାହି ବସ୍
  • ||
  • ଭୁବନେଶ୍ଵର : ବିଏମସିର ଡ୍ରାଇ ଡେ ପାଳନ, ମଶା ବଂଶ ବୃଦ୍ଧିକୁ ନାଶ କରିବାକୁ ରାଜଧାନୀବାସୀଙ୍କୁ ଆହ୍ଵାନ କଲେ ବିଏମସି କମିଶନର
  • ||
  • ଭୁବନେଶ୍ଵର : କଂଗ୍ରେସକୁ ଝଟ୍‌କା, ଦଳର ସମ୍ପାଦକ ପଦରୁ ଇସ୍ତଫା ଦେଲେ ମହମ୍ମଦ ମୋକିମ୍
  • ||

ବିଜେଡି ଭେଟେରାନ ସୁରକ୍ଷିତ

source:www.livemint.com

ଭୁବନେଶ୍ୱର,୧୮ ।୩(ବ୍ୟୁରୋ): ମନ ଗୋଳେଇଘାଣ୍ଟି ହେଉଥିଲା । ମୁଣ୍ଡରେ ଖଣ୍ଡା ଝୁଲୁଥିଲା । କିଛି ବି ଅସମ୍ଭବ ନଥିଲା । ଦଳୀୟ ଟିକେଟ ମିଳିବ ନା ନାହିଁ? ନବୀନଙ୍କ କୃପା ହାତ କାଳେ ହଟିଯିବ ଏମିତି ଚିନ୍ତାରେ ଥିଲେ ବିଜୁ ଜନତା ଦଳର ବହୁ ଭେଟେରାନ ମନ୍ତ୍ରୀ, ବିଧାୟକ । ଆଜି ବିଜେଡି ପ୍ରାର୍ଥୀ ତାଲିକା ଘୋଷଣା ପରେ ଆଶ୍ୱସ୍ତ ହୋଇଛନ୍ତି ଦଳର ବହୁ ବରିଷ୍ଠ ନେତା । ନବୀନ ୫ ସାଂସଦ ଓ ୧୫ ବିଧାୟକଙ୍କ ଟିକେଟରେ କଇଁଚି ମାରିଛନ୍ତି । ମାତ୍ର ଦଳର ବରିଷ୍ଠ ନେତାମାନେ ଏଥିରୁ ବର୍ତ୍ତି ଯାଇଛନ୍ତି ।
ମନ୍ତ୍ରୀ ରମେଶ ଚନ୍ଦ୍ର ମାଝୀ, ସୂର୍ଯ୍ୟ ନାରାୟଣ ପାତ୍ର, ନିରଞ୍ଜନ ପୂଜାରୀ, ସ୍ନେହାଙ୍ଗିନୀ ଛୁରିଆ, ସୁଶାନ୍ତ ସିଂହ, ବାଚସ୍ପତି ପ୍ରଦୀପ କୁମାର ଅମାତଙ୍କ ଦକ୍ଷତା ଓ ଲୋକପ୍ରିୟତା ଉପରେ ଆସ୍ଥା ପ୍ରକଟ କରିଛନ୍ତି ନବୀନ । ରମେଶଙ୍କୁ ବିଧାନସଭା ବଦଳରେ ନବରଙ୍ଗପୁର ଲୋକସଭା ଟିକେଟ ମିଳିଛି । ସେହିଭଳ ମନ୍ତ୍ରୀ ବିକ୍ରମ କେଶରୀ ଆରୁଖ, ଉଷା ଦେବୀ, ପୂର୍ବତନ ମନ୍ତ୍ରୀ ପ୍ରଦୀପ କୁମାର ପାଣିଗ୍ରାହୀ, ରବିନାରାୟଣ ନନ୍ଦ, ଲାଲ ବିହାରୀ ହିମିରିକା ନିଜ ଟିକେଟ ସୁରକ୍ଷିତ ରଖି ସେଫ୍‌ ଜୋନରେ ଅଛନ୍ତି ।
ପୂର୍ବତନ ମନ୍ତ୍ରୀ ସାରଦା ନାୟକ, ଦିବ୍ୟଶଙ୍କର ମିଶ୍ର, ମଙ୍ଗଳା କିଷାନ ନିଜ ଟିକେଟ ବଞ୍ଚାଇ ରଖିପାରିଛନ୍ତି ।
କଂଗ୍ରେସ ଛାଡ଼ି ଆସିଥିବା ନେତାମାନଙ୍କୁ ବି ଟିକେଟ ବଣ୍ଟନ ବେଳେ ନବୀନ ପାସୋରି ନାହାନ୍ତି । ଝାରସୁଗୁଡ଼ା କଂଗ୍ରେସ ବିଧାୟକ ନବ ଦାସ କଂଗ୍ରେସକୁ ବାଏ ବାଏ କରି ବିଜେଡି ଆସି ଟିକେଟ ହାତେଇଥିଲା ବେଳେ ୨୦୧୪ରେ କଂଗ୍ରେସ ଛାଡ଼ିଥିବା ଅଭିଜ୍ଞ ଭୂପିନ୍ଦର ସିଂହ ନର୍ଲାରୁ ଲଢ଼ିବାକୁ ନବୀନଙ୍କ ଆଶୀର୍ବାଦ ପାଇଛନ୍ତି । ସେହିଭଳି ଦୁଷ୍ମନ୍ତ ନାଏକ କଂଗ୍ରେସ ଛାଡ଼ି ଆସିଥିଲେ । ଦଳ ତାଙ୍କୁ ଭବାନୀପାଟଣାରୁ ଟିକେଟ ଦେଇଛି । ଯୋଗେଶ ସିଂହ ମଧ୍ୟ ସୁନ୍ଦରଗଡ଼ରୁ ବିଜେଡି ଟିକେଟ ପାଇଛନ୍ତି । ପୂର୍ବତନ କେନ୍ଦ୍ରମନ୍ତ୍ରୀ ଚନ୍ଦ୍ରଶେଖର ସାହୁ କଂଗ୍ରେସ ଛାଡ଼ି କିଛି ମାସ ତଳେ ବିଜେଡିରେ ଯୋଗ ଦେଇଥିଲେ । ତାଙ୍କୁ ବିଜେଡି ବ୍ରହ୍ମପୁର ଲୋକସଭା ସହ ତାଙ୍କ ଅନୁଗତ ବିକ୍ରମ ପଣ୍ଡାଙ୍କୁ ବ୍ରହ୍ମପୁର ବିଧାନସଭା ପାଇଁ ପ୍ରାର୍ଥୀ କରିଛି । କଂଗ୍ରେସ ଛାଡ଼ିଥିବା ସୁନୀତା ବିଶ୍ୱାଳଙ୍କୁ ବିଜେଡି ସୁନ୍ଦରଗଡ଼ ଲୋକସଭା ପାଇଁ ପ୍ରାର୍ଥୀ କରିଛି ।
ବିଜେଡି ଟିକେଟରୁ ବଞ୍ଚିତ ବିଧାୟକମାନେ ହେଲେ, ଡମ୍ବରୁ ସିସା, ଆୟୁବ ଖାଁ, ରୀତା ସାହୁ, ତ୍ରିନାଥ ଗମାଙ୍ଗୋ, ଭି.ସୁଜ୍ଞାନୀ ଦେଓ, ରାଜୀବ ପାତ୍ର, ପୂର୍ଣ୍ଣଚନ୍ଦ୍ର ସେଠୀ, ପୂର୍ଣ୍ଣଚନ୍ଦ୍ର ନାଏକ, ଅନାମ ନାଏକ, ଧନେଶ୍ୱର ମାଝୀ, ରମେଶ ଚନ୍ଦ୍ର ଚ୍ୟାଉପଟ୍ଟନାୟକ, ପ୍ରିୟାଂଶୁ ପ୍ରଧାନ, ବାସନ୍ତୀ ମଲ୍ଲିକ, ଦେବରାଜ ମହାନ୍ତି । ପୁଷ୍ପେନ୍ଦ୍ର ସିଂହଦେଓଙ୍କ ଟିକେଟ କଟିଥିଲେ ମଧ୍ୟ ତାଙ୍କୁ କଳାହାଣ୍ଡି ଲୋକସଭା ଟିକେଟ ମିଳିଛି ।
ନବୀନ ଦିବଂଗତ ସାଂସଦ ଲଡୁକିଶୋର ସ୍ୱାଇଁଙ୍କୁ ଟିକେଟ ବାଣ୍ଟିବା ବେଳେ ଭୁଲିନାହାନ୍ତି । ଆସ୍କାର ଏହି ସାଂସଦଙ୍କ ପରଲୋକ ପରେ ତାଙ୍କ ପତ୍ନୀ ମଞ୍ଜୁଳା ସ୍ୱାଇଁଙ୍କୁ ଆସ୍କା ବିଧାନସଭା ପାଇଁ ପ୍ରାର୍ଥୀ କରିଛନ୍ତି ।