କଟକ, ୨୪/୧୨: ଆସନ୍ତା ୨୫ତାରିଖରୁ ହାଇକୋର୍ଟଙ୍କ ଶୀତ ଅବକାଶ ଆରମ୍ଭ ହେଉଛି । ସେହିଦୃଷ୍ଟିରୁ ଆସନ୍ତାକାଲି ମଙ୍ଗଳବାର ଅଦାଲତଙ୍କ ଶେଷ କାର୍ଯ୍ୟ ଦିବସ । ଜାନୁଆରୀ ୨ ତାରିଖରେ କୋର୍ଟ ଖୋଲିବ । ଛୁଟି ସମୟରେ ୨୫ରୁ ୨୭ତାରିଖ ପର୍ଯ୍ୟନ୍ତ ଜଷ୍ଟିସ୍ ଆଦିତ୍ୟ କୁମାର ମହାପାତ୍ର ଅବକାଶକାଳୀନ ବିଚାରପତି ଭାବେ ଜରୁରିକାଳୀନ ମାମଲାର ଶୁଣାଣି କରିବେ । ସେହିପରି ୨୯ରୁ ଜାନୁଆରୀ ୧ ତାରିଖ ପର୍ଯ୍ୟନ୍ତ ଜଷ୍ଟିସ୍ ଏମ୍.ଏସ୍. ରମଣ ଅବକାଶକାଳୀନ ବିଚାରପତି ଭାବେ ମାମଲାର ଶୁଣାଣି କରିବେ ବୋଲି ହାଇକୋର୍ଟ ପକ୍ଷରୁ ଜାରି ବିଜ୍ଞପ୍ତିରୁ ସୂଚନା ମିଳିଛି।
