ବ୍ରହ୍ମପୁର,୧୦/୧୧: ଓଡ଼ିଶା ପୁଲିସ ଏସ୍ଆଇ ଲିଖିତ ପରୀକ୍ଷା ଜାଲିଆତି ମାମଲାର ମାଷ୍ଟର୍ ମାଇଣ୍ଡ୍ ଶଙ୍କର ପୃଷ୍ଟି ଓ ସିଲିକନ୍ ଟେକ୍ଲାବ୍ ସଂସ୍ଥାର ମୁଖ୍ୟ ସୁରେଶ ଚନ୍ଦ୍ର ନାୟକର ପଲିଗ୍ରାଫ୍ ଟେଷ୍ଟ୍ କରିବ କ୍ରାଇମ୍ବ୍ରାଞ୍ଚ୍ । ଏହି ମାମଲାର ତଦନ୍ତ ଅଧିକାରୀ ବ୍ରହ୍ମପୁର ଜେଏମ୍ଏଫ୍ସି (ଗ୍ରାମାଞ୍ଚଳ)ରେ ପଲିଗ୍ରାଫ୍ ପରୀକ୍ଷା ପାଇଁ ଆବେଦନ କରିଛନ୍ତି । ସୋମବାର ଏହାର ଶୁଣାଣି ହେବ ବୋଲି ଜଣାପଡ଼ିଛି । କୋର୍ଟ ଅନୁମତି ପରେ ଉଭୟ ଅଭିଯୁକ୍ତଙ୍କୁ ଭୁବନେଶ୍ୱର ଷ୍ଟେଟ୍ ଫରେନ୍ସିକ୍ ଲାବ୍ରେ ପଲିଗ୍ରାଫ୍ ଟେଷ୍ଟ୍ କରାଯିବ । ସିଲିକନ୍ ଟେକ୍ଲାବ୍ ସଂସ୍ଥାର ମୁଖ୍ୟ ସୁରେଶ ଚନ୍ଦ୍ର ନାୟକଙ୍କୁ ଗିରଫ କରିବା ପରେ ଲଗାତାର ଭାବେ ଜେରା କରିଥିଲା କ୍ରାଇମ୍ବ୍ରାଞ୍ଚ୍ । ପରବର୍ତ୍ତୀ ସମୟରେ ଶଙ୍କର ପୃଷ୍ଟିକୁ କ୍ରାଇମ୍ବ୍ରାଞ୍ଚ୍ ନେପାଳ ସୀମା ଉତ୍ତରାଖଣ୍ଡରୁ ଗିରଫ କରିଥିଲା । ସୁରେଶ ଓ ଶଙ୍କରଙ୍କୁ ମୁହାଁମୁହିଁ ଜେରା କରିବା ପରେ କ୍ରାଇମ୍ବ୍ରାଞ୍ଚ ଉଭୟଙ୍କୁ ଗୋଟିଏ ଦିନରେ ଅର୍ଥାତ୍ ନଭେମ୍ବର ୪ରେ କୋର୍ଟଚାଲାଣ କରିଥିଲା ।
ଶଙ୍କରକୁ ଜେରା କରିବାକୁ ଅଧିକ ସମୟ ପାଇ ନ ଥିଲା କ୍ରାଇମ୍ବ୍ରାଞ୍ଚ୍ । ଶଙ୍କର ଏବଂ ପୂର୍ବରୁ ବାଲେଶ୍ୱରରୁ ଗିରଫ ହୋଇଥିବା ଦଲାଲ ଅରବିନ୍ଦ ଦାସକୁ ଗତ ୫ ତାରିଖରୁ କ୍ରାଇମ୍ବ୍ରାଞ୍ଚ୍ ରିମାଣ୍ଡରେ ନେଇ ଜେରା କରିବା ପରେ ୮ରେ କୋର୍ଟରେ ହାଜର କରିଥିଲା । କୋର୍ଟ ନିର୍ଦ୍ଦେଶ ପ୍ରକାରେ ଉଭୟଙ୍କୁ ବ୍ରହ୍ମପୁର ଜେଲ୍ ପଠାଯାଇଛି । ଜେରାବେଳେ ଶଙ୍କର ସତ କହୁଥିଲା ନା ନାହିଁ, ତାହା ସନ୍ଦେହରେ । ଏଣୁ ପଲିଗ୍ରାଫ୍ ଟେଷ୍ଟ୍ କରି ସତ୍ୟତା ଜାଣିବାକୁ ଟିମ୍ ଉଦ୍ୟମ କରୁଛି ।
ସେପଟେ ସିଲିକନ୍ ଟେକ୍ଲାବ୍ର ମୁଖ୍ୟ ସୁରେଶ ନାୟକ ଓ ପଞ୍ଚ୍ସପ୍ଟ ସଂସ୍ଥାର ମୁଖ୍ୟ ତଥା ଏହି ର୍ୟାକେଟ୍ର ମାଷ୍ଟର୍ମାଇଣ୍ଡ ଶଙ୍କର ପୃଷ୍ଟି ଭିତରେ କ’ଣ ଡିଲ୍ ହୋଇଥିଲା ତାହାର ଖୁଲାସା ହୋଇପାରି ନାହିଁ । ଏହି ଦୁଇଜଣଙ୍କ ପଲିଗ୍ରାଫ୍ ଟେଷ୍ଟ୍ ହେଲେ ସତ ଜଣାପଡ଼ିବ ବୋଲି ଆଶା କରାଯାଉଛି । ଶଙ୍କର ପୃଷ୍ଟି ବିରୋଧରେ ଅନେକ ଅପରାଧିକ ମାମଲା ଥିବାବେଳେ ପୂର୍ବରୁ ମଧ୍ୟ ନିଯୁକ୍ତି ଠକେଇ ଏବଂ ଜାଲ୍ ସାର୍ଟିଫିକେଟ୍ କେସ୍ରେ ତା’ର ନାମ ରହିଛି । ସାଧାରଣ ପରିବାରରୁ ଆସିଥିବା ଶଙ୍କର ପାଖରେ ଅଚଳାଚଳ ସମ୍ପତ୍ତି । ଏହି ସମ୍ପତ୍ତି ଏବଂ ସେ ଚଳାଉଥିବା ର୍ୟାକେଟ୍କୁ କିଏ ପ୍ରୋତ୍ସାହନ ଦେଉଛି ତାହାର ତଦନ୍ତ ଜାରି ରଖିଛି କ୍ରାଇମ୍ବ୍ରାଞ୍ଚ୍ ।
ମାମଲାରେ ୧୨୫ ଜଣ ଗିରଫ ହୋଇଥିବାବେଳେ ୧୧୪ ଜଣ ପରୀକ୍ଷା ଆଶାୟୀ ଜାମିନ୍ ପାଇ ପର୍ଯ୍ୟାୟକ୍ରମେ ଜେଲ୍ରୁ ମୁକୁଳିଛନ୍ତି । ଏବେ ମୁଖ୍ୟ ଅଭିଯୁକ୍ତ ଶଙ୍କର ସହ ୧୧ ଜଣ ବ୍ରହ୍ମପୁର ଜେଲ୍ରେ ଅଛନ୍ତି । ଏମାନଙ୍କ ସହ ଲିଙ୍କ୍ରେ ଥିବା ଅନ୍ୟ ଅଭିଯୁକ୍ତଙ୍କୁ ଖୋଜୁଛି କ୍ରାଇମ୍ବ୍ର
