ଖଲ୍ଲିକୋଟ , ୨/୮  : ରମ୍ଭା ରେଳ ଫାଟକ ନିକଟରେ  ସଂଘବଦ୍ଧ ଆକ୍ରମଣରେ ଜଣେ ଗୁରୁତର ହୋଇଛି। ଗୁରୁତର ଜଣକ ହେଲେ ଖଲ୍ଲିକୋଟ ବ୍ଲକ ତଥା ରମ୍ଭା ଥାନା ଅନ୍ତର୍ଗତ ଆର. ବାହାଡାପଲ୍ଲୀ ଗ୍ରାମର ବି. ମନୁ ପ୍ରଧାନ (୫୫) ।

ସେ ସାବୁଳିଆରୁ ନିଜ ଗ୍ରାମକୁ ବାଇକ ଯୋଗେ  ରାତିରେ ଫେରୁଥିବା ବେଳେ ରମ୍ଭା ରେଳ ଫାଟକ ନିକଟରେ ତାଙ୍କୁ କେତେକ ଯୁବକ ଘେରି ଯାଇ ଅତର୍କିତ ଭାବେ ଆକ୍ରମଣ କରିଥିଲେ। ସେ ତଳେ ପଡିଯିବା ପରେ ମାରଣାସ୍ତ୍ର ରେ ତାଙ୍କୁ ନିର୍ମମ ଭାବେ ହାଣି ପକାଇଥିଲେ। ତାଙ୍କୁ ମୁର୍ମୁଷୁ ଅବସ୍ଥା ରେ ଚିକିତ୍ସା ପାଇଁ ଖଲ୍ଲିକୋଟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଅଣାଯାଇଥିଲା। କିନ୍ତୁ ଅବସ୍ଥା ସଙ୍କଟାପନ୍ନ ଥିବାରୁ ଏଠାରେ ପ୍ରାଥମିକ ଚିକିତ୍ସା ପରେ ତୁରନ୍ତ ବ୍ରହ୍ମପୁର ବଡ଼ ମେଡିକାଲ କୁ ସ୍ଥାନାନ୍ତର କରାଯାଇଥିଲା। ଖବର ପାଇ ଘଟଣା ସ୍ଥଳ ରେ ରମ୍ଭା ପୁଲିସ ପହଂଚି ତଦନ୍ତ ଆରମ୍ଭ କରିଛି। ଆକ୍ରମଣ ର ଶିକାର ହୋଇଥିବା ମନୁ ପ୍ରଧାନ ଆର. ବାହାଡାପଲ୍ଲୀ ଗ୍ରାମ ରେ ଏକ ରାସନ ସାମଗ୍ରୀ ଦୋକାନ କରିଥିଲେ। ତେବେ ତାଙ୍କ ଉପରେ କାହିଁକି ଏଭଳି ମରଣାନ୍ତକ ଆକ୍ରମଣ ହେଲା ସେ ସମ୍ପର୍କ ରେ କୌଣସି ସ୍ପଷ୍ଟ ସୂଚନା ମିଳି ପାରିନାହିଁ।