ଭୁବନେଶ୍ୱର,୨୧/୦୩: ବ୍ରହ୍ମପୁର ସହରର ବିଭିନ୍ନ ହୋଟେଲ, ରେଷ୍ଟୁରାଣ୍ଟରେ ଚାଲିଥିଲା ବେଆଇନ ହୁକ୍କା ବାର୍। ଏହି ବାର୍ରେ ଜମୁଥିଲା ନାବାଳକଙ୍କ ଆଡ୍ଡା । ଅତର୍କିତ ଚଢାଉ କରି ହୁକ୍କା ଷ୍ଟାଣ୍ଡ ସହ ଗୁଟଖା ଏବଂ ସିଗାରେଟ ଜବତ କଲା ବ୍ରହ୍ମପୁର ପୋଲିସର ୫ଟି ଟିମ୍ । ଘଟଣାରେ ୭ଟି ଅପରାଧିକ ମାମଲା ରୁଜୁ କରି ତଦନ୍ତ କରୁଛି ପୋଲିସ ।
ସୂଚନା ମୁତାବକ, ବ୍ରହ୍ମପୁର ସହରର ବିଭିନ୍ନ ହୋଟେଲ ଏବଂ ରେଷ୍ଟୁରାଣ୍ଟରେ ବେଆଇନ୍ ଭାବରେ ଚାଲିଥିଲା ହୁକ୍କା ବାର୍ । ଏହି ହୁକ୍କା ବାର୍ ଗୁଡ଼ିକରେ ଅନେକ ସମୟରେ ଲାଗି ରହୁଥିଲା ଗ୍ରାହକଙ୍କ ଭିଡ଼ । ବିଶେଷ କରି ନାବାଳକ ମାନେ ଏହି ହୁକ୍କା ବାର୍ ଗୁଡ଼ିକରେ ଭିଡ଼ ଜମାଉଥିଲେ । ଏନେଇ ଖବର ପାଇ ଉକ୍ତ ହୁକ୍କା ବାର୍ ଗୁଡ଼ିକରେ ଚଢାଉ କରିଛି ବ୍ରହ୍ମପୁର ପୋଲିସ । ଚଢାଉ କରି ହୁକା ଷ୍ଟାଣ୍ଡ ସହ ଗୁଟଖା, ହୁକା ଏବଂ ବିଭିନ୍ନ ବ୍ରାଣ୍ଡର ସିଗାରେଟ ଜବତ କରିଛି ବ୍ରହ୍ମପୁର ପୋଲିସର ୫ଟି ଟିମ୍ । ଏହି ଘଟଣାରେ ୭ ଟି ଅପରାଧିକ ମାମଲା ରୁଜୁ କରି ତଦନ୍ତ ଚଳାଇଛି ପୋଲିସ । ଏନେଇ ବ୍ରହ୍ମପୁର ଏସ.ପି ସୂଚନା ଦେଇଛନ୍ତି ।
