ନୂଆଦିଲ୍ଲୀ,୨୭।୧୧:  ଚନ୍ଦ୍ରଯାନ ୩ ଇତିହାସ ରଚିବା ପରେ ଏବେ ଭାରତ ଆଗାମୀ ଉପଲବ୍ଧି ଚନ୍ଦ୍ରଯାନ ୪ ଆଡକୁ ଦ୍ରୁତ ଗତିରେ ବଢିବାରେ ଲାଗିଛି। ଏବେ ଏହାର ଆକାରକୁ ନେଇ ବଡ଼ ଅପଡେଟ୍ ଆସିଛି। କୁହାଯାଉଛି ଯେ, ଚନ୍ଦ୍ରଯାନ ୩ ତୁଳନାରେ ଚନ୍ଦ୍ରଯାନ-୪ ଖୁବ୍ ଭାରି ହେବାକୁ ଯାଉଛି। ଚନ୍ଦ୍ରଯାନ-୩ ଅଗଷ୍ଟ ୨୦୨୩ ରେ ଚନ୍ଦ୍ରର ଦକ୍ଷିଣ ମେରୁରେ ସଫଳତାର ସହ କରିଥିଲା ସଫ୍ଟ ଲ୍ୟାଣ୍ଡିଂ।

ଭାରତୀୟ ମହାକାଶ ଅନୁସନ୍ଧାନ କେନ୍ଦ୍ର (ଇସ୍ରୋ)ର କହିବା ଅନୁସାରେ, ଚନ୍ଦ୍ରଯାନ ୪ ଗତ ଚନ୍ଦ୍ରଯାନ ତୁଳନାରେ ୧୨ ଗୁଣା ଅଧିକ ଓଜନ ରହିଛି। ଇସ୍ରୋ ଅର୍ଥାତ ସ୍ପେସ୍ ଆପ୍ଲିକେସନ୍ ସେଣ୍ଟରର ନିର୍ଦେଶକ ନୀଲେଶ ଦେଶାଇ କହିଛନ୍ତି, ନୂଆ ରୋଭରର ଓଜନ ୩୫୦ କିଲୋଗ୍ରାମ ରହିବ। ସେଭଳି ଚନ୍ଦ୍ରଯାନର ଓଜନ ୩୦ କିଲୋଗ୍ରାମ ଥିଲ। ପୂର୍ବର ପ୍ରଜ୍ଞାନ ରୋଭର ୫୦୦ X ୫୦୦ ମିଟର ଏରିଆ କଭର କରୁଥିଲା। ତେବେ ନୂଆ ରୋଭର ୧ X ୧ କିଲୋମିଟରର ହୋଇପାରେ। କୁହାଯାଉଛି ଯେ, ଏହାଦ୍ବାରା ଚନ୍ଦ୍ରରେ ରିସର୍ଚ୍ଚର ପରିସୀମା ବଢାଇ ଦିଆଯିବ।ମିଶନକୁ ୨୦୩୦ ପର୍ଯ୍ୟନ୍ତ ଆରମ୍ଭ କରାଯାଇପାରେ। 

ରୋଭରର ଆକାରରେ ହୋଇଥିବା ଏହି ବୃଦ୍ଧି ଇସ୍ରୋର ବ୍ୟାପକ ପ୍ଲାନର ଅଂଶ। ଏହା ଅନୁସାରେ ଚନ୍ଦ୍ରପୃଷ୍ଠରେ ସନ୍ଧାନ ଓ ନମୁନା ଫେରାଇ ଆଣିବା ସାମିଲ ରହିଛି। ଖାସ୍ କଥା ଏହା ଯେ, ଚନ୍ଦ୍ରଯାନ-୪ ମିଶନ୍‌ର ଉଦେଶ୍ୟ କେବଳ ଚନ୍ଦ୍ରରେ ଲ୍ୟାଣ୍ଡିଂ ନୁହେଁ, ବଂର ପୃଥିବୀକୁ ସାମ୍ପଲ ଆଣିବାର ଯୋଜନା ରହିଛି।