ପ୍ରମୂଖ ଖବର
  • ସୁପର-୮ ମୁକାବିଲା: ବାଂଲାଦେଶକୁ ୫୦ ରନରେ ହରାଇଲା ଭାରତ
  • ||
  • ପରୀକ୍ଷା ହେବାର ଗୋଟିଏ ଦିନ ପୂର୍ବରୁ NEET-PG ଏଣ୍ଟ୍ରାସ୍ ସ୍ଥଗିତ
  • ||
  • ରବିବାରଠୁ ଦୁଇ ଦିନିଆ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ, ଶ୍ରୀବଳଦେବଜିଉ ମନ୍ଦିରରେ କରିବେ ପୂଜାର୍ଚ୍ଚନା
  • ||
  • ଓଟିଇଟି-୨୦୨୪ ପାଇଁ ବିଜ୍ଞପ୍ତି ପ୍ରକାଶ: ଅଗଷ୍ଟ ୯ରେ ପରୀକ୍ଷା, ଜୁନ୍ ୨୪ରୁ ଆବେଦନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍ ସୁପର ୮ ବାଂଲାଦେଶକୁ ଭେଟିବ ଭାରତ, ରୋହିତ, କୋହଲିଙ୍କ ପାଇଁ ସ୍ପିନ୍‌ ପରୀକ୍ଷା
  • ||
  • ରାଜ୍ୟର ୩୦ ଜିଲ୍ଲାକୁ ଛୁଇଁଲା ମୌସୁମୀ: ଆଜି କେନ୍ଦୁଝର, ମୟୂରଭଞ୍ଜରେ ପ୍ରବଳ ବର୍ଷିପାରେ, ୨୭ରେ ଲଘୁଚାପ
  • ||
  • ଦେବସ୍ନାନ ପୂର୍ଣ୍ଣିମା ପାଇଁ ଶ୍ରୀକ୍ଷେତ୍ର​‌ରେ ତ୍ରୀସ୍ତରୀୟ ସୁରକ୍ଷା ବ୍ୟବସ୍ଥା. ୬୮ ଫ୍ଲାଟୁନ୍ ଫୋର୍ସ ମୁତୟନ
  • ||
  • ପୁରୀ: ଆଜି ପବିତ୍ର ସ୍ନାନଯାତ୍ରା , ରତ୍ନସିଂହାନରୁ ସ୍ନାନବେଦୀକୁ ଧାଡି ପହଣ୍ଡିରେ ବିଜେ କରୁଛନ୍ତି ଶ୍ରୀଜିଉ
  • ||

ଦାୟିତ୍ୱ ନେଲେ ପ୍ରିୟଙ୍କା

ନୂଆଦିଲ୍ଲୀ,୬ ।୨(ଏଜେନ୍ସି): ନବ ନିଯୁକ୍ତ କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା ଆଜି ବିଧିବଦ୍ଧ ଭାବେ ଦାୟିତ୍ୱ ଗ୍ରହଣ କରିଛନ୍ତି । ନୂଆଦିଲ୍ଲୀର ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) କାର୍ଯ୍ୟାଳୟରେ ତାଙ୍କ ସ୍ୱାମୀ ରବର୍ଟ ଭଦ୍ରାଙ୍କୁ ଛାଡି ସେ ସିଧାସଳଖ ଆକବର ରୋଡ୍‌ରେ ଥିବା କଂଗ୍ରେସ ମୁଖ୍ୟାଳୟରେ ପହଞ୍ଚି ଦାୟିତ୍ୱ ନେଇଛନ୍ତି । ମୁଖ୍ୟାଳୟରେ ତାଙ୍କ ପାଇଁ ଏକ କାର୍ଯ୍ୟାଳୟ ଖୋଲାଯାଇଛି । ଦାୟିତ୍ୱ ନେବା ପରେ ସେ ନିଜ କାର୍ଯ୍ୟାଳୟରେ ଦଳୀୟ କାର୍ଯ୍ୟକର୍ତ୍ତାଙ୍କ ସହ ଆଲୋଚନା କରିଛନ୍ତି । ଆସନ୍ତା ୧୧ ତାରିଖରୁ ସେ ୟୁପି ଗସ୍ତରେ ଯିବେ । ସେହିଦିନ ଲକ୍ଷେ୍ନøରେ ଏକ ରୋଡ ଶୋ’କରିବେ ଓ ଦଳୀୟ କାର୍ଯ୍ୟକର୍ତ୍ତାଙ୍କ ସହିତ ଆଲୋଚନା କରିବେ । କୁମ୍ଭ ମେଳା ଅବସରରେ ସେ ପ୍ରୟାଗରାଜ ଯାଇ ବୁଢ଼ ପକାଇବେ ବୋଲି ବିଶେଷ ସୂତ୍ରରୁ ସୂଚନା ମିଳିଛି । ଚଳିତମାସ ଶେଷ ବେଳକୁ ରାହୁଲଙ୍କ ସହ ସେ ୟୁପିରେ ଏକ ର‌୍ୟାଲି କରିବା ସହିତ କଂଗ୍ରେସର ଶକ୍ତି ପ୍ରଦର୍ଶନ କରିବେ ବୋଲି କୁହାଯାଉଛି ।
ଆଗାମୀ ଲୋକସଭା ନିର୍ବାଚନକୁ ଦୃଷ୍ଟିରେ ରଖି ଗତମାସରେ ତାଙ୍କୁ କଂଗ୍ରେସ ସାଧାରଣ ସମ୍ପାଦକ ନିଯୁକ୍ତ କରାଯିବା ସହିତ ଉତ୍ତରପ୍ରଦେଶର ପୂର୍ବାଞ୍ଚଳ ଦାୟିତ୍ୱ ଦିଆଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିର୍ବାଚନମଣ୍ଡଳୀ ବାରାଣସୀ ଓ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପୂର୍ବରୁ ଲଢ଼ୁଥିବା ଗୋରଖପୁର ଲୋକସଭା ନିର୍ବାଚନମଣ୍ଡଳୀ ଏହି ପୂର୍ବାଞ୍ଚଳ ଅଧୀନରେ ରହିଛି । ରବିବାର ପ୍ରିୟଙ୍କା ବିଦେଶରୁ ଫେରିବା ପରେ ଗତକାଲି ଭାଇ ତଥା ଦଳର ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ସାକ୍ଷାତ କରିଥିଲେ । ପରେ ଦଳର ବରିଷ୍ଠ ନେତାଙ୍କ ସହ ଆଲୋଚନା କରିଥିଲେ । ୮୦ ଆସନ ଥିବା ଉତ୍ତରପ୍ରଦେଶ ସର୍ବଦା ଲୋକସଭା ନିର୍ବାଚନରେ ଚର୍ଚ୍ଚାରେ ରହିଆସିଛି । ଏଠାରୁ ଯେଉଁ ଦଳ ନିର୍ବାଚନରେ ଅଧିକ ଆସନ ପାଏ କେନ୍ଦ୍ରରେ ସେହିଦଳ ସରକାର ଗଠନ କରିଥାଏ ନତୁବା ସରକାର ଗଠନରେ ପ୍ରମୁଖ ଭୂମିକା ନିଭାଇଥାଏ । ତେଣୁ ପ୍ରତ୍ୟେକ ଜାତୀୟ କିମ୍ବା ଆଞ୍ଚଳିକ ଦଳ ଏଠାରୁ ଅଧିକରୁ ଅଧିକ ଆସନ ଜିତିବା ଲାଗି ଲକ୍ଷ୍ୟ ରଖିଥାନ୍ତି ଓ ସେହି ଅନୁସାରେ ରଣନୀତି ପ୍ରସ୍ତୁତ କରିଥାନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.