ନୂଆଦିଲ୍ଲୀ, ୨୦/୦୧: ସୁପ୍ରିମକୋର୍ଟରୁ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ସମାନ୍ୟ ଆଶ୍ବସ୍ତି। ମାନହାନୀ ମାମଲାର ଶୁଣାଣିକୁ ସ୍ଥଗିତ ରଖିଛନ୍ତି ସୁପ୍ରିମ୍କୋର୍ଟ। ତେବେ ଗୃହମନ୍ତ୍ରୀ ଅମିତ ଶାହ ଏବଂ ବିଜେପି ବିରୋଧରେ ଦେଇଥିବା ବୟାନ ପାଇଁ ରାହୁଲଙ୍କ ନାମରେ ଏକ ମାନହାନୀ ମାମଲା ରୁଜୁ ହୋଇଥିଲା।ଯାହାକୁ ନେଇ ଏବେ ସୁପ୍ରିମ୍କୋର୍ଟ ସ୍ଥଗିତ ରଖିଛନ୍ତି।
ତେବେ ବିଚାରପତି ବିକ୍ରମ ନାଥ ଏବଂ ସନ୍ଦୀପ ମେହେଟ୍ଟାଙ୍କୁ ନେଇ ଗଠିତ ଏକ ଖଣ୍ଡପୀଠ ଝାଡ଼ଖଣ୍ଡ ହାଇକୋର୍ଟର ଆଦେଶକୁ ଚ୍ୟାଲେଞ୍ଜ କରି ରାହୁଲ ଗାନ୍ଧୀଙ୍କ ଦ୍ୱାରା ଦାୟର ହୋଇଥିବା ଏକ ସ୍ୱତନ୍ତ୍ର ଅନୁମତି ଆବେଦନର ଶୁଣାଣି କରିଥିଲେ। ରାହୁଲ ଗାନ୍ଧୀଙ୍କ ପକ୍ଷରୁ ଉପସ୍ଥିତ ଥିବା ବରିଷ୍ଠ ଓକିଲ ଅଭିଷେକ ମନୁ ସିଂଘଭୀ କହିଛନ୍ତି ଯେ ଏପରି ଅନେକ ରାୟ ରହିଛି। ସେଥିପାଇଁ କେବଳ ପୀଡିତ ବ୍ୟକ୍ତି ହିଁ ମାନହାନି ଅଭିଯୋଗ ଦାଖଲ କରିପାରିବେ । ଅଭିଯୋଗ କୌଣସି ପ୍ରକ୍ସି ପାର୍ଟି ଦ୍ୱାରା ଦାଖଲ କରାଯାଇପାରିବ ନାହିଁ। ପ୍ରକାଶ ଥାଉକି, ମନ୍ତ୍ରୀ ଅମିତ ଶାହ ଏବଂ ବିଜେପି ବିରୋଧରେ ଦେଇଥିବା ବୟାନ ପାଇଁ ରାହୁଲଙ୍କ ମାନହାନୀ ମାମଲା ରୁଜୁ ହୋଇଥିଲା । ଏନେଇ ପ୍ରଥମେ ରାଞ୍ଚିର ଜଣେ ମାଜିଷ୍ଟ୍ରେଟ୍ କୋର୍ଟ ତାଙ୍କ ଅଭିଯୋଗକୁ ପ୍ରତ୍ୟାଖ୍ୟାନ କରିଥିଲେ। ଏହା ପରେ ସେ ରାଞ୍ଚିରେ ଜୁଡିସିଆଲ୍ କମିଶନରଙ୍କ ନିକଟରେ ସଂଶୋଧନ ଆବେଦନ କରିଥିଲେ। ୧୫ ସେପ୍ଟେମ୍ବର ୨୦୧୮ ରେ, ରାଞ୍ଚିରେ ଜୁଡିସିଆଲ୍ କମିଶନର ଅଭିଯୋଗ ଆବେଦନକୁ ଖାରଜ କରି ଏହାକୁ ମାଜିଷ୍ଟ୍ରେଟ୍ କୋର୍ଟକୁ ପଠାଇ ଦେଇଥିଲେ। ରେକର୍ଡରେ ଥିବା ପ୍ରମାଣର ପୁନଃ ସମୀକ୍ଷା କରିବାକୁ ଜୁଡିସିଆଲ୍ କମିଶନର ମାଜିଷ୍ଟ୍ରେଟଙ୍କୁ ନିର୍ଦ୍ଦେଶ ଦେଇଥିଲେ।
