ଭୁବନେଶ୍ବର,୩୧/୫ : ଆସନ୍ତା ୨୪ଘଂଟାରେ ବର୍ଷା । ବିଜୁଳି ଘଡ଼ ଘଡ଼ି ସହ ବର୍ଷା ସମ୍ଭାବନା । ୭ ଜିଲ୍ଲାକୁ ୟେଲୋ ୱାର୍ଣିଂ ଜାରୀ କଲା ପାଣିପାଗ ବିଭାଗ । ଜିଲ୍ଲା ଗୁଡ଼ିକ ହେଲା ନବରଙ୍ଗପୁର, କୋରାପୁଟ, ରାୟଗଡ଼ା, ମାଲକାନଗିରି, ମୟୂରଭଞ୍ଜ, ସୁନ୍ଦରଗଡ଼, କେଉଁଝର ।
ଏହି ଜିଲ୍ଲା ଗୁଡ଼ିକର ଗୋଟିଏ ଦୁଇଟି ସ୍ଥାନରେ ମଧ୍ୟାହ୍ନ ଅବା ସନ୍ଧ୍ୟା ସମୟରେ ପ୍ରବଳ ବର୍ଷା ସମ୍ଭାବନା ରହିଛି । ଏଥିସହ ସହ ଝଟକା ପବନ ଘଣ୍ଟା ପ୍ରତି ୪୦ରୁ ୫୦କିଲୋମିଟର ମଧ୍ୟ ହୋଇପାରେ । ସେହିପରି ମଧ୍ୟମ ଧରଣର ବର୍ଷା ନେଇ ୨୪ଜିଲ୍ଲାରେ ସତର୍କତା ଜାରୀ କରିଛି ପାଣିପାଗ ବିଭାଗ । ଏଭଳି ସ୍ଥିତି ଆସନ୍ତା ଜୁନ ୨ତାରିଖ ଯାଏଁ ହେବ । ଅନ୍ୟପଟେ ପାଣିପାଗ ବିଶେଷଜ୍ଞ କହିଛନ୍ତି ରାଜ୍ୟରେ ଏବେ ମନସୁନ ବ୍ରେକ୍ ସ୍ଥିତି ଜାରି ରହିଛି । ବାୟୁମଣ୍ଡଳରେ ଯଥେଷ୍ଟ ଜଳୀୟ ବାଷ୍ପ ଥିବା ହେତୁ ଗରମ ଗୁଳୁଗୁଳି ସହ ବର୍ଷା ସ୍ଥିତି ମଧ୍ୟ ଉପୁଜିବ ।
