ନୂଆଦିଲ୍ଲୀ,୩୦।୮: ଭାରତକୁ ପ୍ରତିରକ୍ଷା କ୍ଷେତ୍ର ପାଇଁ ଆତ୍ମନିର୍ଭର ହେବା ଖୁବ୍ ଆବଶ୍ୟକ। ଏଥିପାଇଁ ଦେଶକୁ କୌଣସି ବିଦେଶୀ ଯୋଗାଣ ଉପରେ ନିର୍ଭର କରିବାକୁ ପଡିବନି। ଆମେରିକା ରାଷ୍ଟ୍ରପତି ଡୋନାଲ୍ଡୋ ଟ୍ରମ୍ପଙ୍କ ପକ୍ଷରୁ ଭାରତୀୟ ଆମଦାନୀ ଉପେର ଲଗାଯାଇଥିବା ୫୦% ଟାରିଫ୍ର ଆଲୋଚନା କରି ଏଭଳି କହିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ। ସେ କହିଛନ୍ତି , କେହି କାହାର ସ୍ଥାୟୀ ମିତ୍ର କିମ୍ବା ଶତ୍ରୁ ନୁହଁନ୍ତି। କେବଳ ହିତ ସ୍ଥାୟୀ ରହିଥାଏ। ବିଶ୍ବସ୍ତରରେ ଏବେ ବାଣିଜ୍ୟ ପାଇଁ ଯୁଦ୍ଧ ଭଳି ସ୍ଥିତି ରହିଛି।’ ବିକଶିତ ଦେଶ ଦ୍ରୁତ ଗତିରେ ସଂରକ୍ଷଣବାଦୀ ହେଉଛନ୍ତି, କିନ୍ତୁ ଭାରତ ନିଜର ଜାତୀୟ ହିତ ସହ କୌଣସି ପ୍ରକାର ସାଲିସ କରିବନି।’
ରାଜନାଥ କହିଛନ୍ତି, ସରକାର ସୁଦର୍ଶନ ଚକ୍ର ଅନୁସାରେ ୧୦ ବର୍ଷରେ ସାରାଦେଶରେ ସବୁ ଗୁରୁତ୍ବପୂର୍ଣ୍ଣ ଏୟାର ଡିଫେନ୍ସ ସିଷ୍ଟମ ଯୋଗାଇବାର ଯୋଜନା ତିଆରି କରୁଛନ୍ତି। ଏନଡିଟିଭି ଡିଫେନ୍ସ ସମିଟ୍ରେ ନିଜ ସମ୍ବୋଧନରେ ସିଂହ ଏହା କହିଛନ୍ତି। ସେ କହିଛନ୍ତି, ଏଭଳି ସୁରକ୍ଷା ପ୍ରଣାଳୀ ପ୍ରସ୍ତୁତ କରାଯାଉଛି, ଯାହାକି ଶତ୍ରୁଙ୍କୁ କୌଣସି ପ୍ରକାର ଆକ୍ରମଣରୁ ରକ୍ଷା କରିବାରେ ସକ୍ଷମ ହେବ। ଯେପରି ଆମେ ‘ଅପରେସନ୍ ସିନ୍ଦୂର’ ସମୟରେ କରିଥିଲୁ। ଏଭଳି ସମୟରେ ସୁଦର୍ଶନ ଚକ୍ର ମିଶନ୍ ଏକ ବଡ଼ ପରିବର୍ତ୍ତନ ପ୍ରମାଣିତ ହେବାକୁ ଯାଉଛି।ଆଜି ପ୍ରତିରକ୍ଷା କ୍ଷେତ୍ର କେବଳ ରାଷ୍ଟ୍ରୀୟ ସୁରକ୍ଷାର ମୂଳଦୁଆ ନୁହେଁ, ବଂର ଏହା ଆମର ଅର୍ଥବ୍ୟବସ୍ଥାକୁ ମଜବୁତ କରିବା ଓ ଏହାର ଭବିଷ୍ୟତକୁ ସୁରକ୍ଷିତ କରିବାର ଏକ ପ୍ରମୁଖ ଆଧାର ପାଲଟିଛି।’ଏହା କେବଳ ଲୋକଙ୍କ ସୁରକ୍ଷା ଏବଂ ସୀମା ସୁରକ୍ଷା ପର୍ଯ୍ୟନ୍ତ ସୀମିତ ନାହିଁ, ବଂର ଏହା ଆମର ପୁରା ଆର୍ଥିକ ଢାଞ୍ଚାର ସୁରକ୍ଷା ଓ ସ୍ଥିରତାର ଦାୟିତ୍ବ ଗ୍ରହଣ କରିଛି ବୋଲି ରାଜନାଥ କହିଛନ୍ତି।
