ମୁମ୍ବାଇ,୦୨/୧୧ : ନ୍ୟୁଜିଲାଣ୍ଡ ବିପକ୍ଷ ତୃତୀୟ ଟେଷ୍ଟରେ ପାୱାରଫୁଲ ସାବ୍ୟସ୍ତ ହୋଇଛନ୍ତି ଋଷବ ପନ୍ତ । ଭାରତର ଷ୍ଟାର ବ୍ୟାଟର ତଥା ୱିକେଟକିପର ପନ୍ତଙ୍କ ନାମରେ ଏକ ନୂଆ ରେକର୍ଡ ଯୋଡି ହୋଇଛି । ନ୍ୟୁଜିଲାଣ୍ଡ ବିପକ୍ଷରେ ଦ୍ରୁତତମ ଅର୍ଦ୍ଧଶତକ ହାସଲକାରୀ ଖେଳାଳି ହୋଇଛନ୍ତି ସେ । ୱାଙ୍ଖେଡରେ ନ୍ୟୁଜିଲାଣ୍ଡ ବିପକ୍ଷରେ ତୃତୀୟ ଟେଷ୍ଟ ମ୍ୟାଚ ଖେଳୁଛି ଭାରତ ।
ମ୍ୟାଚର ଦ୍ବିତୀୟ ଦିନରେ ଦଳ ପାଇଁ ସଙ୍କଟମୋଚକ ସାଜିଥିଲେ ପନ୍ତ । ମାତ୍ର ୩୬ଟି ବଲରେ ଦ୍ରୁତତମ ଅର୍ଦ୍ଧଶତକ ହାସଲ କରିଥିଲେ । ନ୍ୟୁଜିଲାଣ୍ଡ ବିପକ୍ଷରେ ଦ୍ରୁତତମ ଅର୍ଦ୍ଧଶତକ ହାସଲକାରୀ ଭାରତୀୟ ଖେଳାଳି ହୋଇଛନ୍ତି ପନ୍ତ । ତୃତୀୟ ଟେଷ୍ଟ ମ୍ୟାଚରେ ଦ୍ବିତୀୟ ଦିନରେ ଭାରତ ମୋଟ ୪ଟି ୱିକେଟ ହରାଇ ସଂଙ୍କଟରେ ପଡି ଯାଇଥିଲା । ଏହା ପରେ ପନ୍ତ ଓ ଗିଲ ଦଳର ସ୍କୋରକୁ ଆଗକୁ ନେଇଥିଲେ । ମାତ୍ର ୩୬ଟି ବଲରେ ୫୯ ରନ କରିଥିଲେ ଋଷବ । ମୋଟ ୫୯ ବଲରେ ୬୦ ରନ କରି ଦଳକୁ ମଜବୁତ ସ୍କୋରରେ ପହ଼଼ଞ୍ଚାଇଥିଲେ । ପନ୍ତଙ୍କ ଷ୍ଚ୍ରାଇକ ରେଟ ୧୦୧.୬୯ ରହିଛି ।
ପୂର୍ବରୁ ଏହିରେ ରେକର୍ଡ ଓପନର ଜସ୍ବସୀ ଯଶୱାଲଙ୍କ ନାମରେ ରହିଥିଲା । ଦ୍ବିତୀୟ ଟେଷ୍ଟ ମ୍ୟାଚରେ କ୍ବିୱି ଦଳ ବିପକ୍ଷରେ ଜସ୍ବସୀ ଦ୍ରୁତତମ ଅର୍ଦ୍ଧଶତକ ହାସଲକାରୀ ଖେଳାଳି ହୋଇଥିଲେ ।
ତୃତୀୟ ଟେଷ୍ଟର ଦ୍ବିତୀୟ ଦିନରେ ଭାରତ ୨୬୩ରନରେ ଅଲଆଉଟ ହୋଇଥିଲେ । ଏହା ପରେ କ୍ବିୱି ଦଳ ପାଳି ଆରମ୍ବ କରିଥିଲା । ଖବର ଲେଖା ହେବା ସୁଦ୍ଦା ନ୍ୟୁଜିଲାଣ୍ଡ ୧୬୮ ରନ କରି ୮ଟି ୱିକେଟ ହରାଇ ସାରିଛି ।
