ନୂଆଦିଲ୍ଲୀ : ଦିଲ୍ଲୀ ଦଙ୍ଗା ଷଡ଼ଯନ୍ତ୍ର ମାମଲା। ଅଭିଯୁକ୍ତ ଶରଜିଲ ଇମାମ ଅନ୍ତରୀଣ ଜାମିନ ଶେଷ ହେବା ପରେ ,ସୋମବାର ଦିଲ୍ଲୀର ତିହାର ଜେଲ୍ରେ ସରେଣ୍ଡର କରିଛନ୍ତି। ଦିଲ୍ଲୀର ଏକ କୋର୍ଟ ୯ ମାର୍ଚ୍ଚରେ ଶରଜିଲ ଇମାନଙ୍କୁ ପାରିବାରିକ ଉତ୍ସବରେ ସାମିଲ ହେବା ପାଇଁ ସର୍ତ୍ତ ସହ ୧୦ ଦିନର ଅନ୍ତରୀଣ ଜାମିନ ଦେଇ ଥିଲେ। ଶରଜିଲ ଅସୁସ୍ଥ ମାଆଙ୍କୁ ଭେଟିବା ଓ ୨୫ ମାର୍ଚ୍ଚରେ ନିଜର ଛୋଟ ଭାଇ ମୁଜ୍ଜାମ୍ମିଲ ଇମାନଙ୍କ ବାହାଘରରେ ଅନ୍ତର୍ଭୁକ୍ତ ହେବା ପାଇଁ ଅନ୍ତରୀଣ ଜାମିନ ମାଗି ଥିଲେ। ସେ ୧୫ ମାର୍ଚ୍ଚରୁ ୨୬ ଅପ୍ରେଲ ଯାଏ ଛଅ ସପ୍ତାହର ଅନ୍ତରୀଣ ଜାମିନ ମାଗି ଥିଲେ , କୋର୍ଟ କେବଳ ୧୦ ଦିନର ହିଁ ଜାମିନ ମଞ୍ଜୁର କରି ଥିଲେ। ତାଙ୍କୁ ୨୦ରୁ ୩୦ମାର୍ଚ୍ଚ ଯାଏ ପାରୋଲ ମିଳି ଥିଲା। ଏହି ସମୟରେ ଶରଜିଲ ମିଡ଼ିଆ ଠାରୁ ଦୂରରେ ରହିଥିଲେ ଏବଂ ସାର୍ବଜନିକ ରୂପେ କୌଣସି ବିବୃତ୍ତି ଦେଇ ନଥିଲେ।
ଶରଜିଲ ପରିବାର ଲୋକଙ୍କ ଠାରୁ ବିଦାୟ ନେଇ ସକାଳେ ନିଜର ପୈତୃକ ଗାଁ କାକୋ (ଜିଲ୍ଲା ଜହାନାବାଦ)ରୁ ଦିଲ୍ଲୀ ପାଇଁ ପ୍ରସ୍ଥାନ କରୁଥିଲେ। ସରେଣ୍ଡର ସମୟରେ ଜିଲ୍ଲା ବାହାରେ ତାଙ୍କ ସହ ପରିବାରର ଜଣେ ସଦସ୍ୟ ମଧ୍ୟ ଥିଲେ, ଯିଏ ତାଙ୍କୁ ଗେଟ୍ ଯାଏ ଛାଡ଼ିବାକୁ ଆସି ଥିଲେ। ଏହି ସମୟରେ ଜଣେ ବ୍ୟକ୍ତି କହିଥିଲେ , ତଳ କୋର୍ଟରୁ ଶକିଲଙ୍କୁ ପାରୋଲ ଦିଆଯାଇ ଥିଲା ଏବଂ ଆମକୁ ସନ୍ଧ୍ୟା ପୂର୍ବରୁ ସରେଣ୍ଡର କରିବାର ଥିଲା। ଆମେ କୋର୍ଟଙ୍କ ଆଇନକୁ ମାନି ଯାହାର ଅନ୍ତର୍ଗତ ଆମକୁ ପାରୋଲ ଦିଆଯାଇ ଥିଲା , ଆମେ ଏହାକୁ ମାନି ସନ୍ଧ୍ୟା ପୂର୍ବରୁ ସରେଣ୍ଡର କରି ଦେଇଛୁ।
ଆପଣଙ୍କୁ କହି ରଖୁଛୁ କି ,ଶରଜିଲ ଉତ୍ତର-ପୂର୍ବ ଦିଲ୍ଲୀରେ ଫେବ୍ରୁଆରୀ ୨୦୨୦ରେ ହୋଇଥିବା ଦଙ୍ଗା ସହ ସମ୍ୱନ୍ଧିତ ମାମଲାରେ ଅଭିଯୁକ୍ତ , ଯେଉଁଥିରେ ୫୩ ଜଣ ଲୋକଙ୍କ ଜୀବନ ଯାଇଥିଲା ଏବଂ ୭୦୦ରୁ ଅଧିକ ଆଘାତ ହୋଇଥିଲେ। ଏହି ହିଂସା ନାଗରିକତା ସଂଶୋଧନ ଅଧିନିୟମ (ସିଏଏ) ଓ ରାଷ୍ଟ୍ରୀୟ ନାଗରିକ ପଞ୍ଜୀ (ଏନଆରସି) ବିରୋଧରେ ବ୍ୟାପକ ବିରୋଧ ପ୍ରଦର୍ଶନ ବେଳେ ତେଜି ଥିଲା।
