ନୂଆଦିଲ୍ଲୀ, ୧୮/୦୪: ଆଇପିଏଲ ଏକ ମିଳନର ଋତୁ । ହୃଦୟ ଭାଙ୍ଗିଥିଲେ ପୁଣି ଯୋଡ଼ିବାର ବେଳ । ପୂର୍ବରୁ ଏମିତି ବହୁ ଦୃଷ୍ଟାନ୍ତ ରହିଛି । ଏବେ ୟୁଝବେନ୍ଦ୍ର ଚହଲ ଏବଂ ଶିଖର ଧାୱନଙ୍କୁ ନେଇ ସେମିତି କିଛି ଚର୍ଚ୍ଚା ହେଉଛି । ସୋସିଆଲ ମିଡିଆରେ କେତେ କ’ଣ କଥା ଚାଲିଛି । ଫଟୋ ବି ଭାଇରାଲ ହେଉଛି । ଦୁହିଁଙ୍କ ବିବାହ ବିଚ୍ଛେଦ ପରେ ପୁଣି ସେମାନେ ପ୍ରେମରେ ପଡ଼ିଛନ୍ତି ।
ପ୍ରଥମେ ଚହଲଙ୍କ କଥା, ଖୁବ ଅଳ୍ପ ଦିନ ମଧ୍ୟରେ ଚହଲ ଓ ଧନଶ୍ରୀଙ୍କ ଦାମ୍ପତ୍ୟ ଜୀବନରେ ଝଡ଼ ସୃଷ୍ଟି ହେବା ସହ ବିଚ୍ଛେଦ ହେଲା । ବିଚ୍ଛେଦର କାରଣ ସେମାନେ ଖୋଲି କହି ନଥିଲେ । କିନ୍ତୁ ଯାହା ଜଣା ପଡ଼ିଥିଲା ଯେ, ଧନଲକ୍ଷ୍ମୀ ମୁମ୍ବାଇରେ ରହିବାକୁ ଚାହୁଁଥିଲେ କିନ୍ତୁ ଚହଲ ଏଥିରେ ସହମତି ପ୍ରକାଶ କଲେ ନାହିଁ । ଯେଉଁଥିପାଇଁ ଦୁହିଁଙ୍କ ମଧ୍ୟରେ ଦ୍ୱନ୍ଦ୍ୱ ଉପୁଜିଲା ଏବଂ ଶେଷରେ ବିଚ୍ଛେଦ ହେଲା ।
ବିଚ୍ଛେଦର ଖୁବ ଅଳ୍ପ ଦିନ ମଧ୍ୟରେ ଚହଲ ଜଣେ ଯୁବତୀଙ୍କ ସହ ନଜରକୁ ଆସିଥିଲେ । ଯୁବତୀ ଜଣଙ୍କ ଥିଲେ ରେଡିଓ ଜୋକି ମହବଶ । ସେମାନଙ୍କ ଭିତରେ ପ୍ରେମ ସଂପର୍କ ଗଢ଼ି ଉଠିଛି । ଚହଲଙ୍କ ସହ ବାରମ୍ବାର ମହବଶ ନଜରକୁ ଆସୁଛନ୍ତି । ସୋସିଆଲ ମିଡିଆରେ ତାଙ୍କ ଖେଳକୁ ପ୍ରଶଂସା କରୁଛନ୍ତି । ତେଣୁ ଯାହା ଆଶା କରାଯାଉଛି ଉଭୟ ହୁଏତ ବିବାହ କରିପାରନ୍ତି । ଚହଲଙ୍କ ସହ ବନ୍ଧୁତା ପୂର୍ବରୁ ମହବଶ ୩ ଜଣଙ୍କୁ ପ୍ରେମ କରିଥିଲେ । ସେମାନେ ସମସ୍ତେ କାଳେ ତାଙ୍କୁ ଧୋକା ଦେଇଛନ୍ତି । ଚହଲ ହେଉଛନ୍ତି ତାଙ୍କର ଚତୁର୍ଥ ପ୍ରେମିକ ।
ଶିଖର ଧାୱନ ଆଇପିଏଲ ଖେଳୁ ନାହାନ୍ତି । ୨୦୨୧ରେ ତାଙ୍କର ଆୟେଶା ମୁଖାର୍ଜୀଙ୍କ ସହ ବିବାହ ବିଚ୍ଛେଦ ହୋଇଥିଲା । ତାଙ୍କର ଗୋଟିଏ ପୁଅ ଅଛି । ବିଚ୍ଛେଦ ପରେ ପୁଅ ମାଆ ପାଖରେ ରହୁଛି । ଦୀର୍ଘ ୪ ବର୍ଷ ହେଲା ଧାୱନ ନିଃସଙ୍ଗ ଜୀବନ ବିତାଉଛନ୍ତି । ଏ ପର୍ଯ୍ୟନ୍ତ ସେ ବିବାହ କରି ନାହାନ୍ତି । କିନ୍ତୁ ଏଇ ନିକଟରେ ଧାୱନଙ୍କ ସହ ଦୁଇ ଜଣ ଚର୍ଚ୍ଚିତ ମହିଳାଙ୍କ ନାମ ଯୋଡ଼ା ଯାଉଛି । ହୁଏତ ଏହି ଦୁଇ ମହିଳାଙ୍କ ମଧ୍ୟରୁ ସେ ଜଣଙ୍କୁ ହୃଦୟ ଦେଇ ସାରିଛନ୍ତି । ତାଙ୍କୁ ବିବାହ କରିବେ । ସେମାନଙ୍କ ମଧ୍ୟରେ ରହିଛନ୍ତି ଅଭିନେତ୍ରୀ ଦିଶା ପଟାନି ଓ ଆୟର୍ଲାଣ୍ଡର ସୋଫି ସାଇନ । ସାଇନିଙ୍କ ସହ ତାଙ୍କର ଏକାଧିକ ଫଟୋ ଭାଇରାଲ ହେଉଛି । ହୁଏତ ତାଙ୍କୁ ହିଁ ଧାୱନ ବିବାହ କରିବେ ବୋଲି କୁହାଯାଉଛି ।
