ମୁମ୍ବାଇ,୨୩/୧୧: କାହା ସପକ୍ଷରେ ଯିବ ମୁମ୍ବାଇ ଜନାଦେଶ । କିଏ ମାରିବ ବାଜି । କାହାର ହେବ ମହାରାଷ୍ଟ୍ର କିଏ ଗଢିବ ସରକାର । କିଛି ଘଣ୍ଟା ପରେ ଏହି ପ୍ରଶ୍ନର ଉତ୍ତର ମିଳିଯିବ। ମହାରାଷ୍ଟ୍ର ବିଧାନସଭା ନିର୍ବାଚନ ଭୋଟ ଗଣତି ଜାରି ରହିଛି । ରାଜ୍ୟରେ ମହାୟୁତିର ସୁନାମି ଦେଖିବାକୁ ମିଳିଛି । ଏନଡିଏ ମେଣ୍ଟ ମହାୟୁତି ୨୦୦ ପାର କରିଛି । ବଡ ବିଜୟ ଅଭିମୁଖେ ଆଗକୁ ବଢୁଛି ଦଳ । ଏହାକୁ ନେଇ ଶିବସେନା ନେତା ସଞ୍ଜୟ ରାୱତ କହିଛନ୍ତି କିଛି ଭୁଲ ହୋଇଥିବା ଜଣାପଡୁଛି । କିଛି ଗଡବଡ ହୋଇଛି ।
ମହାରାଷ୍ଟ୍ର ଭୋଟ କାଉଣ୍ଟିଂ ଜାରି ରହିଛି । ୨୦୦ ଆସନରେ ଆଗୁରେ ଲିଡ କରୁଛି ମହାୟୁତି । ମହା ବିକାଶ ଅଘାଡିର ବଡ ବିପର୍ଯ୍ୟୟ ହୋଇଥିବା ଦେଖିବାକୁ ମିଳିଛି । ଏହି ଟ୍ରେଣ୍ଡ ଆସିଲା ପରେ ଶିବସେନା ନେତା ସଞ୍ଜୟ ରାୱତ ଗଣମାଧ୍ୟମକୁ ପ୍ରତିକ୍ରିୟା ଦେଇଛନ୍ତି । ସେ କହିଛନ୍ତି, ଆମେ ଯାହା ଦେଖୁଛୁ ଯାହା ଜଣାପଡୁଛି କିଛି ଗଡବଡ ହୋଇଛି । ଏହା ଲୋକଙ୍କ ନିଷ୍ପତ୍ତି ନୁହେଁ । ସମସ୍ତ ବୁଝି ପାରୁଛନ୍ତି କିଛି ତ ଭୁଲ ହୋଇଛି । ସେମାନେ କଣ କରିଛନ୍ତି ଯେ ୧୨୦ ଆସନରୁ ଅଧିକ ଆସନ ହାତେଇବ । ଏ ନିଷ୍ପତ୍ତି ଜନତାଙ୍କର ନୁହେଁ କିଛି ତ ଗଡବଡ ହୋଇଛି ।
#WATCH | As Mahayuti has crossed halfway mark in Maharashtra, Shiv Sena UBT leader Sanjay Raut says, "They have done some 'gadbad', they have stolen some of our seats...This cannot be the public's decision. even the public does not agree with these results. Once the results are… pic.twitter.com/Qxx6a0mKsW
— ANI (@ANI) November 23, 2024
ସେ ଆହୁରି କହିଛନ୍ତି, ମହାରାଷ୍ଟ୍ର ହେଉ ବା ଅନ୍ୟ ରାଜ୍ୟ ସବୁଠି ଗଡବଡ ହୋଇଛି । ବିଧାନସଭାରେ କୌଣସି ବିପକ୍ଷ ନେତା ନ ରୁହନ୍ତୁ ମୋଦି ଓ ଶାହା ଚାହୁଁଥିଲେ । ଏହା ତାଙ୍କର ଷ୍ଟ୍ରେଟେଜୀ । ଏହା ଲୋକଙ୍କ ନିଷ୍ପତ୍ତି ନୁହେଁ । ଏ ରାଜ୍ୟର ଲୋକ ବେଇମାନ ନୁହନ୍ତି । ଏମତି କରି ସେ ରାଜ୍ୟବାସୀଙ୍କୁ ବେଇମାନ ଦର୍ଶାଇଛନ୍ତି । ବିଜେପିକୁ ୧୨୫ ଆସନ ମିଳିବ ଏହା ସମ୍ଭବ ନୁହେଁ ।
ରିପୋର୍ଟ ଲେଖା ହେବା ସୁଦ୍ଧା, ମହାରାଷ୍ଟ୍ରରେ ମହାୟୁତି ଦଳ ୨୧୫ଟି ଆସନରେ ଆଗରେ ରହିଛି । ଏମଭିଏ ୬୧ ଆସନରେ ଆଗୁଆ ରହିଛି । ହେବିୱେଟ ପ୍ରାର୍ଥୀ ଏକନାଥ ସିନ୍ଦେ କୋପରୀ ପଚପୋଖଡି ଆସନରେ ଆଗୁଆ ରହିଛନ୍ତି । ସାଉଥ-ୱେଷ୍ଟ ନାଗପୁରରେ ହେବିୱେଚ ଦେବେନ୍ଦ୍ର ଫର୍ଣ୍ଣାଭିସ ଆଗରେ ରହିଛନ୍ତି । ଅଜିତ୍ ପାୱାର ବି ଆଗୁଆ ରହିଛନ୍ତି ।
